Nehemi 9:4 - Maktub gə́ To gə Kəmee

⁴ Juje gə Bani gə Kadmiel gə Sebania gə Buni gə Serebia gə Bani gə Kenani d’uba dɔ loo-kaar pata lə Ləbije ndá d’ɔr ndu dee gə́ tar wəl gə́ rɔ Njesigənea̰, Ala’g lé lə dee.

Nehemi 9:4 ပူးပေါင်းရင်းမြစ်များ

2 Sôrta Gḭka Israɛlje 20:19

Ləbije gə́ mbuna Keatje’g gə deḛ gə́ mbuna Koréje’g d’ḭ d’ula rɔnduba dɔ Njesigənea̰, Ala’g lé lə Israɛlje gə ndu dee gə́ tar wəl tɔ.

Nehemi 12:8

Ləbije ɓa nee: Juje gə Binui gə Kadmiel gə Serebia gə Juda gə Matania yeḛ gə ŋgakea̰je na̰’d to bao-pa pidije,

Nehemi 3:17

Gée-yeḛ’g ndá Ləbije ra kula gɔl ndògo-bɔrɔ lé, Rehum, ŋgolə Bani tɔɓəi mbɔree-yeḛ’g lé Hasabia, mbai dɔ ges dəb ɓee gə́ Keyila ra kula gə́ wɔji dɔ ges dəb ɓee ləa tɔ.

Nehemi 8:4

Esdras gə́ njendaji-maktub lé aar dɔ loo-kaar gə́ ra gə kag mba karee aar keneŋ ɓa tura ta neelé. Loo gə́ mbɔree’g dɔ jikɔlee’g lé Matitia, gə Sema, gə Anaja, gə Uri, gə Hilkija, gə Maaséja d’aar keneŋ, tɔɓəi dɔ jigelee’g lé Pedaja, gə Mikaɛl, gə Malkija, gə Hasum, gə Hasbadana, gə Jakari, gə Mesulam d’aar keneŋ tɔ.

Nehemi 8:7

Juje, gə Bani, gə Serebia, gə Jamḭ, gə Akub, gə Sabetai, gə Hodija, gə Maaséja, gə Kelita, gə Ajaria, gə Jojabad, gə Hanan, gə Pelaja, gə Ləbije ɓa d’ɔr gin godndu lé d’ar koso-dəwje ndá nana kara aar loo-kaaree’g-kaaree’g.

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Pakɔsje 130:1

Pakɔs kḭ kaw tuga ne loo ɗao-ɗao gə́ tar. Ǝi Njesigənea̰, dan néurti gə́ al dɔm sula’g lé ɓa M’no̰ m’ɓar ne rii ya.

Pakɔsje 3:4

Nɛ i Njesigənea̰ lé I nja to dər-rɔ ləm, I nja ɓa gə́ gin rɔnduba ləm ndá I unda ne dɔm gə́ tar ya.

Pakɔsje 77:1

Pakɔs lə Asap gə́ ar bao-pa mba karee ɔs sə dee gə goo ka̰ Jedutun lé.

Nɔ̰-ndôo gə́ wɔji dɔ Jerusalem 3:8

Ma m’ila boo-ndum naŋg M’no̰ m’ɓar-ɓar Mba kar dee la səm nɛ pi ləm, Yeḛ un mbia rəw dɔ tamaji’g ləm ləm tɔ.

Tagə́maji gə́ Ja̰ ndang 11:43

Loo gə́ yeḛ pata neelé mba̰ ndá yeḛ pata gə ndia gə́ boi wəl pana: Lajarə, unda loo teḛ raga!

Néra Njékaḭkulaje 7:60

Tɔɓəi yeḛ ɔs kəjee naŋg pata gə ndia gə́ boi wəl pana: Mbaidɔmbaije, maji kari ila ta kaiya neelé dɔ dee’g el. Loo gə́ yeḛ pata togə́bè mba̰ ndá yeḛ təd sərəg ya.