Néra Njékaḭkulaje 11:20 - Maktub gə́ To gə Kəmee

²⁰ Nɛ dəwje gə́ na̰je mbuna deḛ gə́ d’ḭ Siprə gə Sirèn lé deḛ ree Antiɔs ndá d’aw rɔ Grekje’g d’ula dee tagə́maji lə Mbaidɔmbaije Jeju.

Néra Njékaḭkulaje 11:20 ပူးပေါင်းရင်းမြစ်များ

Matiyo 27:32

Loo gə́ deḛ d’unda loo teḛ ndá deḛ dar Simo̰, dəw gə́ Sirèn bus d’ɔsee d’aree un kag-dəs lə Jeju.

Tagə́maji gə́ Ja̰ ndang 7:35

Yen ŋga Jibje d’ula na̰ ta pana: See yeḛ a gə kaw gə́ ra ɓa j’a kiŋgá el wa. See yeḛ a kɔd kaw rɔ deḛ gə́ sanéna̰ d’isi mbuna Grekje’g ɓó gə ndoo dee-deḛ ŋga ɓa ta wa.

Néra Njékaḭkulaje 11:19

Deḛ gə́ d’aḭ sanéna̰ gə mbata kəm dee gə́ d’ula ndòo ndɔ kwəi’g lə Etien lé d’aḭ saar teḛ Penisi ləm, d’aw dɔgoré-loo gə́ Siprə ləma, d’aw Antiɔs ləm tɔ. Jibje ya gə kar dee ba ɓa d’aw d’ila mber tagə́maji lé d’ar dee.

Néra Njékaḭkulaje 11:22

Soree oso mbi barkəm Eglisəje gə́ Jerusalem ar dee d’ɔr Barnabas d’aree aw saar teḛ Antiɔs.

Néra Njékaḭkulaje 11:26

Loo gə́ yeḛ iŋgá mba̰ ndá yeḛ ɔree ree səa Antiɔs. As ləb kára doŋgɔ lé deḛ d’wa dɔ na̰ gə Eglisəje loo-kwa-dɔ-na̰je’g lə dee ndá deḛ ndoo dəwje bula né keneŋ. Ɓee gə́ Antiɔs lé to loo gə́ dɔtar gə́ deḛ d’unda ri njékwakiláje ɓar dee ne njétaamee-Kristije.

Néra Njékaḭkulaje 11:27

Mee ləb’g neelé njéteggintaje d’ḭ Jerusalem ree Antiɔs.

Néra Njékaḭkulaje 13:1

Mee Eglisə gə́ Antiɔs lé njéteggintaje gə njéndoo né dəwje d’isi keneŋ, ri dee ɓa nee: Barnabas, gə Simeo̰ gə́ deḛ ɓaree Niger ləm, gə Lusius, dəw gə́ Sirèn’g ləm, gə Manahen gə́ d’odee gə Herɔdə gə́ to njeguburuɓee lé na̰’d ləma, gə Sool ləm tɔ.

Néra Njékaḭkulaje 14:26

Lée neelé d’uru mee bato’g keneŋ gə mba tel kaw gə́ Antiɔs. To ɓee gə́ d’ɔr dee keneŋ d’ɔm dee ji noji lə Ala’g mba kar dee d’aw ra kula nee gə́ deḛ tɔl ne təa bém ɓasinè lé.

Néra Njékaḭkulaje 15:22

Yen ŋga njékaḭkulaje ləm, gə ŋgatɔgje ləma, gə Eglisəje lai ləm tɔ lé d’ɔm na̰’d mba kɔr dəwje mbuna dee’g kar dee d’aw gə Barnabas gə Pool na̰’d Antiɔs. Deḛ d’ɔr Jude gə́ deḛ ɓaree Barsabas ləm, gə Silas ləm tɔ. Deḛ to dəwje gə́ ri dee ɓar mbuna ŋgako̰ na̰je’g.

Néra Njékaḭkulaje 15:23

Deḛ ndaŋg maktub d’ula ji dee’g d’ar dee d’aw ne, deḛ pata mee maktub’g neelé pana: Jeḛ njékaḭkulaje ləm, gə ŋgatɔgje ləma, gə ŋgako̰ na̰je ləm tɔ lé jeḛ ndaŋg maktub nee j’ar sí-seḭ ŋgako̰ na̰je gə́ mbuna njépole-magəje gə́ sije Antiɔs gə Siri gə Silisi tɔ. Jeḛ n’ra sí lapia gə́ boo.

Néra Njékaḭkulaje 15:30

Deḛ neelé ra Eglisəje lapia ɓa d’ɔd d’aw Antiɔs ɓa gə maktub d’ar boo-dəwje gə́ mbo̰ dɔ na̰ keneŋ lé.

