Néra Njékaḭkulaje 13:23 - Maktub gə́ To gə Kəmee

²³ Ŋgoka Dabid lé ɓa Ala ɔr njekaji keneŋ ar Israɛl, yee ɓa gə́ Jeju gə goo ndukun gə́ yeḛ un ne ndia ar dee lé.

Néra Njékaḭkulaje 13:23 ပူးပေါင်းရင်းမြစ်များ

2 Samel 7:12

Loo gə́ ndɔje ləi d’a kaw lée’g béréré mba kari wəi ndá m’a kɔr ŋgoni gə́ a kḭ məəi’g ndá m’a kar ɓeeko̰ ləi to ne njaŋg ya.

Pakɔsje 132:11

Njesigənea̰ lé man rəa gə kankəmta ar Dabid Ndá yeḛ a pəl ta el, yeḛ pana: N’a kar ŋgonee gə́ to ŋgon mée Si dɔ kalimbai’g ləa gao ya.

Esai 11:1

Tɔɓəi barkəmrɔ Isai a kidi dɔ jigee’g ləm, Barkəmee a tuba dɔ ŋgiraje’g ləm tɔ.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 43:11

To ma nja ɓa m’to Njesigənea̰, Ɓó lé ma m’godo ndá Njekaji kára kara godo tɔ.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Esai 7:13

Esai tel ulá tɔɓəi pana: Seḭ ŋgaka Dabid lé urje mbi sí! See naa gə́ seḭ naaje meekila lə dəwje lé to né gə́ lam ba ɓa seḭ naaje meekila lə Ala tɔɓəi wa.

Jeremi 30:9

D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 1:1

Ginka Jeju Kristi, yeḛ gə́ to ŋgoka Dabid ləm, gə ŋgoka Abrakam ləm tɔ.

Matiyo 1:21

Yeḛ nja a kaji dəwje ləa kɔr dee ne dan kaiyaje’g lə dee.

Matiyo 21:9

Deḛ gə́ njaa nea̰’g gə deḛ gə́ ndɔm gée’g lé ra né tar u-u-u pana: Hosana, arje ŋgon Dabid. Maji kar dɔkaisəgərə nai gə yeḛ gə́ ree gə ri Mbaidɔmbaije lé. Hosana, arje deḛ gə́ d’isi mee loo gə́ to tar sab lé ləm tɔ.

Matiyo 22:42

See yeḛ lé to gə́ ŋgon nawa. Deḛ tel d’ilá keneŋ pana: Yeḛ to ŋgon Dabid ya.

Lugu 1:69

Yeḛ nja ɔr njekaji sí gə́ njesiŋgamoŋ Mbuna ŋgaka Dabid gə́ to kura ləa lé ar sí,

Tagə́maji gə́ Ja̰ ndang 4:42

Deḛ d’ula dené lé pana: Jeḛ j’ɔm meḛ sí dəa’g gə mba tapai ɓa goo kára ba el, mbata jeḛ nja jeḛ j’oo ta ləa gə mbi sí, yee ɓa jeḛ n’gər gao, yeḛ to Njekaji dəwje gə́ dɔ naŋg nee lai-lai ya.

Tagə́maji gə́ Ja̰ ndang 7:42

Maktub gə́ to gə kəmee lé see pana: Kristi lé a kḭ ginka’g lə Dabid’g ləm, gə ŋgon ɓee gə́ Betlehem gə́ to ɓee-si Dabid ləm tɔ lé see pa bèe el wa.

Néra Njékaḭkulaje 13:32

Tɔɓəi jeḛ nja jeḛ j’ula sí tagə́maji neelé, ndukun gə́ Ala un ar ka síjeḛ lé

Néra Njékaḭkulaje 2:30

Yeḛ lé to gə́ njetegginta ləm, yeḛ gər gao, Ala nja man rəa aree mba kar ŋgokea kára mbuna ŋgakeaje’g si kalimbai’g ləa tar gao ya.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Néra Njékaḭkulaje 4:12

Dəw gə́ raŋg rara kara gə́ kaji a kḭ rəa’g lé godo. Ɓó lé seḭ a kawje rara gin dara gə dɔ naŋg nee mbuna dəwje’g kara seḭ a kooje ri dəw gə́ raŋg gə mba kun kaji ne lé el.

