Néra Njékaḭkulaje 12:17 - Maktub gə́ To gə Kəmee

¹⁷ Piɛrə yə jia ta dee gə mba kar dee d’əw rɔ dee pata ndá yeḛ ɔr sor né gə́ Mbaidɔmbaije ra ɔree ne daŋgai’g lé ar dee d’oo. Yeḛ ula dee pana: Ɔrje soree arje Jak gə ŋgako̰ síjeḛ lé ar deeje d’oo tɔ. Tɔɓəi yeḛ unda loo teḛ ɔd aw loo gə́ raŋg.

Néra Njékaḭkulaje 12:17 ပူးပေါင်းရင်းမြစ်များ

Pakɔsje 146:7

Deḛ gə́ d’orè dɔ dee naŋg lé Yeḛ ɔr kəm ta lə dee gə goo rəbee ləm, Deḛ gə́ ɓó tɔl dee lé Yeḛ ar dee nésɔ dee ya ləm tɔ, Njesigənea̰ lé taa dɔ deḛ gə́ d’wa dee gə́ ɓər lé.

Pakɔsje 66:16

Seḭje lai gə́ ɓəlje Ala Gə́ reeje urje mbi sí gèŋ Amje m’ɔr sor né gə́ yeḛ ra mbata ləm lé m’ar sí ooje.

Matiyo 10:23

Loo gə́ d’a kula kəm sí ndòo ɓee gə́ kára’g ndá aḭje awje mee ɓee gə́ raŋg’d. Ma m’ula sí təsərə, ɓeeje lə Israɛlje kara seḭ a kuruje denje el nja ɓəi ndá Ŋgon-dəw a teḛ.

Mark 6:3

See yeḛ lé to njera-kula-kagje gə́ to ŋgolə Mari ləm, gə ŋgoko̰ Jak gə Joses gə Juda gə Simo̰ ləm tɔ lé el wa. See kɔnaneeje d’isi mbuna sí’g nee el wa. Yeḛ tel to né gə́ bəg dee ya.

Lugu 1:22

Loo gə́ Jakari lé unda loo teḛ rɔ dee’g raga ndá yeḛ oo loo pata el ndá deḛ gər gao né gə́ mḭdi teḛ dəa’g mee kəi-Ala’g, yeḛ jeŋ jia gə́ jeŋ ɓa si gə́ njegwɔskudu ŋga.

Tagə́maji gə́ Ja̰ ndang 10:40

Jeju ɔd aw tel gaŋg baa gə́ Jurdɛ̰ aw si tor loo gə́ Ja̰ ra dəwje batɛm keneŋ kédé lé.

Tagə́maji gə́ Ja̰ ndang 11:54

Gelee gə́ nee ɓa Jeju ndèm ne rəa mbad kaw ne mbuna Jibje’g. Nɛ yeḛ sa rəa aw dəb loo gə́ kára bèe gə́ to mbɔr dɔdilaloo’g aw mee ɓee-boo gə́ kára ria lə Eprayim. Ndá yeḛ aw si gə njékwakiláje keneŋ.

Tagə́maji gə́ Ja̰ ndang 13:24

Simo̰ Piɛrə tuga kəmee jib-jib aree gə mba karee dəji Jeju debee lé oo.

Tagə́maji gə́ Ja̰ ndang 7:1

Gée gə́ gogo Jeju aw gə loo-loo dɔ naŋg gə́ Galile, yeḛ ndigi si Jude el mbata Jibje saŋg loo gə mba tɔlee.

Tagə́maji gə́ Ja̰ ndang 8:59

Yen ŋga Jibje d’odo kɔri-ər gə mba tilá ne. Nɛ Jeju sa rəa ḭ mee kəi-Ala’g unda loo teḛ raga.

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Néra Njékaḭkulaje 12:16

Nɛ Piɛrə lé unda takəi gə́ kédé-kédé. D’ɔr takəi d’aa loo ɓèd d’ée ndá kaar dee wa dee paḭ.

