Nehemi 9:5 - Maktub gə́ To gə Kəmee

⁵ Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Nehemi 9:5 ပူးပေါင်းရင်းမြစ်များ

1 Mbaije 8:14

Mbai tel kəmee wagəsa, tɔr ndia dɔ koso-dəwje gə́ Israɛl, ndá koso-dəwje gə́ Israɛl lai d’aar tar ya gə gɔl dee tɔ.

1 Mbaije 8:15

Tɔɓəi yeḛ pana: Maji kar dɔ ri Njesigənea̰, Ala lə Israɛlje ai səgərə, yeḛ gə́ pata gə təa ar bɔm Dabid ndá yeḛ aree aw lée’g béréré gə goo siŋgamoŋ ləa gə́ yeḛ pa ne njaŋg pana:

1 Mbaije 8:22

Salomo̰ aar no̰ loo-nékinjaməs’g lə Njesigənea̰ kəm koso-dəwje gə́ Israɛl, yeḛ ula jia par gə́ dara pana:

1 Mbaije 8:27

Nɛ see Ala a si dɔ naŋg nee tɔgərɔ ya wa. Aa oo, dara gə́ to dɔ na̰’d dɔ na̰’d lé kara d’asi el nɛ ɓəd ɓa see kəi gə́ m’ra m’ari nee ɓa a k’asi ɓəi wa.

1 Sôrta Gḭka-Israɛlje 16:36

Maji kar dɔ ri Njesigənea̰, Ala lə Israɛlje ai səgərə Gə ləbee-ləbee saar-saar gə no̰! Maji kar koso-dəwje lai pana: Bèe ya! Pidije Njesigənea̰ ya!

1 Sôrta Gḭka-Israɛlje 29:11

I Njesigənea̰ lé boo-riɓar, gə siŋgamoŋ, gə néra gə́ maji dum, gə si gə ləb-ləb, gə rɔnduba to kaḭ ya, mbata néje lai gə́ dara gə dɔ naŋg nee to kaḭ ya, ko̰ɓee to kaḭ-i Njesigənea̰ ya mbata i to mbai gə́ ur dɔ néje’g lai tɔ.

1 Sôrta Gḭka-Israɛlje 29:13

Ɓasinè əi Ala lə sí, jeḛ m’pidii ləm, j’ula rɔnduba dɔ rii gə́ maji dum ləm tɔ.

1 Sôrta Gḭka-Israɛlje 29:20

Dabid ula koso-dəwje lai pana: Pidije Njesigənea̰, Ala lə sí. Ndá koso-dəwje lai lé pidi Njesigənea̰, Ala lə bɔ deeje-je ya tɔ. Tɔɓəi deḛ d’unda barmba dəb kəm dee naŋg no̰ Njesigənea̰’g ləm, gə no̰ mbai’g ləm tɔ.

2 Sôrta Gḭka Israɛlje 20:13

Judaje lai d’aar tar no̰ Njesigənea̰’g gə njémeekəije’g lə deḛ gə́ to denéje lə dee gə ŋgan deeje lé.

2 Sôrta Gḭka Israɛlje 20:19

Ləbije gə́ mbuna Keatje’g gə deḛ gə́ mbuna Koréje’g d’ḭ d’ula rɔnduba dɔ Njesigənea̰, Ala’g lé lə Israɛlje gə ndu dee gə́ tar wəl tɔ.

Esdras 3:11

Deḛ d’ɔs pa pidi ne Njesigənea̰ d’ɔs ne gajee pana: Mbata yeḛ lé maji dum ləm, meekɔrjol ləa gə mbata lə Israɛlje lé to saar-saar gə no̰ ya ləm tɔ. Tɔɓəi koso-dəwje lai neelé ra né gə ndu dee gə́ boi wəl d’ɔs ne gaji Njesigənea̰ gə mbata gin kəi lə Njesigənea̰ gə́ deḛ tum lé tɔ.

Nehemi 9:4

Juje gə Bani gə Kadmiel gə Sebania gə Buni gə Serebia gə Bani gə Kenani d’uba dɔ loo-kaar pata lə Ləbije ndá d’ɔr ndu dee gə́ tar wəl gə́ rɔ Njesigənea̰, Ala’g lé lə dee.

