Néra Njékaḭkulaje 12:7 - Maktub gə́ To gə Kəmee

⁷ Aa oo, kura lə Mbaidɔmbaije gə́ dara teḛ təsərə ar loo ndogó jol-jol mee kəi-daŋgai’g. Kura gə́ dara lé ndel Piɛrə ulá yəgə-yəgə pana: Uba naŋg rad ḭta! Yen ŋga kúla larje gə́ tɔ ne jia lé jura naŋg wururu.

Néra Njékaḭkulaje 12:7 ပူးပေါင်းရင်းမြစ်များ

2 Samel 22:29

Tɔgərɔ ya, əi Njesigənea̰, i nja to lookàr ləm, Njesigənea̰, Ala ləm, maji kari ar loondul lé tel to lookàr ya.

1 Mbaije 19:5

Yeḛ to naŋg ndá yeḛ toɓi gel kag-sam’g lé. Nɛ aa oo, kura gə́ dara ɔrɔ rəa ulá pana: Ḭta sɔ né.

1 Mbaije 19:7

Kura lə Njesigənea̰ tel ree njekɔm’g gɔl joo ɔrɔ rəa ulá pana: Ḭta sɔ né mbata rəw nai nɔḭ’g əw yaa̰ ɓəi.

Pakɔsje 107:14

Yeḛ nja ɓa ɔr dee dan loo gə́ ndul’g gə ta yoo’g ləm, Kula gə́ tɔ dee ne lé Yeḛ gaŋg gwɔb dee’g ya ləm tɔ.

Pakɔsje 116:16

Ǝi Njesigənea̰, oo ndum ya kari Mbata ma lé m’to kura ləi ya, M’to kura ləi gə́ to ŋgolə kura ləi gə́ dené lé ya. Kula gə́ tɔm ne lé i nja tudu rɔm’g mba̰.

Pakɔsje 146:7

Deḛ gə́ d’orè dɔ dee naŋg lé Yeḛ ɔr kəm ta lə dee gə goo rəbee ləm, Deḛ gə́ ɓó tɔl dee lé Yeḛ ar dee nésɔ dee ya ləm tɔ, Njesigənea̰ lé taa dɔ deḛ gə́ d’wa dee gə́ ɓər lé.

Pakɔsje 34:7

Loo gə́ njenékəmndoo no̰ wəl ndá Njesigənea̰ oo ndia ya Tɔɓəi yeḛ ɔree ne dan néurtije’g ləa lai.

Pakɔsje 68:6

Bɔ ŋganalje ləm, Gə njekaḭbada dɔ njékəisiŋgaje’g ləm tɔ lé Yeḛ nja ɓa to Ala gə́ njesi mee loo’g ləa gə́ to gə kəmee doi lé ya.

Esai 37:30

Maji kari oo né nee gə́ a tɔjii lé: Dəw sɔ kandə kó gə́ oso naŋg mee ləb gə́ kára tɔɓəi kal gə́ raŋg ndá yeḛ sɔ da-kó gə́ uba gə karee ba tɔ. Nɛ ləb gə́ njekɔm’g munda ndá seḭ a dubuje kó ndá seḭ a kinjaje ləm, seḭ a ma̰aje nduúje ndá seḭ a sɔje kandə dee ləm tɔ.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Jeremi 40:1

Loo gə́ Nebujaradan, mbai dɔ njéŋgəmlooje ya̰ Jeremi aree ḭ mee ɓee gə́ Rama mba̰ ndá Njesigənea̰ ula Jeremi ta. Loo gə́ yeḛ ar dee d’aw gə mba saŋgee ndá d’iŋga Jeremi gə́ teá gə kúla lar mbuna ɓərje’g lai gə́ d’ḭ sə dee Jerusalem gə Juda d’aw sə dee gə́ Babilɔn.

Ejekel 43:2

Ndá aa oo, nérɔnduba lə Ala lə Israɛlje ḭ bər aw gə́ nee. Keaa ɓar asəna gə kaa mán bélm ləm, rɔnduba ləa ar naŋg ndogó ne ɔr jol-jol ləm tɔ.

Loo gə́ killa rea kəm Daniel’g 3:28

Nebukadnesar un ta pa pana: Maji kar dɔ ri Ala lə Sadrak gə Mesak gə Abed-Nego ai səgərə. Yeḛ nja ɓa ula kura ləa gə́ dara mbuna dee’g ləm, yeḛ ɔr kuraje ləa neelé ɔm dee tar ləm tɔ. Mbata deḛ neelé d’ɔm meḛ dee dəa’g jəb-jəb ləm, d’ɔs ne ta ləm-ma gə́ m’to mbai lé rəw ləma, d’ya̰ rɔ dee yag ləm tɔ, yee ɓa d’oo gə́ nékəmra gə́ maji unda ra né kar magə gə́ raŋg gə́ rara kara əsé kwa magə gə́ raŋg meḛ dee’g korè ne dɔ Ala lə dee.

Loo gə́ killa rea kəm Daniel’g 6:22

Daniel ila mbai’g lé pana: Ǝi mbai, maji kari si gə ləbi-ləbi gə nɔḭ ya!