Néra Njékaḭkulaje 12:18

Loo gə́ loo àr ndá njérɔje d’aw dɔ na̰’g wur-wur gə mba koo loo gə́ Piɛrə unda dɔ naŋg igi keneŋ.

Néra Njékaḭkulaje 13:16

Yen ŋga Pool uba naŋg ḭta ula jia paar pana: Seḭ dəwje gə́ Israɛl, gə seḭ gə́ ɓəlje Ala lé ooje maji.

Néra Njékaḭkulaje 15:13

Loo gə́ d’əw rɔ dee pata ndá Jak ḭ un ta pa pana:

Néra Njékaḭkulaje 16:40

Loo gə́ d’unda loo kəi-daŋgai’g teḛ lé ndá d’ɔd d’aw kəi lə Lidi. Loo gə́ d’oo ŋgako̰ na̰je, ndəji dee mba̰ ndá d’uba naŋg d’ḭ d’aw ɓəi tɔ.

Néra Njékaḭkulaje 19:33

Yen ŋga deḛ d’ɔr Aleja̰drə mbuna boo-dəwje’g neelé, yeḛ to dəw gə́ Jibje ya d’ɔsee ɓɔḭ-ɓɔḭ gə́ kédé. Aleja̰drə lé yə jia ta dee’g ar dee d’oo to gə́ yeḛ ndigi kula koso-dəwje neelé ta.

Néra Njékaḭkulaje 21:18

Bèlè lookàree Pool aw sə sí kəi lə Jak ndá ŋgatɔgje lai d’wa dɔ na̰ keneŋ.

Néra Njékaḭkulaje 21:40

Ɓé-njérɔje un ndia aree ndá Pool aar tar dɔ loo-tuga-kaw-tar gə́ wɔji dɔ gadloo’g lé ɓa yə jia ta koso-dəwje’g neelé. Loo to ndiŋ ndá paul un ta pa gə ta Ǝbrə pana:

Néra Njékaḭkulaje 28:15

Ŋgako̰ síjeḛ gə́ d’oo no̰ sí lé d’ḭ Rɔm ree tila kəm sí saar d’iŋga sí loo-suk gə́ ria lə Apius ləm, gə Kəi-to-mbàje gə́ Munda lé ləm tɔ. Loo gə́ Pool aa loo oo dee ndá yeḛ ra Ala oiyo wa rəa kɔgərɔ tɔ.

1 Njé gə́ Kɔrḭtə 15:7

Ndɔ gə́ raŋg yeḛ teḛ kəm Jak ləm, yeḛ teḛ kəm njékaḭkulaje lai kara ləm tɔ.

Njé gə́ Galati 1:19

Nɛ ma m’oo njekaḭkula gə́ raŋg kára kara el, nɛ Jak ŋgoko̰ Mbaidɔmbaije ɓa m’ée keneŋ ya.

Njé gə́ Galati 2:12

Tɔgərɔ ya, loo gə́ dəwje gə́ Jak ula dee lé ree el ɓəi ndá Képas si ta nésɔ’g gə njépole-magəje na̰’d, nɛ loo gə́ deḛ ree mba̰ ndá yeḛ sa rəa rəw mbata yeḛ ɓəl kəm njékḭja tamɔd deeje lé.

Njé gə́ Galati 2:9

Bèe ɓa loo gə́ deḛ d’oo noji gə́ d’wa səm lé ndá Jak gə Képas gə Ja̰ d’oo dee gə́ ŋgaw dan Eglisə lé d’wa jikɔl síjeḛ gə Barnabas d’ɔm sí ne sə dee na̰’d mba kar síjeḛ j’aw gə́ ɓee lə njépole-magəje nɛ deḛ lé d’a kaw gə́ ɓee lə njékḭja tamɔd deeje tɔ.

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!