Nehemi 9:8 - Maktub gə́ To gə Kəmee

⁸ I oo to gə́ mee to danasur nɔḭ’g, Yee ɓa i man ne rɔi aree ləm, I un ne ndui mba kar ŋgakeaje taa ɓee lə Kana̰je Gə Hetje gə Amɔrje gə Peresje Gə Yebusje gə Girgasije gə́ né ka̰ dee-deḛ. Ndá ta gə́ i pa lé i ra née ya Mbata i to njera né gə́ danasur tɔ.

Nehemi 9:8 ပူးပေါင်းရင်းမြစ်များ

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 15:6

Abram ɔm mée dɔ Njesigənea̰’g jəb-jəb, yee ɓa Ala tura gə́ némeekarabasur ləa.

Gḭ-Néje 22:12

Kura gə́ dara lé pana: Un jii ɔrɔ ne rɔ ŋgon neelé el ləm, ra səa né el ləm tɔ. Mbata ɓasinè lé ma m’gər gao to gə́ i ɓəl Ala ya. Ŋgoni gə́ to ŋgon gə́ kára ba kiao lé i ɔgm el.

2 Samel 22:31

Rəwje lə Ala to maji ɔr njoroŋ ya. Ta lə Njesigənea̰ lé kara to ta gə́ to njaŋg tɔ. Yeḛ to dər-rɔ lə deḛ lai Gə́ d’ɔm meḛ dee dəa’g.

1 Sôrta Gḭka-Israɛlje 1:14

Kana̰ lé to ka Yebusje ləm, gə Amɔrje ləm, gə Girgasije ləm,

1 Sôrta Gḭka-Israɛlje 16:16

Gə dɔ manrɔ ləa gə́ yeḛ man ne rəa Ar Abrakam lé ləma, Gə dɔ ndukun gə́ yeḛ un Gə rɔkubu ar Isaak lé ləm tɔ.

Esdras 9:15

Njesigənea̰, Ala lə Israɛlje to njera né gə́ gə dɔ najee mbata ɓogənè jeḛ n’toje ges deḛ gə́ teḛ ta yoo’g. Aa oo, j’aarje nɔḭ’g, jeḛ gə́ n’toje koso-dəwje gə́ ta wa dɔ dee mba̰ ɓó j’askəm kaar tar nɔḭ’g togə́bè el lé.

Nehemi 9:33

I to njera né gə dɔ najee dɔ néje lai gə́ teḛ dɔ sí’g ya I ra néje lai gə goo rəbee Nɛ jeḛ ɓa jeḛ n’raje majel.

Pakɔsje 116:5

Njesigənea̰ lé to gə́ njemeekɔrjol gə njemeekarabasur ləm, Ala lə sí lé to darɔ njemeekaw taḭ-taḭ ya ləm tɔ.

Teḛ-Raga 3:17

tɔɓəi neḛ pana: N’a kɔr sí dan nékəmndoo’d gə́ mee ɓee gə́ Ejiptə mba teḛ sə sí kaw sə sí ɓee lə Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ.

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Ejekel 33:24

I ŋgon-dəw lé, deḛ gə́ d’isi dɔ nduba’g mee ɓee gə́ Israɛl’g lé pana: Abrakam nai gə karee ba nɛ yeḛ iŋga ɓee lé gə́ né kea̰, jeḛ gə́ m’bula digi-digi lé d’ar sí ɓee lé gə́ né ka̰ sí tɔ.

Bula lə Israɛlje 13:29

Amalekje d’isi par gə́ dɔkɔl, Hetje, gə Yebusje gə Amɔrje d’isi dɔ mbal’g, tɔɓəi Kana̰je d’isi mbɔr baa-boo-kad’g ləm, gə dɔ koŋgo baa gə́ Jurdɛ̰’g ləm tɔ.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Néra Njékaḭkulaje 13:22

Tɔɓəi loo gə́ yeḛ uba Sawul yá̰ ndá yeḛ tel ɔr Dabid gə́ mbai lə dee aree ɔr goo taree pana: Neḛ n’iŋga Dabid, ŋgolə Isai dəw gə́ ḭ mee neḛ’g gə́ a ra torndu neḛ karee ɔr rɔd.

