Néra Njékaḭkulaje 1:13 - Maktub gə́ To gə Kəmee

¹³ Loo gə́ deḛ teḛ ɓée ndá deḛ d’al d’aw mee kəi gə́ tar gə́ rɔd dɔ maree’g loo gə́ d’wa dɔ na̰ keneŋ ta-ta, deḛje neelé to Piɛrə, gə Ja̰, gə Jak, gə Andre, gə Pilibə, gə Tomas, gə Bartelemi, gə Matiyo, gə Jak ŋgolə Alpe, gə Simo̰ gə́ to Jelotə, gə Jude ŋgolə Jak tɔ.

Néra Njékaḭkulaje 1:13 ပူးပေါင်းရင်းမြစ်များ

Matiyo 9:9

Jeju ḭ keneŋ aw gə kuree waga, yeḛ oo diŋgam gə́ si takəi taa lar-gədɓee’g ria lə Matiyo. Jeju ulá pana: Maji kari ree goom’g. Léegəneeya, diŋgam neelé ḭta ɔd aw gée’g tɔ.

Mark 14:15

Ndá yeḛ a tɔji sí kəi gə́ boi gə́ dɔ maree’g tar, gə néje lai to keneŋ jəb-jəb mba̰. Lée neelé ɓa seḭ a kwaje dɔ gɔl né gə mba kar sí n’raje ne Pag keneŋ ya.

Mark 14:33

Yeḛ ɔr Piɛrə gə Jak gə Ja̰ njɔl aw sə dee ndá meeko̰ un kudu kḭ səa jugugu ləm, mée tɔsee gə no̰ mbigi-mbigi ləm tɔ.

Mark 2:14

Ləbi, ŋgon Alpe si loo taa lar-gədɓee’g ndá Jeju ulá pana: Un rəw goom’g. Ləbi ḭ un rəw gée’g tɔ.

Mark 5:37

Yeḛ ya̰ rəw ar dəw gə́ raŋg kára kara aw səa el nɛ ar Piɛrə gə Jak gə Ja̰, ŋgoko̰ Jak ɓa d’aw səa.

Mark 9:2

Ndɔ misa̰ gogo, Jeju ɔr Piɛrə gə Jak gə Ja̰ njɔl sa sə dee rəa aw sə dee dɔ mbal gə́ ŋgal léŋgé-léŋgé’g. Rea tel to ɓəd kəm dee’g.

Lugu 22:12

Yeḛ a tɔji sí kəi gə́ boi gə́ dɔ maree’g tar gə́ néje lai to keneŋ jəb-jəb mba̰. Lée neelé ɓa seḭ a kwaje dɔ gɔl néra Pag lé keneŋ ya.

Tagə́maji gə́ Ja̰ ndang 11:16

Yen ŋga Tomas gə́ dee ɓaree Didim ula mareeje gə́ njékwakila Jejuje lé pana: Ar sí j’awje səa ɓó gə j’wəije səa na̰’d.

Tagə́maji gə́ Ja̰ ndang 14:22

Jude, ɓó to Iskariot el lé dəji Jeju pana: Mbaidɔmbaije, see gelee ban ɓa i a riba dɔ rɔi kar síjeḛ ɓa j’oo, ŋga njé gə́ naŋg neelé ndá i a riba dɔ rɔi kar dee el lé wa.

Tagə́maji gə́ Ja̰ ndang 18:17

Yen ŋga ŋgonjelookisi gə́ dené gə́ to njeŋgəm takəi lé dəji Piɛrə pana: See i lé to gə́ njekwakila dəw neelé tɔ el wa. Yeḛ tel ilá keneŋ pana: Ma m’to debee el.

Tagə́maji gə́ Ja̰ ndang 21:2

Simo̰ Piɛrə ləm, gə Tomas gə́ deḛ ɓaree Didim ləm, gə Natanaɛl gə́ Kana dɔ naŋg gə́ Galile ləm, gə ŋgalə Jebede ləma, gə njékwakila Jejuje gə́ raŋg gə́ joo lé ləm tɔ lé deḛ lai mbo̰ dɔ na̰ loo kára.

