Nehemi 9:37 - Maktub gə́ To gə Kəmee

³⁷ Dɔ naŋg lé ar némajije ləa ḭ dɔ maree’g gə́ kédé-kédé Ar mbaije gə́ i ar sí j’ulaje dɔ sí n’raje né j’ar dee lé Mbata kaiyaje lə sí ya, Deḛ d’o̰ dɔ darɔ sí ləm, Gə dɔ nékulje lə sí ləm tɔ To gə́ meḛ dee ndigi Ndá jeḛ ɓa j’isi dan boo-nékəmndoo’g ya.

Nehemi 9:37 ပူးပေါင်းရင်းမြစ်များ

Esdras 4:13

Maji kar mbai gər gao, ɓó lé deḛ tel d’unda ɓee-boo lé gogo ləm, ɓó lé deḛ gɔl ndògo-bɔrɔje ləa gogo ləm tɔ ndá d’a kuga nékoga-dɔ-rɔ-dee el ləm, d’a kuga négədɓee el ləma, d’a kuga rəw mba dəs ne el ləm tɔ. Bèe ndá lar-gədɓeko̰ lə mbai lé a keḭ el.

Esdras 6:8

Aa ooje, ndukun gə́ m’un m’ar sí gə́ wɔji dɔ né gə́ kəm kar sí raje gə ŋgatɔgje lə Jibje mbata kula kunda kəi-Ala ɓa to nee: Lar lə mbai gə́ seḭ iŋgaje gə goo nékoga-dɔ-rɔ lə dəwje gə́ d’isi kel tura-baa gə́ nu lé d’a kuga ne dɔ ji dəwje neelé karee as béréré ya gə mba kar né kára kara ɔg dee loo rəa el.

Esdras 7:24

Jeḛ j’ula sí ta gə́ wɔji dɔ njékinjanéməsje lai ləm, gə Ləbije ləm, gə bao-paje ləm, gə njéŋgəm tarəwje ləm, gə njéra kula kəi-Ala’d gə́ raje ləma, gə kuraje gə́ mee kəi’g lə Ala lai neelé ləm tɔ, mba kar sí ooje to gə́ to kəm kar dee-deḛ neelé d’uga nékoga-dɔ-rɔ dee el ləm, gə négədɓee el ləma, d’a kuga rəw ɓa dəs’g el ləm tɔ.

Nehemi 5:8

Ndá m’ula dee m’pana: Gə goo siŋga sí lé ɓa jeḛ n’telje j’ugaje ne dɔ ŋgako̰ síje gə́ to Jibje gə́ ginkoji dəwje gə́ raŋg ndogo dee lé. Nɛ seḭ lé seḭ ndogoje ŋgako̰ síje ŋga see jeḛ ya tɔɓəi j’a tel ndogo deeje wa. Deḛ d’isi guu ɓó d’oo ta gə́ kəm tel kilam keneŋ el.

Nɔ̰-ndôo gə́ wɔji dɔ Jerusalem 5:5

Njékula kəm sí ndooje lé D’al sí kunda ləm, Siŋga sí yɔ ləma, Loo-kwa-rɔ lə sí kara godo ləm tɔ.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Tagə́maji gə́ Ja̰ ndang 8:33

Jibje tel d’ilá keneŋ pana: Jeḛ lé n’toje gə́ ŋgaka Abrakam’g ɓó jeḛ n’ra ɓər lə dəw kára kara bèe el. Bèe ŋga see ban ɓa i pana: A bɔr kúla dɔ sí’g mbɔji wa.

Tel tura Godndu 28:33

Koso-dəwje gə́ seḭ a gər deeje el ya d’a sɔ néndɔ lə sí ləm, gə néje lai gə́ seḭ iŋgaje loo-kula’g lə sí ləm tɔ ndá ndɔje lai d’a kula kəm sí ndòo ləm, d’a ra sə sí né gə́ kədərə ləm tɔ.

Tel tura Godndu 28:39

Seḭ a ma̰aje nduúje lə sí ləm, a ndɔ deeje bur-bur ləm tɔ, nɛ seḭ a kaije mán dee el, seḭ a kinjaje kandə dee el mbata kɔrèje d’a sɔ dee ŋgər-ŋgər.

Tel tura Godndu 28:48

ndá seḭ a raje né karje njéba̰je lə sí gə́ Njesigənea̰ a gə kula dee kar dee d’ḭ rɔ sə sí lé dan ɓó’g ləm, gə dan kṵdaman’g ləm, gə dan kaw kudu dum’g ləma, gə dan ɓoo-boo’g ləm tɔ, yeḛ a kila néməməna̰ gə́ ra gə larndul gwɔb sí’g saar kar sí uduje ne bo̰.

Tel tura Godndu 28:51

Deḛ d’a sɔ ŋgan nékulje lə sí gə kandə néje gə́ dɔ naŋg’d lə sí saar kar sí godoje ne, d’a kya̰ kó lə sí el ləm, gə mán-nduú lə sí el ləm, gə ubu lə sí el ləma, ŋgan nékulje lə sí gə́ boi-boi əsé njé gə́ lam-lam el ləm tɔ saar kar sí uduje ne bo̰.