Misee 7:9

Jeḛ j’waje meḛ sí mbidi n’tije dɔ oŋg’d lə Njesigənea̰ Mbata jeḛ n’raje kaiya j’ɔsje ne ta ləa rəw ya, Saar loo gə́ yeḛ a koso gel sí’g Kɔr ne ta lə sí gə goo rəbee lé Yeḛ a kɔr no̰ sí teḛ sə sí dan lookàr’g ləa Ndá j’a kooje néra gə́ gə dɔ najee ləa.

Habakuk 3:11

Kàr gə naḭ d’aar loo-kaar dee’g régégé Gə goo ndɔḭ lə ɓandaŋgje ləi gə́ teḛ lé ləm, Gə goo ndɔḭ lə niŋga-ndəije ləi gə́ ndogó ləm tɔ.

Habakuk 3:4

To asəna gə lookàr gə́ ndogó wərərə bèe, Kṵjee kara ḭ meḛ jia’g, Lée neelé ɓa siŋgamoŋ ləa ḭ keneŋ.

Matiyo 2:13

Loo gə́ deḛ d’ḭ d’ɔd d’aw mba̰ ndá né gə́ mḭdi ɓa kura lə Mbaidɔmbaije gə́ dara ur ne dɔ Jisəb’g ulá ne pana: Maji kari uba naŋg ḭta un ŋgonkas gə kea̰je lé aḭ sə dee aw sə dee Ejiptə saar ma nja m’a kulai né gə́ i a ra ɓəi. Mbata Herɔdə lé a gə saŋg loo mba tɔl ŋgonkas neelé ya.

Lugu 2:9

Aa ooje kura lə Mbaidɔmbaije ḭ dara teḛ dɔ dee’g təsərə ar rɔnduba lə Mbaidɔmbaije ndogó gugu dɔ dee sub. Ɓəl unda dee badə gaŋg dee ar dee d’unda bala tigi-tigi tɔ.

Lugu 24:4

To gə́ deḛ d’ə̰ji bea pi d’aar jim ndá aa oo, dəwje joo gə́ d’ula kubu gə́ ndoolé yḛd-yḛd rɔ dee’g lé teḛ kəm dee’g təsərə-təsərə.

Néra Njékaḭkulaje 10:30

Kɔrnəi ilá keneŋ pana: As ndɔ sɔ ɓogənè ya kàr to gə́ maree bèe ya tɔ ɓa ma m’isi m’ra tamaji mee kəi’g ləm, kàr tel rəa gə mbɔree togə́bè ya, ndá aa oo, diŋgam kára bèe gə́ ula kubu gə́ ndoolé yḛd-yḛd rəa’g teḛ təsərə aar nɔm’g ulam pana:

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.

Néra Njékaḭkulaje 12:6

Mee til gə́ bèlè d’a gə teḛ səa raga kəm koso-dəwje’g lé Piɛrə to dan njérɔje gə́ joo gə́ tɔ kúla gə́ rəa’g rɔ dee’g lé ndá yeḛ toɓi. Njérɔje joo d’aar takəi’g raga d’aar ŋgəm takəi daŋgai lé tɔ.

Néra Njékaḭkulaje 12:8

Kura gə́ dara lé ulá pana: Tɔ ta ndar ləi maji, tɔɓəi ula Négɔl gɔli’g tɔ. Ndá Piɛrə lé ra togə́bè tɔ. Kura gə́ dara lé tel ulá pana: Un kubu ləi gə́ boi yul dəb rɔi’g ndá ɔd gə́ goom’g nee.

Néra Njékaḭkulaje 16:26

Léegəneeya dɔ naŋg yə ɓugu-ɓugu, gin kəi-daŋgai yə gə́ léegəneeya ar takəije lai teḛ bələŋ-bələŋ. Kula gə́ gɔl daŋgaije’g lé jura naŋg wururu-wururu.

Néra Njékaḭkulaje 2:24

Nɛ Ala nja aree unda loo teḛ dan njé gə́ d’wəi’g, aree ti kúla lə yoo rəa’g mbata yoo lé askəm kwá ga̰-ga̰ gə dɔrea el.

Néra Njékaḭkulaje 5:19

Nɛ kura lə Mbaidɔmbaije gə́ dara ɔr tarəwkəi loondul’g, ar dee d’unda loo teḛ raga ndá ula dee pana:

Néra Njékaḭkulaje 9:3

Loo gə́ yeḛ nai rəbə gə́ unda dɔ Damas dəb ya ɓəi ndá léegəneeya loo ḭ dara ndogó gugu dəa sub.

Njé gə́ Epesə 5:14

Gelee gə́ nee ɓa, yeḛ pa ne pana: I gə́ toɓi lé teḛ kəmi, Unda loo teḛ dan njé gə́ d’wəi’g Ndá Kristi a ndogó nɔḭ’g.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Loo gə́ killa rea kəm Ja̰’g 18:1

Gée gə́ gogo ma m’oo kura gə́ dara gə́ raŋg ḭ dara ree naŋg nee ndá yeḛ to njesiŋgamoŋ gə́ tɔgmbaŋ. Rɔnduba ləa ndogó wər-wər naŋg nee.