Néra Njékaḭkulaje 1:15 - Maktub gə́ To gə Kəmee

¹⁵ Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Néra Njékaḭkulaje 1:15 ပူးပေါင်းရင်းမြစ်များ

Matiyo 13:31

Yeḛ ula dee gosota gə́ raŋg pana: Ɓeeko̰ gə́ dara lé to asəna gə kandə kamnaḭ gə́ ɓaree senebe gə́ dəw dubu mee ndɔ’g ləa.

Lugu 22:32

Nɛ ma lé ma m’ra tamaji mbata ləi mba kar kúla meekun ləi gaŋg el. Bèe ndá loo gə́ i a kun kəmi rəw dɔ rəm’g ləi ndá maji kari ula diŋgam meḛ ŋgakɔḭje’g ya.

Tagə́maji gə́ Ja̰ ndang 14:12

Ma m’ula sí təsərə, yeḛ gə́ ɔm mée dɔm’g ndá néraje gə́ m’ra lé yeḛ a ra nja tɔ. Néraje gə́ ur dɔ njé gə́ nee kara yeḛ a ra ya tɔ mbata m’isi m’aw gə́ rɔ Bɔ-dəwje’g lé.

Tagə́maji gə́ Ja̰ ndang 21:23

Yen ŋga taree oso gə loo mbidi-mbidi mbuna ŋgako̰ deeje’g ar dee pana: Njekwakila Jeju neelé a kwəi pai godo. Nɛ ta kwəi gə́ yeḛ a kwəi pai godo lé ɓa Jeju pa bèe el, nɛ ta gə́ yeḛ ula Piɛrə lé ɓa nee: Ɓó lé neḛ ndigi karee si bèe saar mba kar neḛ n’tel n’ree n’iŋgá lé see ta ɗi ləa ɓa to keneŋ wa.

Néra Njékaḭkulaje 10:23

Yen ŋga Piɛrə ar dee d’andə d’aw kəi, d’aree ra dee mbá. Bèlè lookàree yeḛ uba naŋg ḭ aw sə dee. Ŋgako̰ na̰je gə́ na̰je gə́ d’isi Jope lé danee d’aw səa na̰’d tɔ.

Néra Njékaḭkulaje 11:1

Njékaḭkulaje ləm, gə ŋgako̰ na̰je gə́ d’isi dɔ naŋg gə́ Jude ləm tɔ lé d’oo to gə́ njépole-magəje kara taa ta lə Ala lé ya tɔ.

Néra Njékaḭkulaje 11:12

Yen ŋga Ndil ɓa ulam gə mba karm m’aw sə dee ɓó m’tila gə tila el. Dəwje gə́ misa̰ gə́ to gə́ njéndamje lé ɓa d’aar nee, ndá jeḛ j’andə na̰’d j’aw mee kəi’g lə Kɔrnəi.

Néra Njékaḭkulaje 11:26

Loo gə́ yeḛ iŋgá mba̰ ndá yeḛ ɔree ree səa Antiɔs. As ləb kára doŋgɔ lé deḛ d’wa dɔ na̰ gə Eglisəje loo-kwa-dɔ-na̰je’g lə dee ndá deḛ ndoo dəwje bula né keneŋ. Ɓee gə́ Antiɔs lé to loo gə́ dɔtar gə́ deḛ d’unda ri njékwakiláje ɓar dee ne njétaamee-Kristije.

Néra Njékaḭkulaje 11:29

Njékwakiláje d’unda kudu dee na̰’d mba kula gə néje lə dee gə goo nékiŋgaje lə dee lə dee mba la ne gə ŋgako̰ deeje gə́ d’isi Jude lé.

Néra Njékaḭkulaje 12:17

Piɛrə yə jia ta dee gə mba kar dee d’əw rɔ dee pata ndá yeḛ ɔr sor né gə́ Mbaidɔmbaije ra ɔree ne daŋgai’g lé ar dee d’oo. Yeḛ ula dee pana: Ɔrje soree arje Jak gə ŋgako̰ síjeḛ lé ar deeje d’oo tɔ. Tɔɓəi yeḛ unda loo teḛ ɔd aw loo gə́ raŋg.

Néra Njékaḭkulaje 14:2

Nɛ Jibje gə́ d’ɔm meḛ dee dɔ ta’g lə dee el lé pélé meḛ njépole-magəje d’ar meḛ dee adə dee dɔ Pool gə Barnabas’g.

Néra Njékaḭkulaje 15:1

Dəwje gə́ na̰je d’ḭ Jude ree ndoo ŋgako̰ deeje d’ula dee pana: Ɓó lé seḭ injaje tamɔd sí gə goo godndu Moyis el ndá seḭ asjekəm kiŋga kaji el.

Néra Njékaḭkulaje 15:3

Togə́bè Eglisə dan dee unda dee rəbə ndá d’aw kəm dee gə́ kédé d’unda mee ɓee gə́ Penisi gə Samari gaŋg, d’aw d’ɔr sor meekun lə njépole-magəje, d’ar meḛ ŋgako̰ deeje lel dee ne yaa̰.

