Néra Njékaḭkulaje 13:11 - Maktub gə́ To gə Kəmee

¹¹ Aa oo, ɓasinè, ji Mbaidɔmbaije a dar dɔi ndá i a to njekəmtɔ kuree əw waga ɓó a koo kàr el. Léegəneeya loondul dəb dəa’g bigim aree mam loo bab-bab mba saŋg dəwje kar dee ndɔree.

Néra Njékaḭkulaje 13:11 ပူးပေါင်းရင်းမြစ်များ

Gḭ-Néje 19:11

Tɔɓəi deḛ d’ila kəm tɔ dɔ dəwje gə́ d’aar tarəwkəi’g lé, un kudee dɔ ŋganje gə́ gɔ-gɔ’g saar teḛ ne dɔ dəwje gə́ tɔg-tɔg’d tɔ, ndá deḛ sané siŋga dee kari ba ɓó d’iŋga tarəwkəi lé el.

2 Mbaije 6:8

Mbai gə́ Siri aw rɔ gə Israɛlje ndá yeḛ mbo̰ kuraje ləa dɔ na̰’d oo takə̰ji lə dee ndá ula dee pana: Loo gə́ bèe ɓa kəm ra loo-sim keneŋ ya.

Maktub gə́ wɔji dɔ Jɔb 19:21

Seḭ baokuraje ləm, maji kar sí ooje kəmtondoo ləm, maji kar sí ooje kəmtondoo ləm ya, Mbata ji Ala ɓa undam ne.

Pakɔsje 32:4

Mbata dan kàrá gə loondul’g lé Jii wɔi dɔm’g ndiŋ-ndiŋ ləm, Siŋgam tudu kurum-kurum Asəna gə loo tudu gə́ naḭ palboo’g bèe ləm tɔ.

Pakɔsje 38:2

Njesigənea̰, maji kari tɔjim kəmkàr Loo gə́ oŋg ḭ səi el ləm, Ar bo̰ néram ɔs tam’g Loo gə́ məəi ḭ səi jugugu el ləm tɔ.

Teḛ-Raga 9:3

aa oo, ji Njesigənea̰ a kwɔi dɔ koso-nékulje’g ləi gə́ d’aar loo ndɔ’g, dɔ kundaje’g ləm, dɔ mulayḛ̀je-je’g ləm, dɔ jambalje’g ləm, dɔ maŋgje’g ləma, gə dɔ badje’g ləm tɔ, yoo-koso gə́ to ɓəl kədm-kədm a teḛ dɔ dee’g tɔ.

Esai 29:10

Mbata Njesigənea̰ ɔm ndil gə́ tɔl sí gə ɓi pərəg dɔ sí’g Yeḛ libi kəm sí. (Rɔta kəm sí neelé wɔji dɔ njéteggintaje.) Yeḛ kə́ dɔ sí gə né. (Rɔta dɔ sí neelé wɔji dɔ njénékooje.)

Tagə́maji gə́ Ja̰ ndang 9:39

Yen ŋga Jeju ulá pana: Ma lé m’ree naŋg nee mba gaŋg rəwta loo kára ba sur mba kar njé gə́ d’oo loo el d’oo loo ləm, mba kar deḛ gə́ d’oo loo lé tel to njékəmtɔje ləm tɔ.

Néra Njékaḭkulaje 9:17

Ananias unda loo teḛ aw. Loo gə́ yeḛ andə mee kəi’g neelé ndá yeḛ ila jia dɔ Sool’g ulá pana: Ŋgokɔm Sool, Mbaidɔmbaije Jeju gə́ teḛ dɔi’g rəbee loo gə́ i si aw ne gə́ nee lé yeḛ nja ulam gə mba kar kəmi inja ari oo ne loo ləm, gə mba kar Ndilmeenda taa məəi yal-yal ləm tɔ.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

Ǝbrəje 10:31

Koso gə́ dəw a koso ji Ala gə́ njesikəmba’g lé a to né gə́ to ɓəl kədm-kədm.

2 Piɛrə 2:17

Dəwje neelé to d’asəna gə kəm-rəw-mán gə́ mán yi keneŋ tə ləm, deḛ to gə́ ndi gə́ lel-boo ɔree aree unda dɔ ləm tɔ, duu-loo gə́ ndul njudu-njudu lé to wɔji dɔ dee-deḛ ya.

1 Samel 5:11

Deḛ d’ula kula ɓar mbai dɔ Pilistije d’ar dee ree mbo̰ dɔ na̰ rɔ dee’g ndá deḛ pana: Ulaje gə sa̰duk-manrɔ lə Ala lə Israɛlje lé gə mba karee tel aw loo toree’g gogo mba karee ar síjeḛ gə dəwje lə sí j’wəije ne na̰’d el. Mbata mee ɓee-boo’g bura lé néɓəl gə́ as yoo to keneŋ. Ji Ala wɔi ndiŋ-ndiŋ dɔ dee’g ya.

1 Samel 5:9

Nɛ gée gə́ gogo loo gə́ d’un d’aw ne ndá ji Njesigənea̰ wɔi dɔ ɓee-boo’g neelé ndiŋ-ndiŋ ar dee d’aw dɔ na̰’d wur-wur. Yeḛ ar gab tal kudu dee’g rus-rus un kudee dɔ ŋganje’g saar teḛ ne dɔ njé gə́ tɔg’d tɔ.