Tel tura Godndu 26:3

Yeḛ a kaw rɔ njekinjanéməs’d gə́ aar ra kula mee ndəa’g neelé ndá a kulá pana: Ɓogənè ma m’pa njaŋg no̰ Njesigənea̰ Ala’g ləi to gə́ ma m’andə mee ɓee gə́ Njesigənea̰ man ne rəa ar bɔ síjeḛ-je gə mba kar sí lé mba̰ ya.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 7:1

Loo gə́ Ala lə sí gə́ Njesigənea̰ a kar sí a̰dje mee ɓee gə́ seḭ a gə kaw taaje gə́ ne ka̰ sí gə goo tuba gə́ yeḛ a tuba ginkoji dəwje gə raŋg no̰ sí’g lé, deḛ gə́ to Hetje ləm, gə Girgasije ləm, gə Amɔrje ləm, gə́ Kana̰je ləm, gə Peresje ləm, gə Hebje ləma, gə Yebusje ləm tɔ, ginkojije gə́ siri neelé deḛ bula yaa̰ d’unda sí ləm, siŋga dee to yaa̰ ur dɔ ka̰ sí-seḭ’g ləm tɔ,

Tel tura Godndu 9:5

To gə goo néra gə́ gə dɔ najee ləm, gə goo meekarabasur lə sí ɓa seḭ a gə ka̰dje ne mee ɓee’g lə dee gə mba kaw taaje gə́ ka̰ sí el, nɛ gə goo meeyèr lə ginkoji dəwje gə raŋg neelé ɓa Ala lə sí gə́ Njesigənea̰ tuba dee ne no̰ sí’g gə mbəa, gə mba kar ta gə́ Njesigənea̰ un ne ndia ar bɔ síje-je, Abrakam gə Isaak gə Jakob lé to ne njaŋg ya.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.

Ǝbrəje 11:17

Meekun lé ɓa Abrakam un ne Isaak ar Ala loo gə́ Ala aḭ ne mée lé. Ŋgonee gə́ kára ba jia’g, nɛ yeḛ un aree. To ŋgon gə́ ndukun lə Ala ɓa d’ojee ne ləm,

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.

Jujé 11:23

Togə́bè ɓa Juje taa ɓeeje neelé lai gə goo taje lai gə́ Njesigənea̰ ula Moyis kédé lé tɔ. Tɔɓəi Juje wa ɓee neelé ar Israɛlje gə́ né ka̰ dee-deḛ ar nana kara iŋga loo gə́ wɔji dəa-dəa gə goo ginkojee-kojee. Bèe ɓa ɓee neelé to ne lɔm ar rɔ godo keneŋ tɔ.

Jujé 11:3

gə rɔ Kana̰je gə́ d’isi bər əsé dɔ-gó ləm, gə rɔ Amɔrje’g ləm, gə rɔ Hetje’g ləm, gə rɔ Peresje’g ləm, gə rɔ Yebusje gə́ d’isi kaar mbal’g ləma, gə rɔ Hebje gə́ d’isi mbɔr mbal gə́ Hermo̰ mee ɓee’d gə́ Mispa ləm tɔ.

Jujé 23:14

Aa ooje, ɓasinè ma lé m’a gə kwəi ya. Seḭ gərje gə meḛ sí bura ləm, gə rɔ sí bura ləm tɔ, to gə́ mbuna taje gə́ maji lai gə́ Njesigənea̰, Ala lə sí pa ar sí lé ta kára kara gə́ lal ra née lé godo, taje lai neelé d’aw lée’g béréré-béréré mbata lə sí ɓó yee gə́ kára kara gə́ lal ra née lé godo ya.

Jujé 9:1

Loo gə́ d’oo sor néje neelé ndá mbaije lai gə́ d’isi kel tura-baa gə́ Jurdɛ̰ gə́ nee, deḛ gə́ d’isi dɔ mbalje’g əsé wəl-looje’g əsé kaar koŋgo baa-boo-kad gə́ boi njal teḛ mbɔr ɓee gə́ Liba̰ lé gə́ to Hetje ləm, gə Amɔrje ləm, gə Kana̰je ləm, gə Peresje ləm, gə Hebje ləma, gə Yebusje ləm tɔ lé

1 Ja̰ 1:9

Ɓó lé jeḛ n’teggin kaiya lə sí gə́ raga ndá yeḛ to njemeenda londoŋ gə njemeekarabasur mba kar mée ti mbidi dɔ’g ləm, mba kɔr won néra gə́ kori-kori lə sí ɓə̰dərə-ɓə̰dərə ləm tɔ.