Néra Njékaḭkulaje 12:24 - Maktub gə́ To gə Kəmee

²⁴ Lé bèe kara ta lə Ala taa ne loo yal-yal ar bula lə njétaamee-Kristije ḭ dɔ maree’g gə́ kédé-kédé.

Néra Njékaḭkulaje 12:24 ပူးပေါင်းရင်းမြစ်များ

Gosota-Kəmkàrje 28:28

Loo gə́ njémeeyèrje d’unda dɔ dee tar ndá Nana kara iya rəa gə kiya, Loo gə́ deḛ tuji ndá Njémeekarabasurje d’ḭ dɔ maree’d gə́ kédé-kédé.

Esai 55:10

To gə́ ndi gə ndi kwɔji d’ḭ dara dər dɔ naŋg neelé Ndá deḛ tel gogo Lal kar mán dee tən naŋg əsé D’ar dɔ naŋg maji əsé d’ar muje d’idi el ləm, Lal kar njedubu-né kandə nédubu el ləma, Lal kar yeḛ gə́ sɔ né nésɔ el ləm tɔ lé

Loo gə́ killa rea kəm Daniel’g 2:24

Gée gə́ gogo ndá Daniel tel aw rɔ Arjok’g, yeḛ gə́ mbai un ndia aree gə mba karee ar njékəmkàrje gə́ Babilɔn d’udu guduru lé. Yeḛ aw ulá pana: Maji kari ar njékəmkàrje gə́ Babilɔn d’udu el! Ɔr nɔm aw səm no̰ mbai’g lé ndá m’a kɔr gin ni lé kar mbai lé ya.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Néra Njékaḭkulaje 11:21

Ji Mbaidɔmbaije nai dɔ dee’g ar dəwje bula d’ɔm meḛ dee dɔ ta’g lə dee ləm, d’un meḛ dee d’ar Mbaidɔmbaije ləm tɔ.

Néra Njékaḭkulaje 19:20

Togə́bè ɓa ta lə Mbaidɔmbaije teḛ ne boo ɓar ne mḭ yaa̰.

Néra Njékaḭkulaje 5:39

Nɛ ɓó lé néra dee lé ḭ rɔ Ala’g ndá loo tujee a dum sí təs ya. Aḭje kaḭ koma̰ gə Ala el nà a kooje kea̰.

Néra Njékaḭkulaje 6:7

Ta lə Ala lé oso gə loo mbidi-mbidi ar bula lə njétaamee-Kristije ḭ dɔ maree’g gə́ kédé-kédé mee ɓee gə́ Jerusalem ləm, boo-njékinjanéməsje kara d’ila ne koji dɔ meekun’g lé ləm tɔ.

Njé gə́ Kolosə 1:6

Tagə́maji lé to mbuna sí’g ləm, to mbuna dəwje lai-lai gə́ dɔ naŋg neelé ləm tɔ, yee teḛkɔr aw gə́ kédé-kédé to gə́ yeḛ ra mbuna sí’g un kudee mee ndəa gə́ kəm sí inja dɔ noji’g lə Ala gə́ aw na̰’d gə kankəmta lé.

2 Njé gə́ Tesalonikə 3:1

Ŋgakɔmje, ges ta gə́ nai lé ɓa nee: Raje tamaji mbata lə sí mba kar ta lə Mbaidɔmbaije oso ne gə loo mbidi-mbidi nduba ne rəa gə́ raga, to gə́ yee ra ɓee lə sí bèe