Néra Njékaḭkulaje 13:13 - Maktub gə́ To gə Kəmee

¹³ Pool gə njéboalookawje ləa d’uru mee bato’g Papos d’isi d’aw gə́ Perjə gə́ to dɔ naŋg gə́ Pampili. Nɛ Ja̰ uba dee ya̰ dee ɔs tel gə́ Jerusalem.

Néra Njékaḭkulaje 13:13 ပူးပေါင်းရင်းမြစ်များ

Néra Njékaḭkulaje 12:12

Yeḛ tel aar gèŋ ə̰ji ta mée’g ɓa ɔd si aw kəi lə Mari, ko̰ Ja̰je gə́ d’unda ria lə Mark lé to loo gə́ dəwje bula d’wa dɔ na̰ keneŋ d’isi ra tamaji.

Néra Njékaḭkulaje 15:36

Ndɔ dee aḭ bula bəl ndá Pool ula Barnabas pana: Ar sí n’tel j’aw j’ooje ŋgako̰ síje gə dɔɓee-dɔɓee loo gə́ jeḛ ndoo dee ta lə Mbaidɔmbaije keneŋ kédé lé j’aw j’oo dee see d’isi banwa.

Néra Njékaḭkulaje 15:38

Nɛ Pool ndigi karee aw sə dee el mbata kédé lé yeḛ uba dee ya̰ dee Pampili ləm, yeḛ mbad nai sə dee loo-kula’g lə dee ləm tɔ.

Néra Njékaḭkulaje 2:10

gə Prigi gə Pampili gə Ejiptə ləm, gə njé gə́ dɔ naŋg gə́ Libi gə́ to mbɔr Sirèn’g ləma, gə njé gə́ Rɔm kara d’aar sə sí na̰’d ləm tɔ lé Jibje ləm, gə deḛ gə́ tel rɔ dee gə́ Jibje ləm,

Néra Njékaḭkulaje 27:13

Lel ḭ gə́ dɔgel bèe dan pə-pə ar dee d’ə̰ji meḛ dee’g pana: Né gə́ n’wɔjije lé ɔm neḛje keneŋ ya ndá d’ɔr riŋgi-kwa-bato d’ila mée’g d’aw gə kaar koŋgo gə́ dɔgoré-loo gə́ Krètə.

Néra Njékaḭkulaje 27:5

Loo gə́ jeḛ gaŋg baa-boo-kad gə́ unda kaar koŋgo gə́ Silisi gə Pampili pəji-pəji lé ndá jeḛ n’teḛ Myra gə́ to dɔ naŋg gə́ Lisi.

Njé gə́ Kolosə 4:10

Arisitarekə, njeboadaŋgai ləm ra sí lapia. Mark, ŋgolə bɔ Barnabas gə́ ma m’ula sí ta gə́ wɔji dəa kédé lé yeḛ kara ra sí lapia tɔ. Ɓó lé yeḛ a kaw ɓee lə sí ndá maji kar sí wáje gə́ rɔ sí’g.

2 Timote 4:11

Lugu nja gə karee ba ɓa nai səm. Bèe ndá ɔr Mark aree ree səi na̰’d mbata yeḛ ɓa orəm més loo-kula’g ləm.