Nehemi 9:34 - Maktub gə́ To gə Kəmee

³⁴ Mbaije lə sí ləm, Gə ŋgan-mbaije lə sí ləm, Gə njékinjanéməsje lə sí ləma, Gə bɔ síje-je ləm tɔ lé Deḛ d’aa dɔ godnduije el ləm, Deḛ tuga mbi dee d’oo ne ta godnduije Gə ta ndəji kɔrje gə́ i ula dee lé el ləm tɔ.

Nehemi 9:34 ပူးပေါင်းရင်းမြစ်များ

2 Mbaije 17:13

Njesigənea̰ ar njéteggintaje ləa gə njékaḭkulaje ləa lai ndəji Israɛlje gə Judaje d’ula dee ne pana: Maji kar dee d’ya̰ goo rəw néraje gə́ majel lə dee ləm, d’aa dɔ ndukunje lə neḛ gə godnduje lə neḛ ləma, d’un ne goo godndu gə́ neḛ n’ar bɔ deeje-je lé lad-lad ləma, gə n’ula ne kuraje lə neḛ gə njéteggintaje lə neḛ rɔ dee’g gə mbəa ləm tɔ.

2 Mbaije 17:15

Deḛ d’uba godndiaje d’ya̰ ləm, gə ta manrɔ ləa gə́ yeḛ man ne rəa ar bɔ deeje-je ləma, gə ta ndəji kɔrje gə́ yeḛ ndəji dee ləm tɔ lé d’ya̰. Deḛ d’aw goo néje gə́ gə mḭdé ba ar dee nja kara tel to ne néje gə́ gə mḭdé ba ya tɔ, ndolè ne goo ginkoji dəwje gə raŋg gə́ gugu gir dee gə́ Njesigənea̰ ɔg dee dɔ ndaji kəm dee’g lé.

2 Sôrta Gḭka Israɛlje 29:6

Mbata bɔ síje-je ra kaiya, deḛ ra né gə́ majel kəm Njesigənea̰, Ala’g lə sí ləm, deḛ d’ubá d’yá̰ ləm, deḛ d’un kəm dee rəw dɔ kəi-kubu-kiŋga-na̰’g lə Njesigənea̰ ləma, deḛ tel gir dee d’ila d’aree ləm tɔ.

Esdras 9:10

Ɓasinè lé, wai Ala lə sí! See ta ɗi ɓa j’a pa dɔ néje’g neelé wa. Mbata jeḛ j’ubaje godnduije j’ya̰,

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Nehemi 9:33

I to njera né gə dɔ najee dɔ néje lai gə́ teḛ dɔ sí’g ya I ra néje lai gə goo rəbee Nɛ jeḛ ɓa jeḛ n’raje majel.

Nehemi 9:35

Loo gə́ deḛ d’isi dan némajije’g bula Mee ɓeeko̰ gə́ i ar dee lé ləm, Mee ɓee gə́ tad rəg-rəg gə́ to dɔ naŋg koje ləm tɔ kara Deḛ d’wai meḛ dee’g el ləm, Deḛ d’uba goo némajelje lə dee d’ya̰ el ləm tɔ.

Jeremi 29:19

mbata deḛ d’un mbi dee rəw dɔ taje’g ləm ləm, deḛ gə́ m’a m’ula kuraje ləm gə́ to njéteggintaje rɔ dee’g un kudee gə ndɔ rad nɛ deḛ d’un mbi dee rəw dɔ’g lé. Njesigənea̰ ɓa pa bèe.

Jeremi 44:17

Nɛ jeḛ ndigi raje né gə goo ta gə́ teḛ ta sí’g ləm, j’a tuuje né gə́ ə̰də sululu kar mbai gə́ dené gə́ pən dara’g ləm, j’a kunje nékar gə́ ka̰ saga naŋg kaareeje to gə́ jeḛ gə bɔ síje-je, gə mbaije lə sí, gə ŋgan-mbaije lə sí n’raje ne kédé mee ɓee-booje gə́ Juda ləm, gə mba̰-rəwje gə́ Jerusalem ləm tɔ. Yee ɓa jeḛ j’iŋgaje ne muru mba kar meḛ sí nda̰ ne ləm, j’isije ne dan rɔlel’g ləma, j’iŋgaje ne némeeko̰ kára kara el ləm tɔ.

Jeremi 44:4

Ma m’ula kuraje ləm lai gə́ to njéteggintaje rɔ sí’g, ma m’ula dee un kudee gə ndɔ rad ya mba kar dee d’ula sí pana: Raje néje gə́ mina̰ gə́ m’ə̰ji dee bəḭ-bəḭ lé el.

Ejekel 5:6

Njé gə́ Jerusalem d’al dɔ godnduje lə neḛ gə dɔ ndukunje lə neḛ d’ar ta gə́ wa dɔ dee lé ur dɔ ka̰ ginkoji dəwje gə raŋg’g gə ɓeeje gə́ gugu dɔ dee. Mbata deḛ d’ə̰ji godnduje lə neḛ bəḭ-bəḭ ləm, deḛ njaa gə goo ndukunje lə neḛ el ləm tɔ.

Loo gə́ killa rea kəm Daniel’g 9:6

Ta gə́ kuraje ləi gə́ to njéteggintaje pa gə rii d’ar mbaije lə sí ləm, gə ŋgan-mbaije lə sí ləm, gə bɔ síje-je ləma, gə koso-dəwje lai mee ɓee’g ləm tɔ lé jeḛ j’unje mbi sí dɔ’g rəw.

Tel tura Godndu 31:21

togə́bè ɓa loo gə́ némajelje gə nékəmndooje bula d’a teḛ dɔ dee’g mba̰ ndá pakɔs neelé gə́ meḛ dee a kwəi dɔ’g el ləm, gə taree a to ta ŋgaka deeje ləm tɔ lé a kɔr ta kila dɔ koso-dəwje’g neelé. Tɔgərɔ ya, ma m’gər takə̰jije gə́ meḛ dee’d gə́ m’oo ɓogənè lé ɓad ɓa m’a gə kar dee d’andə mee ɓee gə́ ma man rɔm gə mba kar dee lé ɓəi.