Njé gə́ Rɔmə 1:3

To ta lə Ŋgonee gə́ gəd-gəd gə́ d’ojee ginka Dabid’g, yeḛ ɓa wɔji dɔ darəa,

Njé gə́ Rɔmə 11:26

Togə́bè ɓa ginkoji Israɛlje bura d’a kaji ne, to gə goo ta gə́ ndaŋg mee maktub gə́ to gə kəmee lé pana: Njetaa dɔ dee a kḭ Sio̰. Ndá yeḛ a kar ŋgaka Jakobje d’uba goo kila ndɔl dɔ Ala’g lə dee d’ya̰.

Titə 1:4

Ma m’ndaŋg maktub nee m’ari-i Titə, ŋgonəm gə́ gəd-gəd gin meekun’g gə́ to né gin sí lé. Maji kar noji gə meelɔm gə́ ḭ rɔ Ala Bɔ síje ləm, gə rɔ Jeju Kristi njekaji sí ləm tɔ lé nai səi.

2 Piɛrə 1:1

Ma Simo̰ Piɛrə, kura lə Jeju Kristi ləm, gə njekaḭkula ləa ləm tɔ. Ma m’ndaŋg maktub nee m’ar deḛ gə́ mbɔl dɔ meekarabasur lə Ala lə sí gə ka̰ Mbaikaji Jeju Kristi lé to ne njéboameekunje lə sí ya.

2 Piɛrə 1:11

Togə́bè ɓa, rəw-kaw gə́ ɓeeko̰ gə́ Mbaidɔmbaije Njekaji sí Jeju Kristi gə́ to gə no̰ lé rəbee a to ne tag bə̰dəŋ kəm kar sí a̰dje keneŋ ya.

2 Piɛrə 2:20

Tɔgərɔ ya, deḛ gə́ gər Mbaidɔmbaije lə sí Jeju Kristi, yeḛ gə́ Njekaji sí ɓa d’ḭ ne dan néje gə́ mina̰ gə́ dɔ naŋg nee d’unda ne loo teḛ lé ɓó lé deḛ tel d’unda rɔ dee keneŋ d’aree dum dee tɔɓəi ndá tel dɔ néra dee gə́ gogo lé a ree majel dɔ dee’g unda nje gə́ kédé ŋga.

2 Piɛrə 3:18

Nɛ maji kar sí tɔgje dɔ noji’g lə Mbaidɔmbaije Jeju Kristi, Njekaji sí ləm, gə dɔ gər ndiaa’g ləm tɔ. Maji kula rɔnduba dəa’g ɓasinè ləm gə saar gə́ ləbee-ləbee gə no̰ ləm tɔ. Amen!

2 Piɛrə 3:2

mba kar sí arje meḛ sí olé ne dɔ ta gə́ njéteggintaje gə́ to njémeendaje lé pa kédé ləm, gə dɔ godndu Mbaidɔmbaije gə́ Njekaji sí gə́ njékaḭkulaje lə sí ndoo sí lé ləm tɔ.

1 Ja̰ 4:14

Bɔ-dəwje lé ula Ŋgonee gə́ gəd-gəd mba karee to gə́ Njekaji dəwje dɔ naŋg nee, yee ɓa to né gə́ jeḛ j’oo gə kəm sí ləm, jeḛ j’ɔr taree j’ar sí ləm tɔ.

Jude 1:25

yeḛ nja ɓa gə́ Ala kára ba kiao, gə́ j’aji ne gin Jeju Kristi Mbaidɔmbaije lə sí lé maji kula rɔnduba dəa’g ləm, gə maji karee ur dɔ dəwje’g lai ləm, maji karee dum dɔ loo gə siŋgamoŋ ləa kédé par-par gə ɓasinè ləma, gə saar-saar gə no̰ ləm tɔ. Amen!

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.