Néra Njékaḭkulaje 12:17

Piɛrə yə jia ta dee gə mba kar dee d’əw rɔ dee pata ndá yeḛ ɔr sor né gə́ Mbaidɔmbaije ra ɔree ne daŋgai’g lé ar dee d’oo. Yeḛ ula dee pana: Ɔrje soree arje Jak gə ŋgako̰ síjeḛ lé ar deeje d’oo tɔ. Tɔɓəi yeḛ unda loo teḛ ɔd aw loo gə́ raŋg.

Néra Njékaḭkulaje 15:13

Loo gə́ d’əw rɔ dee pata ndá Jak ḭ un ta pa pana:

Néra Njékaḭkulaje 2:14

Yen ŋga Piɛrə gə deḛ gə́ dɔg-gir-dee-kára lé d’ɔr rɔ dee d’aar ndá Piɛrə ila boo-ndia naŋg pata pana: Seḭ Jibje gə seḭje lai gə́ sije Jerusalem lé maji kar sí gərje gao ləm, undaje mbi sí maji ooje ne ta ləm ləm tɔ!

Néra Njékaḭkulaje 2:38

Piɛrə ila dee keneŋ pana: Waje ndòo rɔ sí dɔ kaiya’g lə sí ləm, ar deeje ra sí batɛm gə ri Jeju Kristi ləm tɔ mba kar mée ti mbidi dɔ kaiyaje’g lə sí. Bèe ɓa seḭ a kiŋgaje ne Ndilmeenda gə́ d’wɔji-kwɔji kar sí gə́ kar lé ya.

Néra Njékaḭkulaje 20:8

Kəi gə́ dɔ maree’g gə́ j’wa dɔ na̰ keneŋ lé néndogóje bula ndogó keneŋ bən.

Néra Njékaḭkulaje 4:13

Loo gə́ deḛ d’oo Piɛrə gə Ja̰ pata gə́ gəd ya ndá kaar dee-deḛ dəwje neelé wa dee paḭ mbata deḛ d’oo dee gə́ dəwje gə́ mḭdé ba gə́ d’aw loo-ndoo-né’g el, nɛ deḛ tel gər dee gə́ njéboalookawje lə Jeju tɔ.

Néra Njékaḭkulaje 4:19

Piɛrə gə Ja̰ tel d’ila dee keneŋ pana: Ǝ̰jije maji ooje no̰ Ala’g ɓasinè ɓa, see ra torndu sí-seḭ ŋga ɓa maji unda ra ka̰ Ala wa.

1 Njé gə́ Kɔrḭtə 15:7

Ndɔ gə́ raŋg yeḛ teḛ kəm Jak ləm, yeḛ teḛ kəm njékaḭkulaje lai kara ləm tɔ.

Njé gə́ Galati 1:19

Nɛ ma m’oo njekaḭkula gə́ raŋg kára kara el, nɛ Jak ŋgoko̰ Mbaidɔmbaije ɓa m’ée keneŋ ya.

Njé gə́ Galati 2:9

Bèe ɓa loo gə́ deḛ d’oo noji gə́ d’wa səm lé ndá Jak gə Képas gə Ja̰ d’oo dee gə́ ŋgaw dan Eglisə lé d’wa jikɔl síjeḛ gə Barnabas d’ɔm sí ne sə dee na̰’d mba kar síjeḛ j’aw gə́ ɓee lə njépole-magəje nɛ deḛ lé d’a kaw gə́ ɓee lə njékḭja tamɔd deeje tɔ.

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!

2 Ja̰ 1:1

Ma ŋgatɔg lé m’ndaŋg maktub nee m’ar Kyria, dəw gə́ to gə kəmee, deḛ gə ŋganee gə́ m’unda dee dan kəm’g gə goo kankəmta lé, ma gə karm el, nɛ deḛ lai gə́ gər kankəmta lé d’unda dee dan kəm dee’g to

Jude 1:1

Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.