Néra Njékaḭkulaje 17:18

Njégər gintaje gə́ na̰je gə́ to Epikuriḛje gə Stoisiḛje lé d’un kudu kwɔji səa ta. Njé gə́ na̰je mbuna dee’g dəji na̰ pana: See ta ɗi ɓa njetakwɔji neelé wɔji bèe wa. Njé gə́ raŋg d’oo ri Jeju gə́ yeḛ pa ləm, gə ta teḛ dɔkumbwa’g lé ləm tɔ ndá deḛ tar taree pana: To asəna gə yeḛ pata gə́ wɔji ne dɔ magəje gə́ dɔ ɓee gə́ raŋg’d.

Néra Njékaḭkulaje 18:22

Loo gə́ yeḛ uru naŋg Sejare ndá yeḛ ḭ keneŋ ɔd aw Jerusalem mba ra Eglisə lapia ɓa yeḛ ḭ keneŋ aw Antiɔs ɓəi.

Néra Njékaḭkulaje 2:10

gə Prigi gə Pampili gə Ejiptə ləm, gə njé gə́ dɔ naŋg gə́ Libi gə́ to mbɔr Sirèn’g ləma, gə njé gə́ Rɔm kara d’aar sə sí na̰’d ləm tɔ lé Jibje ləm, gə deḛ gə́ tel rɔ dee gə́ Jibje ləm,

Néra Njékaḭkulaje 4:36

Jisəb, yeḛ gə́ njékaḭkulaje d’unda ria lə Barnabas (tel ta koji sí pana: Ŋgon lə njekula diŋgam meḛ dee’g lé) yeḛ to dəw gə́ Lébi gə́ ɓee-kojee to gə́ Siprə lé

Néra Njékaḭkulaje 5:42

Mee kəi-Ala’g ləm, gə mee kəije’g lə dəwje ləm tɔ lé gə ndɔ dee ndɔ dee, d’əw rɔ dee ndoo dəwje ta əsé kula dəwje tagə́maji lə Jeju Kristi keneŋ el.

Néra Njékaḭkulaje 6:1

Mee ndəa gən lé bula lə njétaamee-Kristije ḭ dɔ maree’g gə́ kédé-kédé ar Helenje d’im Ǝbrəje mbata loo gə́ deḛ kai dee nésɔ gə ndɔ dee ndɔ dee ndá d’ar meḛ dee wəi dɔ njékəisiŋgaje’g lə Helenje lé.

Néra Njékaḭkulaje 6:5

Ta neelé lel dəwje lai gə́ mbo̰ dɔ na̰ neelé ya. Togə́bè deḛ d’ɔr ne Etien, yeḛ gə́ meekun ləa dum dɔ loo ləm, gə Ndilmeenda taa mée pəl-pəl ləm tɔ. D’ɔr Pilibə gə Prokɔr gə Nikanɔr gə Timo̰ gə Parmenas gə Nikola, dəw gə́ Antiɔs gə́ tel rəa gə́ Jib lé tɔ.

Néra Njékaḭkulaje 6:9

Njé gə́ na̰je gə́ to barkəm njékwa dɔ na̰je gə́ deḛ ɓar dee Ŋgankojije ləm, gə mbuna barkəm njékwa dɔ na̰je gə́ Sirèn’g gə Aleja̰drə ləma, gə Jibje gə́ Silisi gə Asi ləm tɔ lé d’unda na̰’d bura maḭta gə Etien.

Néra Njékaḭkulaje 8:35

Yen ŋga Pilibə teḛ təa un ta mee maktub’g neelé tɔjee ne goo tagə́maji lə Jeju lé.

Néra Njékaḭkulaje 8:5

Pilibə aw ɓee-boo kára gə́ to dɔ naŋg gə́ Samari ula dee ta lə Kristi keneŋ.

Néra Njékaḭkulaje 9:20

Yen ŋga waga ndá yeḛ un kudu kɔr gin ta mee kəi-kiŋga-na̰je’g pana: Jeju to gə́ Ŋgon-Ala gə́ gəd lé ya.

Néra Njékaḭkulaje 9:29

Yeḛ pata ləm, gə maḭta gə Helenje ləm tɔ, nɛ deḛje neelé saŋg rəw gə mba karee udu tɔ.

1 Njé gə́ Kɔrḭtə 2:2

Ta kára ba m’ə̰ji məəm’g ɓó m’ə̰ji ta gə́ raŋg el. Jeju Kristi gə́ deḛ ɗaree kaar kag-dəs’g ɓa m’pa taree mbuna sí’g.

Njé gə́ Galati 2:11

Loo gə́ Képas ree Antiɔs ndá ma m’aw səa gə ta m’pa ne səa kəmee’g ya mbata né gə́ yeḛ ra lé kəm ra el ya.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,