Néra Njékaḭkulaje 10:33 - Maktub gə́ To gə Kəmee

³³ Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Néra Njékaḭkulaje 10:33 ပူးပေါင်းရင်းမြစ်များ

2 Sôrta Gḭka Israɛlje 30:12

Mee ɓee gə́ Juda kara Ala ra kula meḛ dee’g ar meḛ dee asəna kára ba mba kar dee ra né gə goo ndukun lə mbai gə ka̰ ŋgan-mbaije karee aw lée’g béréré gə goo tapa Njesigənea̰ lé.

Gosota-Kəmkàrje 1:5

Maji kar njekəmkàr oo ta ndá A kila ne négər ləa dɔ maree’g ləm, Yeḛ gə́ to njegosonégər lé kara A gər ne goso ra ne né ləm tɔ.

Gosota-Kəmkàrje 18:15

Mee njegosonégər lé iŋga négər ləm, Mbi njékəmkàrje lé saŋg négər ləm tɔ.

Gosota-Kəmkàrje 25:12

Ta gə́ njekəmkàr pa ne gə dəw gə́ ur mbia oo ta lé To asəna gə mbaiŋgira larlɔr ləm, gə néma̰d gə́ ra gə larlɔr gə́ àr ŋgad-ŋgad bèe ləm tɔ.

Matiyo 18:4

Togə́bè ɓa nana ɓa gə́ a kula dəa asəna gə ŋgon gə́ gɔ neelé ndá yeḛ neelé a to njekur dɔ maree’g mee ɓeeko̰ gə́ dara ya.

Matiyo 19:30

Njé gə́ na̰je gə́ goo loo gə́ gogo d’a kaw gə́ ŋgaw ta dee kédé, nɛ njé gə́ na̰je gə́ d’aw gə́ ŋgaw ta dee kédé lé d’a tel to njé gə́ goo loo gə́ gogo tɔ.

Mark 10:15

Ma m’ula sí təsərə, nana ɓa gə́ mée taa ɓeeko̰ lə Ala asəna gə mee ŋgon gə́ gɔ bèe el ndá yeḛ a kula dəa keneŋ wɔr nda̰ bèe el.

Néra Njékaḭkulaje 10:32

Maji kam m’ula kula Jope m’ɓar Simo̰ gə́ d’unda ria lə Piɛrə ar dee ree səa, yeḛ si kəi lə Simo̰ gə́ to njekɔr-girŋgira gə́ to ta baa’g tebdé lé.

Néra Njékaḭkulaje 10:34

Yen ŋga Piɛrə teḛ təa pata pana: Tɔgərɔ ya, ma m’oo to gə́ Ala lé ɔr kəm dəw kára kara el.

Néra Njékaḭkulaje 28:28

Bèe ndá maji kar sí ooje to gə́ ta kaji lə Ala lé d’ula njétareeje ndá deḛ d’a taa ya.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

Njé gə́ Galati 4:14

Rɔko̰ gə́ oso dɔm’g lé ɓa gə́ né gə́ naa sí ya nɛ seḭ imje rɔ sí dɔm’g el ləm, seḭ oomje gə́ né gə́ to kḛji el ləm tɔ. Seḭ wamje gə́ rɔ sí’g asəna gə kura lə Ala gə́ dara ləm, asəna gə Jeju Kristi ləm tɔ.

Tel tura Godndu 30:13

To né gə́ to kel tura-baa-boo-kad’g nu ɓa gə mba kar sí paje ne pana: See na̰ ɓa a kḭ gaŋg baa-boo-kad kaw tura mbata lə sí kaw saŋg kar sí j’ooje taree gə mba kar sí n’raje née wa bèe el tɔ.

1 Njé gə́ Tesalonikə 2:13

Gelee gə́ nee ɓa, jeḛ n’ra ne Ala oiyo ɓó j’əw ne rɔ sí el mbata loo gə́ seḭ taaje ta lə Ala gə́ jeḛ j’ula sí lé seḭ taaje gə meḛ sí, ooje gə́ kankəmta lə Ala gə́ ra kula meḛ sí-seḭ gə́ ɔmje meḛ sí dəa’g ɓó seḭ ooje gə́ tapa dəwje gə́ kari ba el.

Maktub gə́ Jak ula ne ar ngan-Allaje 1:19

Ŋgakɔmje gə́ m’unda sí dan kəm’g, maji kar sí gərje ta nee gao ya. Tɔɓəi maji kar dəw gə́ rara kara orè mbia ndəŋ dɔ ta gə́ yeḛ oo ɓó ḭ rad mba pata pəd el ləm, əsé ar oŋg ḭ səa jugugu el ləm tɔ,

Maktub gə́ Jak ula ne ar ngan-Allaje 1:21

Gelee gə́ nee ɓa maji kar sí mbadje né gə́ ram gə́ rara kara ləm, gə né gə́ yèr gə́ rara kara ləm tɔ. Ta gə́ deḛ dubu meḛ sí’g lé ndá taaje gə meekul, yee ɓa seḭ a kajije ne ya.