Néra Njékaḭkulaje 13:21 - Maktub gə́ To gə Kəmee

²¹ Yen ŋga deḛ dəji mbai lə dee. Ndá Ala ar dee Sawul, ŋgolə Kis, gə́ to gə́ ginkoji Bḛjami’g lé aree o̰ dee ləbee rɔ-sɔ.

Néra Njékaḭkulaje 13:21 ပူးပေါင်းရင်းမြစ်များ

1 Samel 10:1

Samel un ku-ubu ndá yeḛ tər dɔ Sawul’g. Yeḛ il ɓɔlee tɔɓəi pana: See Njesigənea̰ ɓa tər ubu dɔi’g mba kari to mbai dɔ né kea̰ yeḛ’g el wa.

1 Samel 11:15

Koso-dəwje lai d’ḭ d’aw Gilgal, d’aw d’unda Sawul gə́ mbai no̰ Njesigənea̰’g loo gə́ Gilgal. Lée neelé ɓa deḛ d’inja nékinjanéməsje gə́ ka̰ kɔm na̰’d no̰ Njesigənea̰’g keneŋ tɔɓəi lé neelé ɓa Sawul gə koso-dəwje gə́ Israɛl lai d’al rɔ dee gə boo-rɔkal keneŋ tɔ.

1 Samel 15:1

Samel ula Sawul pana: Ma lé Njesigənea̰ ulam mba kam m’wa dɔi gə ubu m’undai ne gə́ mbai dɔ koso-dəwje gə́ Israɛl. Bèe ndá maji kari oo ta gə́ Njesigənea̰ ɓa pa.

1 Samel 8:5

Deḛ d’ulá pana: Aa oo, i lé ɓuga mba̰ ləm, ŋganije kara njaa gə goo rəw gə́ i njaa keneŋ el ləm tɔ. Ndá ɓasinè maji kari unda mbai dɔ sí’g mba karee gaŋg rəwta lə sí to gə́ deḛ ra ɓee lə ginkoji dəwje gə́ raŋg lai bèe tɔ.

1 Samel 9:1

Dəw kára gə́ ria lə Kis gə́ to ŋgolə Abiel, gə́ to ŋgolə Seror, gə́ to ŋgolə Bekɔrat, gə́ to ŋgolə Apak, gə́ to ŋgolə dəw gə́ ginkoji’g lə Bḛjami lé si ɓee lə Bḛjamije. Yeḛ to dəw gə́ siŋgá to kɔgərɔ-kɔgərɔ ləm, yeḛ to dəw gə́ boo ləm tɔ.

1 Samel 9:15

As ndɔ kára kédé ɓa kar Sawul ree ɓəi lé Njesigənea̰ ula Samel pana: