Nehemi 9:28 - Maktub gə́ To gə Kəmee

²⁸ Nɛ loo gə́ deḛ d’iŋga loo-kwa-rɔ dee ndá Deḛ tel d’un néra gə́ majel ra nɔḭ’g ya tɔɓəi. Togə́bè ɓa i uba dee ya̰ dee ne ji njéba̰je’g lə dee Ar dee d’o̰ ