Néra Njékaḭkulaje 11:24 - Maktub gə́ To gə Kəmee

²⁴ Mbata Barnabas lé to majikoji ləm, Ndilmeenda taa mée pəl-pəl ləma, yeḛ to njemeekun gə́ dum dɔ loo ləm tɔ. Togə́bè ɓa boo-dəwje bula nam ne kaar Mbaidɔmbaije’g lé.

Néra Njékaḭkulaje 11:24 ပူးပေါင်းရင်းမြစ်များ

2 Samel 18:27

Njeŋgəmloo lé pana: Ŋgwɔd kaḭ lə yeḛ gə́ doŋgɔr lé ma m’oo to asəna gə ŋgwɔd kaḭ lə Ahimaas, ŋgolə Sadɔk bèe. Ndá mbai pana: Yeḛ lé to dəw gə́ maji ndá sortaje gə́ maji ɓa yeḛ ree ne gə mba kula sí.

Pakɔsje 112:5

Rɔlel nai gə dəw gə́ oo kəmtondoo lə maree Ya̰ goo né ləa aree ndimá ləm, Yeḛ gə́ gɔl nérea wɔji ne dɔ néra gə́ gə dɔ najee lé ləm tɔ.

Pakɔsje 37:23

Njesigənea̰ lé ar gɔl dəw ŋgəŋ ŋgəŋ-ŋgəŋ ləm, Rea lelee dɔ rəw-kabee’g ləm tɔ.

Gosota-Kəmkàrje 12:2

Dəw gə́ maji lé Taa kəm Njesigənea̰ rəgm, Nɛ dəw gə́ wɔji-kwɔji ra né gə́ majel mée’g lé Njesigənea̰ ila ta dəa’g ya.

Gosota-Kəmkàrje 13:22

Dəw gə́ njemeemaji lé Nénduba ləa to mbata ŋgan meḛ ŋganeeje, Nɛ nébaoje lə njekaiya lé D’unda kul mbata lə njemeekarabasur.

Gosota-Kəmkàrje 14:14

Njera né kori-kori lé rəw-kabeeje ɓa wa mee, Nɛ njemeemaji lé né gə́ maji gə́ to mée’g ɓa asee tɔ.

Matiyo 12:35

Dəw gə́ maji gə́ si gə néje gə́ maji lé ndá a teg némajije ləa gə́ raga. Dəw gə́ njemeeyèr gə́ si gə néyèrje ləa ndá a teg néyèrje ləa gə́ raga tɔ.

Matiyo 19:17

Yeḛ tel ilá keneŋ pana: See ban ɓa i dəjim loo néra gə́ maji wa. Dəw kára ba ɓa to dəw gə́ maji. Ɓó lé i ndigi kula dɔi gə́ loo gə́ a si gə kəmə keneŋ lé ndá godnduje lé i a tɔs kəmi dɔ dee’g bao-bao ya.

Lugu 23:50

Dəw kára bèe gə́ ria lə Jisəb to dəw gə́ njemeemaji gə njemeekarabasur, yeḛ to gə́ ɓee lə njégaŋ-rəwtaje lə Jibje lé

Tagə́maji gə́ Ja̰ ndang 7:12

Boo-dəwje lai pata ləa wəg-wəg. Njé gə́ na̰je pana: Yeḛ to dəw-noji ya. Nɛ njé gə́ na̰je pana: Wah! yeḛ sula dəwje ar dee ndəm yaa̰ boi.

Néra Njékaḭkulaje 11:21

Ji Mbaidɔmbaije nai dɔ dee’g ar dəwje bula d’ɔm meḛ dee dɔ ta’g lə dee ləm, d’un meḛ dee d’ar Mbaidɔmbaije ləm tɔ.

Néra Njékaḭkulaje 2:4

Ndilmeenda taa meḛ dee pəl-pəl ar dee pa tapa dəwje gə́ raŋg ɓəd-ɓəd to gə́ Ndil ɓa ar dee pa ya.

Néra Njékaḭkulaje 2:47

Deḛ pidi ne Ala ləm, deḛ taa kəm dəwje rəgm ləm tɔ. Ndá deḛ gə́ d’aji lé Mbaidɔmbaije orè ne mareeje gə́ Eglisə’g gə ndəa-ndəa.

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

Néra Njékaḭkulaje 5:14

Bula lə deḛ gə́ d’un meḛ dee d’ar Mbaidɔmbaije lé diŋgamje gə denéje, ḭ dɔ maree’g gə́ kédé-kédé.

Néra Njékaḭkulaje 6:3

Bèe ndá ŋgako̰ síje, maji kar sí ɔrje diŋgamje siri mbuna sí’g, deḛ gə́ dəwje d’ɔr ta lə dee maji ləm, gə́ Ndilmeenda taa meḛ dee pəl-pəl ləma, gə́ to gə́ njékəmkàrje ləm tɔ lé mba kar sí j’ɔm kula neelé ji dee’g.

Néra Njékaḭkulaje 6:5

Ta neelé lel dəwje lai gə́ mbo̰ dɔ na̰ neelé ya. Togə́bè deḛ d’ɔr ne Etien, yeḛ gə́ meekun ləa dum dɔ loo ləm, gə Ndilmeenda taa mée pəl-pəl ləm tɔ. D’ɔr Pilibə gə Prokɔr gə Nikanɔr gə Timo̰ gə Parmenas gə Nikola, dəw gə́ Antiɔs gə́ tel rəa gə́ Jib lé tɔ.

Néra Njékaḭkulaje 6:8

Etien lé meenoji gə siŋgamoŋ rusu mée njḭ-njḭ aree ra ne néje gə́ dumkoo ləm, gə boo-némɔrije ləm tɔ mbuna koso-dəwje’g lé.

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Njé gə́ Rɔmə 15:15

Ɓó lé m’ndaŋg maktub m’ar sí ɓa m’pata keneŋ nuŋga so ndá ma m’ra mba kolé ne meḛ sí dɔ noji gə́ Ala wa səm

Njé gə́ Rɔmə 5:7

Dɔmaji-nà dəw a kwəi gə mbata lə maree gə́ njemeekarabasur əsé dəw gə́ maji ɓa maree a kwa dəa jim nja a kwəi yoo ləa ɓəi.