Néra Njékaḭkulaje 12:4 - Maktub gə́ To gə Kəmee

⁴ Loo gə́ yeḛ wá mba̰ ndá yeḛ ulá daŋgai’g ar kudu-njérɔje sɔ-sɔ gə́ wɔji dɔ njérɔje sɔ-sɔ lé ŋgəm təa. Yeḛ wɔji gə mba kar naḭ Pag godo mba̰ ɓa a teḛ səa kəm koso-dəwje’g ɓəi.

Néra Njékaḭkulaje 12:4 ပူးပေါင်းရင်းမြစ်များ

Este 3:13

Maktub lé d’ula ne njékaḭkulaje mee dəb ɓeeko̰je’g lə mbai lé lai, gə mba kar dee tɔl ne Jibje lai, basaje gə ɓugaje ləm, ŋganje gə denéje ləm tɔ, d’ar dee d’udu guduru, mee ndɔ gə́ kára ba ya, mee ndɔ gə́ njekɔm’g dɔg-giree-munda, lə naḭ gə́ njekɔm’g dɔg-giree-joo gə́ to naḭ Adar ləm, gə mba kar dee d’unda némajije lə dee banrɔ ləm tɔ.

Teḛ-Raga 12:1

Njesigənea̰ ula Moyis gə Aaro̰ ta mee ɓee gə́ Ejiptə pana:

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Gosota-Kəmkàrje 27:1

Maji kəsta dɔ ndɔ gə́ bèlè’g el Mbata i gər né gə́ a teḛ mee ndəa’g nee el.

Nɔ̰-ndôo gə́ wɔji dɔ Jerusalem 3:37

See na̰ ɓa a pata kar né teḛ Lal kar Njesigənea̰ un ndia dɔ’g wa.

Matiyo 24:9

Yen ŋga d’a kwa sí kula kəm sí ndòo ləm, d’a kar sí uduje ne ləma, ginkoji dəwje gə raŋg lai d’a kḛji sí bəḭ-bəḭ gə mba rim-ma lé ləm tɔ.

Matiyo 26:5

Nɛ deḛ pana: Maji ra ndɔ naḭ’g el, nà njé gə́ na̰je gə́ mbuna koso-dəwje’g d’a kḭ kuru kó goo neḛje’g wəl-wəl.

Mark 14:1

Nai ndɔ joo mba kar dee ra naḭ Pag gə́ muru gə́ nétiee godo keneŋ lé. Mbai dɔ njékinjanéməsje-je gə njéndaji-maktubje saŋg goso né gə mba kwa ne Jeju ɓó gə karee wəi ne.

Lugu 21:12

D’a ɓugu ji dee dɔ sí’g ləm, d’a kula kəm sí ndòo ləm, d’a kwa sí kaw sə sí kəi-kwa-dɔ-na̰je’g ləm, d’a ɓugu sí daŋgai’g ləma, d’a kon sí kaw sə sí no̰ mbai-ɓeeje’g gə no̰ njéguburuɓeeje’g ləm tɔ gə mba rim, kédé ɓad ɓa néje nee gə́ ma m’ula sí lé a teḛ ɓəi.

Lugu 22:33

Piɛrə ilá keneŋ pana: Mbaidɔmbaije, m’isi pèrèrè gə mba kaw səi daŋgai’g na̰’d ləm, lé’d kwəi kara m’a kwəi səi na̰’d ya ləm tɔ.

Tagə́maji gə́ Ja̰ ndang 19:23

Loo gə́ njérɔje ɗar Jeju lé mba̰ ndá deḛ d’odo kubuje ləa kunda mée dana kai na̰ loo sɔ, d’ar njérɔje sɔ taa ka̰ dee kára-kára sɔ lɔd. Deḛ d’un kubu-kaar ləa gə́ boi yul gə́ kəm kuree godo, to gə́ kára ba ya ḭ tar njal uru naŋg jigi.

Tagə́maji gə́ Ja̰ ndang 21:18

Ma m’ulai təsərə, loo gə́ i nai basa ɓəi lé i wa dɔ kubu ləi gə ndar aw ne loo to gə́ məəi ndigi. Nɛ loo gə́ i a ɓuga mba̰ ndá i a tura jii par ndá dəw gə́ raŋg ɓa a kwa ndar dɔ kubu ləi tɔ ndá a kɔd kundai kaw səi loo gə́ məəi ndigi’g el ŋga.

Néra Njékaḭkulaje 12:3

Tɔɓəi loo gə́ yeḛ oo to gə́ né neelé taa kəm Jibje rəgm ndá yeḛ ar dee d’wa Piɛrə. To ndɔ naḭ gə́ wɔji dɔ muru gə́ nétiee godo keneŋ lé.

Néra Njékaḭkulaje 12:5

Piɛrə lé ŋgəmee daŋgai’g ya pèrèrè nɛ Eglisəje d’wa tamaji lə dee kɔgərɔ mbata ləa ɓó d’ya̰ gée yɔgɔ el.

Néra Njékaḭkulaje 4:28

mba kar néje lai gə́ i wɔji gə jii gə tai kédé par-par lé deḛ ra nja.

Néra Njékaḭkulaje 4:3

D’ur dɔ dee’g d’wa dee ɓugu dee daŋgai’g saar bèlè mbata kàr godo ŋga.

Néra Njékaḭkulaje 5:18

Deḛ d’uba naŋg d’ḭ d’ɔm na̰ dɔ njékaḭkulaje’g twa dee ɓugu dee daŋgai’g dan mee ɓee’g.

Néra Njékaḭkulaje 8:3

Nɛ Sool lé sané Eglisə kad-kad. Yeḛ ta̰d mee kəije lə dee pḛ́-pḛ́ tɔr diŋgamje gə denéje ndad-ndad, aw ɓugu dee daŋgai’g.