Néra Njékaḭkulaje 1:14 - Maktub gə́ To gə Kəmee

¹⁴ Deḛ lai neelé d’ɔm meḛ dee na̰’d sad ləm, d’ai meḛ dee sam-sam gə mba ra tamaji ləm tɔ ar denéje gə́ na̰je ləm, gə Mari, ko̰ Jejuje ləma, gə ŋgako̰ Jejuje ləm tɔ lé d’isi sə dee na̰’d tɔ.

Néra Njékaḭkulaje 1:14 ပူးပေါင်းရင်းမြစ်များ

Matiyo 12:46

Loo gə́ Jeju si ula boo-dəwje ta gə kəmee gə́ kédé-kédé ɓəi ndá kea̰je gə ŋgakea̰je d’aar raga saŋgee mba kwɔji səa ta.

Matiyo 21:22

Né gə́ rara ɓa seḭ a dəjije gə meekun gə ndukwɔi lə sí ndá kara seḭ a kiŋgaje née ya.

Matiyo 27:55

Denéje bula d’aar keneŋ tɔ, d’aar ŋgərəŋ d’aar d’aa loo sɔmɔmo̰, to deḛ gə́ d’ḭ Galile dan goo Jeju mba ra né karee lé.

Mark 15:40

Denéje gə́ na̰je kara d’aar ŋgərəŋ d’aar d’aa loo gə́ keneŋ sɔmɔmo̰ tɔ. Mari gə́ Magdala ləm, gə Mari, ko̰ Jak gə́ ndɔḭ gə Joses ləma, gə Salome ləm tɔ lé d’aar mbuna dené mar deeje’g neelé tɔ.

Mark 16:1

Loo gə́ ndɔ-kwa-rɔ lé dəs mba̰ ndá Mari gə́ Magdala ləm, gə Mari gə́ ko̰ Jak ləma, gə Salome ləm tɔ lé ndogo ubu gə́ ə̰də sululu d’aw mba kɔm dɔ Jeju’g.

Lugu 11:13

Seḭ gə́ toje njémeeyèrje ɓəi-ə lé gərje loo karje ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee Ndilmeenda lé ɓəi wa.

Lugu 18:1

Jeju un ta ula dee gə gosota tɔji dee gə mba kar dee d’oo, lé riri kara d’a ra tamaji ta Ala’g ta-ta ɓó d’a kar rɔ dee wəi dɔ’g sululu pai godo.

Lugu 23:49

Deḛ lai gə́ gər Jeju ləm, gə denéje gə́ d’ḭ səa Galile dan gée ləm tɔ lé d’aar ŋgərəŋ d’aar d’aa loo sɔmɔmo̰ d’oo ne loo né gə́ teḛ neelé tɔ.

Lugu 23:55

Denéje gə́ d’ḭ gə Jeju Galile dan gée lé d’aw gə Jisəb na̰’d d’oo bolè mbal lé ləm, gə d’oo loo kula gə́ deḛ d’ula nin Jeju keneŋ lé ləm tɔ

Lugu 24:10

Denéje gə́ d’ɔr sor néje nee d’ar njékaḭkulaje lé ri dee lə Mari gə́ Magdala ləm, gə Jan ləm, gə Mari ko̰ Jak ləma, gə denéje gə́ raŋg gə́ nai sə dee lé ləm tɔ.

Lugu 24:33

Mee kàree’g neelé nja deḛ d’ḭ d’ɔs tel d’aw Jerusalem. Deḛ d’iŋga deḛ gə́ dɔg-gir-dee-kára gə deḛ gə́ nai sə dee gə́ mbo̰ sə dee dɔ na̰

Lugu 24:53

Deḛ d’wa dɔ na̰ mee kəi-Ala’g ta-ta pidi ne Ala ləm, d’ɔs ne gajee ləm tɔ.

Lugu 8:20

D’ulá pana: Kɔḭje gə ŋgakɔḭje d’aar raga ndá deḛ ndigi kooi.

Néra Njékaḭkulaje 2:1

Loo gə́ kàr ndɔ Pa̰dekɔt teḛ mba̰ ndá deḛ lai d’wa dɔ na̰ loo kára ba.

Néra Njékaḭkulaje 2:42

Deḛ d’wa meḛ dee kɔgərɔ dɔ ta gə́ njékaḭkulaje ndoo dee lé, d’wa sə dee dɔ na̰ ləm, deḛ d’o̰ sə dee muru ləma, deḛ ra sə dee tamaji na̰’d ləm tɔ.

Néra Njékaḭkulaje 2:46

Ndɔje kára-kára lai lé deḛ d’aw na̰’d kəi-Ala’g ta teg-teg ləm, d’aw kəi lə na̰ d’o̰ muru na̰’d gə rɔlel gə meendakaḭ ləm tɔ.

Néra Njékaḭkulaje 6:4

Jeḛ ɓa yḛ̀ ar sí j’oreeje kəm sí ndəŋ dɔ tamaji gə́ ra ləm, gə dɔ kɔrgoota gə́ lé ləm tɔ.

Njé gə́ Rɔmə 12:12

Né gə́ seḭ undaje meḛ sí yel gə́ dɔ’g lé raje rɔlel keneŋ. Aije meḛ sí sam-sam dan némeeko̰’g ləm, ya̰je goo tamaji lə sí yɔgɔ el ləm tɔ.

1 Njé gə́ Kɔrḭtə 14:13

Togə́bè ɓa, yeḛ gə́ pa takɔji dəwje-dəwje ubu pur-pur lé maji karee ra tamaji ta Ala’g mba kiŋga nénoji gə́ ka̰ kɔr ne ginee kar dee.

Njé gə́ Epesə 6:18

Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya.

Njé gə́ Kolosə 4:2

Aije meḛ sí sam-sam dɔ tamaji gə́ seḭ raje lé sije kəmba keneŋ, raje ne Ala oiyo.