Néra Njékaḭkulaje 16:2

Ŋgako̰ na̰je gə́ d’isi Listrə gə Ikɔnə d’ɔr ta ləa maji.

Néra Njékaḭkulaje 16:40

Loo gə́ d’unda loo kəi-daŋgai’g teḛ lé ndá d’ɔd d’aw kəi lə Lidi. Loo gə́ d’oo ŋgako̰ na̰je, ndəji dee mba̰ ndá d’uba naŋg d’ḭ d’aw ɓəi tɔ.

Néra Njékaḭkulaje 17:10

Léegəneeya ŋgako̰ na̰je d’ar Pool gə Silas d’ḭ loondul’g mba kaw Bere. Loo gə́ deḛ teḛ keneŋ mba̰ ndá d’aw mee kəi-kwa-dɔ-na̰’g lə Jibje.

Néra Njékaḭkulaje 17:14

Yen ŋga ŋgako̰ na̰je d’ar Pool ḭ gə tɔgee aw par gə́ gə loo gə́ baa-boo’g, nɛ Silas gə Timote ɓa nai Bere.

Néra Njékaḭkulaje 17:6

Loo gə́ d’iŋga dee el ndá d’wa Jaso̰ gə ŋgako̰ na̰je ndɔr dee d’aw sə dee no̰ njégaŋ-rəwtaje’g gə́ mee ɓee’g, ra né wəl d’ula dee pana: Dəwje neelé gə́ to njéturu dɔ dəwje lé deḛ ree loo gə́ nee’g ndá Jaso̰ wa dee gə́ rəa’g.

Néra Njékaḭkulaje 18:18

Pool nai Korintə ndəa bula bəl. Gée gə́ gogo yeḛ ra ŋgako̰ na̰je lapia ɓa uru mee bato’g gə mba kaw Siri gə Prisil gə Akilas na̰’d. Kédé ɓa karee uru mee bato’g ɓəi yeḛ ndisa dəa mee ɓee gə́ Sa̰kre mbata ndukun gə́ yeḛ un lé.

Néra Njékaḭkulaje 18:27

To gə́ yeḛ wɔji-kwɔji kaw gə́ Akai ndá ŋgako̰ na̰je d’ula diŋgam mée’g tɔɓəi deḛ ndaŋg maktub d’aree gə mba karee aw ne ar njékwakiláje ɓó gə kar dee d’wá ne gə́ rɔ dee’g. Loo gə́ yeḛ teḛ keneŋ ndá yeḛ la sə dee-deḛ gə́ mbɔl dɔ noji gə́ Ala wa sə dee lé d’un ne meḛ dee.

Néra Njékaḭkulaje 21:17

Loo gə́ jeḛ n’teḛ Jerusalem mba̰ ndá ŋgako̰ na̰je d’wa sí gə́ rɔ dee’g gə meendakaḭ.

Néra Njékaḭkulaje 21:20

Loo gə́ deḛ d’oo taree lé ndá deḛ d’ula rɔnduba dɔ Ala’g. Tɔɓəi deḛ d’ulá pana: Ŋgokɔm oo, Jibje bula-bula gə́ d’un meḛ dee lé rɔ dee wɔilɔ pélé-pélé dɔ godndu’g.

Néra Njékaḭkulaje 21:7

Loo gə́ jeḛ j’ya̰ rəw gə́ mán gə mba taa rəw gə́ raga ndá j’ḭ Tir j’aw Tolemayis. Lée neelé jeḛ n’ra ŋgako̰ na̰je lapia keneŋ ləm, j’isi sə dee na̰’d ndɔ kára ɓa ləm tɔ.

Néra Njékaḭkulaje 22:5

Ŋgɔ-njekinjanéməs gə ŋgatɔgje lə Jibje lai lé to njékɔrgoo néramje neelé ya. M’taa maktub ji dee’g gə mba kaw ne kar ŋgako̰ deeje gə́ Damas loo gə́ m’isi m’aw keneŋ gə mba kwa deḛ gə́ keneŋ neelé gə kúla lar ree sə dee Jerusalem gə mba kar bea̰ ɔs ta dee’g.

Néra Njékaḭkulaje 28:14

ɓa j’aw j’iŋga ŋgako̰ síjeḛ keneŋ. Deḛ ra ndòo rɔ sí’g mba kar sí j’isi sə dee as ndɔ sí siri. Bèe ɓa j’ḭ j’aw saar n’teḛ Rɔm ɓəi.

1 Njé gə́ Kɔrḭtə 15:6

Ndɔ gə́ raŋg yeḛ teḛ kəm njétaamee-Kristije gə́ d’as tɔl-mi gə́ d’wa dɔ na̰ loo kára tɔ, deḛ gə́ d’ée neelé kudu dee gə́ kára ɓa d’wəi nɛ ndər dee nai gə kəmə lə dee bura ɓəi.

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 3:4

Nɛ dəwje gə́ na̰je gə́ d’isi səi Sardes lé d’ar yiro wa kubu lə dee el. Deḛ nja d’a njaa səm gə kubu gə́ nda kələw-kələw mbata d’askəm njaa səm ya.