Nehemi 9:6

I nja ɓa to Njesigənea̰, i nja kára ba kiao, I to njekunda dara gə dara gə́ to dɔ na̰’d dɔ na̰’d ləm, Gə boo-nékundaje gə́ to keneŋ ləm, Gə naŋg gə néje lai gə́ to keneŋ ləma, Gə baa-boo-kad gə néje lai gə́ to keneŋ ləm tɔ. I nja ɓa ar néje lai neelé d’aw kəmba ləm, Ar boo-nékundaje gə́ dara d’unda barmba nɔḭ’g ləm tɔ.

Maktub gə́ wɔji dɔ Jɔb 1:21

ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Pakɔsje 106:2

See na̰ ɓa a pata néraje lə Njesigənea̰ gə́ ur dɔ loo lé ɓəi wa. Esé see na̰ ɓa a kila mber ta pideeje ləa lai-lai wa.

Pakɔsje 134:1

Pakɔs kḭ kaw tuga ne loo ɗao-ɗao gə́ tar Aa ooje, seḭ lai gə́ toje kuraje lə Njesigənea̰ Gə́ ŋgəmje loo mee kəi-si Njesigənea̰’g dṵda’g lé Maji kari sí undaje no̰ dɔkaisəgərə lə Njesigənea̰ lé ya.

Pakɔsje 145:2

M’a kar dɔi ai səgərə gə ndɔm-ndɔm ləm, M’a kunda no̰ rii gə ndɔm-ndɔm saar gə no̰ ya ləm tɔ.

Pakɔsje 145:5

Boo-ronduba ləi gə́ maji dum lé M’a pa taree ləm, Néraije gə́ maji dum lé kara M’a kɔs ne pa ya ləm tɔ.

Pakɔsje 146:2

M’a pidi Njesigənea̰ Loo-sim gə́ m’isi kəmba lé ləm, M’a kila riɓar dɔ Ala’g lé ləm Loo gə́ ma m’isi ne kəmba lé ləm tɔ.

Pakɔsje 16:2

Ma m’ula Njesigənea̰ m’pana: I lé to mbai dɔm ləm, I to némaji ləm gə́ ur dɔ néje’g lai ləm tɔ.

Pakɔsje 66:2

Ɔsje pa ulaje ne rɔnduba dɔ ria’g ləm, Ɔsje gaji rɔnduba ləa gə pa pidije lə sí lé ləm tɔ.

Pakɔsje 99:3

Maji kar dee d’ila riɓar dɔ rii gə́ boo’g Gə́ to ɓəl kədm-kədm’g, Yeḛ lé to Njerɔkunda.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 15:6

Ǝi Njesigənea̰, jikɔli tɔji loo-siŋgamoŋ ləi ləm, Ǝi Njesigənea̰, jikɔli ɓa rəd njéba̰je ləi lé naŋg mbə̰ji-mbə̰ji ləm tɔ.

Loo gə́ killa rea kəm Daniel’g 2:20

Daniel un ta pa pana: Maji kar dɔ ri Ala gə́ njesi gə ləbee-ləbee saar-saar gə no̰ lé ai səgərə! Kəmkàr gə siŋgamoŋ to kea̰ ya.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Tel tura Godndu 28:58

Ɓó lé seḭ aaje dɔ ta godnduje lai gə́ ndaŋg mee maktub’g nee raje née el ləm, ɓó lé seḭ ɓəlje ri Ala lə sí gə́ Njesigənea̰ gə́ to ri rɔnduba gə́ to ɓəl kədm-kədm lé el ləm tɔ ndá,

1 Piɛrə 1:3

Maji kar dɔ ri Ala Bɔ Jeju Kristi Mbaidɔmbaije lə sí lé ai səgərə. Yeḛ ar mée oso lemsé dɔ sí’g oji sí ne sigi, tɔɓəi teḛ gə́ yeḛ ar Jeju Kristi teḛ dan njé gə́ d’wəi’g lé ar meekundayel lə sí to ne kəmba tɔ.

Njéga̰g-Rəwtaje 13:18

Kura lə Njesigənea̰ gə́ dara lé tel ilá keneŋ pana: See ban ɓa i dəjim rim wa. Rim lé to Maji-dum.