Néra Njékaḭkulaje 11:16 - Maktub gə́ To gə Kəmee

¹⁶ Yen ŋga məəm aḭ haar teḛ dɔ ta gə́ Mbaidɔmbaije pa pana: Ja̰ ɓa ra dəwje batɛm gə mán, nɛ seḭ lé d’a ra sí batɛm gə Ndilmeenda.

Néra Njékaḭkulaje 11:16 ပူးပေါင်းရင်းမြစ်များ

Gosota-Kəmkàrje 1:23

Telje gə́ goo tandəjije ləm gə́ nee! Amje, m’ar ndiləm ɔm dɔ sí’g ləm, M’a kar sí gərje tapamje ləm tɔ.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Matiyo 3:11

Ma m’ra sí batɛm gə mán gə mba kar sí waje ne ndòo rɔ sí dɔ kaiya’g lə sí nɛ yeḛ gə́ si ree goom’g lé siŋgá ur dɔm’g, m’askəm kodo markob ləa lé kaw kɔm el. Yeḛ nja ɓa a ra sí batɛm gə Ndilmeenda gə pər tɔ.

Matiyo 3:6

D’aree ra dee batɛm dan baa gə́ Jurdɛ̰’g.

Mark 1:8

Ma lé mán ɓa m’ra sí ne batɛm nɛ yeḛ lé Ndilmeenda ɓa yeḛ a ra sí ne batɛm.

Lugu 24:8

Yen ŋga meḛ denéje lé olé teḛ dɔ ta gə́ Jeju ula dee kédé lé tɔ.

Lugu 3:16

Ja̰ un ta ula dee pana: Ma lé mán ɓa wɔji dɔm gə mba karm m’ra sí ne batɛm nɛ yeḛ gə́ a gə ree lé siŋgá ur dɔm’g pubug. Ma m’askəm tudu kúla négɔlje ləa wad lé gə dɔrɔm el. Yeḛ nja ɓa a ra sí batɛm gə Ndilmeenda gə pər tɔ.

Tagə́maji gə́ Ja̰ ndang 1:26

Ja̰ ila dee keneŋ pana: Ma lé mán ɓa m’ra ne dəwje batɛm, nɛ dəw kára aar mbuna sí’g nɛ seḭ gəreeje el.

Tagə́maji gə́ Ja̰ ndang 1:33

Ma lé m’gəree el nɛ yeḛ gə́ ulam mba ra dəwje batɛm lé yeḛ nja ulam pana: Dəw gə́ m’a koo Ndil wa naŋg dəa’g si ndá to yeḛ gə́ a ra dee batɛm gə Ndilmeenda lé nja kən.

Tagə́maji gə́ Ja̰ ndang 14:26

Nɛ Ndilmeenda gə́ njenai sə sí gə́ Bɔ-dəwje a kulá karee ree rɔ sí’g gə rim lé yeḛ nja ɓa a ndoo sí néje lai ləm, taje lai gə́ ma m’ula sí lé yeḛ a kolé meḛ sí dɔ’g ləm tɔ.

Tagə́maji gə́ Ja̰ ndang 16:4

Ta néje neelé ma m’ula sí mba kar loo gə́ kàree a gə teḛ ndá meḛ sí a kolé ne dɔ ta gə́ ma m’ula sí’g lé ya. Ta gə́ ma m’ula sí ɓasinè lé ma m’ula sí kédé gə́ ləw el mbata ma m’nai sə sí ɓəi.

Néra Njékaḭkulaje 1:5

mbata Ja̰ lé ra dəwje batɛm gə mán nɛ ndɔ nai bula bəl ndá d’a ra sí batɛm gə Ndilmeenda ya.

Néra Njékaḭkulaje 20:35

M’ra né ɓəd-ɓəd m’tɔji sí né gə mba kar kula raje gə́ togə́bè ɓa seḭ a kodoje ne yɔ-dəwje ləm, meḛ sí a kolé ne dɔ Mbaidɔmbaije Jeju gə́ yeḛ nja pana: Kun né kar lé to rɔlel unda taa né!

1 Njé gə́ Kɔrḭtə 12:13

Jeḛ lai gə́ to gə́ Jibje əsé Grekje, əsé ɓərje, əsé ŋgankojije kara deḛ ra sí batɛm d’ɔm sí ne na̰’d kára ba gin Ndil gə́ kára ba ləm, Ndil gə́ kára ba ya to meḛ sí’g lai ləm tɔ.

2 Piɛrə 3:1

Seḭ gə́ m’unda sí dan kəm’g lé aa ooje maktub njekɔm’g joo gə́ ma m’ndaŋg m’ar sí lé. Yeḛ gə́ kédé ləm, gə yeḛ gə́ ɓasinè ləm tɔ lé ma m’saŋg ne loo mba kɔs kudu sí yel ne gin kəmkàr lə sí