Nehemi 9:7 - Maktub gə́ To gə Kəmee

⁷ I Njesigənea̰, Ala nja ɓa mbər Abram Aree unda loo mee ɓee gə́ Ur, gə́ to ɓee lə Kaldeje teḛ Tɔɓəi i unda ria lə Abrakam tɔ.

Nehemi 9:7 ပူးပေါင်းရင်းမြစ်များ

Gḭ-Néje 11:31

Tera ar ŋgonee gə́ Abram ləm, gə Lɔt gə́ to ŋgolə Haran, ŋgolə ŋgonee gə́ diŋgam ləma, gə məmeeje Sarai, dené lə ŋgonee Abram ləm tɔ d’aw səa. Deḛ d’ḭ Ur ɓeeko̰ gə́ Kalde na̰’d mba kaw mee ɓee gə́ Kana̰. Deḛ d’aw njal teḛ Haran ndá deḛ d’isi keneŋ.

Gḭ-Néje 15:7

Njesigənea̰ ulá tɔɓəi pana: Ma nja m’to Njesigənea̰ gə́ m’ari unda loo mee ɓee gə́ Ur, ɓeeko̰ gə́ Kalde teḛ lé gə mba kari naŋg neelé gə́ kaḭ ya.

Gḭ-Néje 17:5

D’a ɓari Abram gogo el ŋga, nɛ rii a to Abrakam mbata ma m’teli gə́ bɔ ginkoji dəwje bula-bula ya.

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

1 Sôrta Gḭka-Israɛlje 1:27

gə Abram gə́ to Abrakam lé.

Esai 51:2

Oreeje kəm sí ndəŋ dɔ Abrakam gə́ to bɔ síje ləm, Gə dɔ Sara gə́ to gə́ ko̰ síje gə́ njekoji lə sí lé ləm tɔ, Mbata yeḛ nja kára ba ɓa m’ɓaree, M’tɔr ndum dəa’g ləm, M’ar ŋgakeaje bula digi-digi ləm tɔ.

Tel tura Godndu 10:15

Lé bèe kara to bɔ síje-je ya ba ɓa Njesigənea̰ ɔm sə dee na̰’d gə mba kunda dee dan kəmee’g, tɔɓəi goo dee-deḛ’g lé to ŋgaka deeje, yee ɓa to seḭ gə́ yeḛ mbər sí mbuna koso-dəwje’g lai to gə́ seḭ ooje ne ɓogənè lé ya.