Néra Njékaḭkulaje 1:3 - Maktub gə́ To gə Kəmee

³ Loo gə́ yeḛ ula rəa ndubu saar yeḛ wəi ne ndá yeḛ tel teḛ kəm dee’g wai kəmba tɔɓəi yeḛ nai sə dee ndəa rɔ-sɔ riba sə dee dɔ rəa’g gɔl bula ar loo maḭyee godo ləm, tɔji dee ta néje gə́ wɔji dɔ ɓeeko̰ lə Ala lé ləm tɔ.

Néra Njékaḭkulaje 1:3 ပူးပေါင်းရင်းမြစ်များ

1 Mbaije 19:8

Yeḛ ḭta sɔ né ləm, gə ai mán ləm tɔ, gə goo nésɔ nee gə́ aree siŋga lé ɓa yeḛ njaa ne ndəa rɔ-sɔ dan kàrá gə loondul’g saar teḛ ne Oreb, dɔ mbal’g lə Ala ya.

Matiyo 21:43

Gelee gə́ nee ɓa ma m’ula sí ne m’pana: Ɓeeko̰ lə Ala lé d’a taa ji sí’g kula ji ginkoji dəwje gə́ kudu kára gə́ néra dee wa bua ɓeeko̰ lé.

Matiyo 28:9

Yen ŋga Jeju dar dee bus pana: M’ra sí lapia ɓòo. Deḛ ree wɔr gə́ rəa’g d’unda naŋg gɔlee’g mburug, d’unda barmba naŋg d’wá meḛ dee’g.

Matiyo 3:2

Maji kar sí waje ndòo rɔ sí dɔ kaiya’g lə sí mbata ɓeeko̰ gə́ dara lé nai dəb ba ŋga.

Matiyo 4:2

As ndɔ rɔ-sɔ, dan kàrá gə loondul’g, Jeju ɔg mée ɓoo ndá lab ɔree.

Mark 16:19

Mbaidɔmbaije lé loo gə́ yeḛ ɔr ta neelé ula dee togə́bè mba̰ ndá né unee mbuna dee’g igi səa dara kag aree si dɔ jikɔl Ala’g tɔ.

Tagə́maji gə́ Ja̰ ndang 20:26

Ndɔ jinaijoo gogo lé njékwakila Jejuje tel d’wa dɔ na̰ mee kəi’g gɔl kára tɔɓəi nɛ Tomas lé si sə dee na̰’d ŋga. D’udu takəije dɔ dee’g ya nɛ Jeju teḛ dɔ dee’g təsərə ula dee pana: Maji kar sí sije gə meekulɔm.

Tagə́maji gə́ Ja̰ ndang 21:1

Gée gə́ gogo ndá Jeju teḛ kəm njékwakiláje’g gɔl kára tɔɓəi ta mán baa-boo gə́ ria lə Tiberiad. Aa ooje, loo teḛ gə́ yeḛ teḛ kəm dee’g lé ŋga.

Tagə́maji gə́ Ja̰ ndang 21:14

To gɔl munda ləa gə́ yeḛ teḛ kəm njékwakiláje’g un ne kudee ndɔ gə́ yeḛ unda loo teḛ dan njé gə́ d’wəi’g lé.

Néra Njékaḭkulaje 13:31

Yeḛ teḛ kəm dee-deḛ gə́ d’ḭ səa Galile d’aw səa Jerusalem lé ndɔ bula. Deḛje neelé ɓasinè to gə́ njékɔrgootaje ləa no̰ koso-dəwje’g ya.

Néra Njékaḭkulaje 19:8

Gée gə́ gogo Pool andə aw mee kəi-kwa-dɔ-na̰’g ndá yeḛ aar keneŋ pata yororo-yororo. As naḭ munda yeḛ ɔr goo ta néje gə́ wɔji dɔ ɓeeko̰ lə Ala ula ne rəa ndubu gə mba kar deḛ gə́ d’oo ta ləa lé taa ta gə́ yeḛ ula dee lé rəgm.

Néra Njékaḭkulaje 28:23

D’wɔji ndɔ dee d’aree ɓa njé gə́ na̰je bula ree d’iŋgá kəi gə́ yeḛ si keneŋ lé. Pool ɔr ta riba ne dɔ ɓeeko̰ lə Ala, ɔr ne ginta godndu Moyis gə ka̰ njéteggintaje gə́ wɔji dɔ Jeju ula ne ta meḛ dee’g. D’wɔji na̰ ta dɔ’g gə ndɔ ya saar d’ar kàrkemetag dɔ dee’g.

Néra Njékaḭkulaje 28:31

Yeḛ ula dee ta gə́ wɔji dɔ ɓeeko̰ lə Ala lé ləm, yeḛ ndoo dee ta gə́ wɔji dɔ Mbaidɔmbaije Jeju Kristi lé ləm tɔ, ar né ilá kag keneŋ el ləm, dəw kára ɔgee dɔ’g el ləm tɔ.

Néra Njékaḭkulaje 8:12

Nɛ loo gə́ deḛ d’ɔm meḛ dee dɔ Pilibə’g mbata tagə́maji gə́ yeḛ ndoo dee gə́ wɔji ne dɔ ɓeeko̰ lə Ala ləm, gə ri Jeju Kristi lé ləm tɔ ndá deḛ ra dee ne batɛm, diŋgamje ləm, gə denéje ləm tɔ.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Tel tura Godndu 9:18

Ma m’oso naŋg rəb m’dəb kəm naŋg no̰ Njesigənea̰’g to gə́ kédé ndɔm rɔ-sɔ dan kàrá gə loondul’g lé lal ko̰ muru ləm, lal kai mán ləm tɔ mbata kaiyaje lai gə́ seḭ raje loo gə́ seḭ raje ne né gə́ majel kəm Njesigənea̰’g gə mba kar mée ḭ ne səa pu lé.

Tel tura Godndu 9:9

Loo gə́ ma m’uba dɔ mbal m’aw tar gə mba kaw taa bəgərə mbalje gə́ ka̰ ndaŋg maktub gə́ to bəgərəjə gə́ ka̰ manrɔ gə́ Njesigənea̰ man ne rəa ar sí lé ma m’isi dɔ mbal’g neelé ndɔ rɔ-sɔ dan kàrá gə loondul’g lal ko̰ muru ləm, lal kai mán ləm tɔ,

Njé gə́ Kolosə 1:13

Yeḛ nja wa sí wɔgədɔ ɔr sí ji siŋgamoŋ ka̰ loondul gə́ ndul njudu-njudu ləm, yeḛ odo sí ɔm sí ɓeeko̰’g lə Ŋgonee gə́ to ŋgonkəmee lé ləm tɔ.

1 Njé gə́ Tesalonikə 2:12

Jeḛ ndəji sí ləm, jeḛ n’gɔl sí ləma, jeḛ j’ɔs sí ɓɔḭ-ɓɔḭ mba kar néra sí aw gə goo ka̰ Ala, yeḛ gə́ njeɓar sí mba kar sí sije ɓeeko̰’g ləa gə dan rɔnduba’g ləa lé ləm tɔ.

1 Ja̰ 1:1

Né gə́ to keneŋ gən kédé gə́ dɔtar saar lé né gə́ jeḛ j’oo taree gə mbi sí ləm, né gə́ jeḛ j’oo gə kəm sí ləm, né gə́ kəm sí wəi dɔ’g sḭ ləma, né gə́ j’wa gə ji sí peb ləm tɔ gə́ wɔji dɔ Ta kəmə lé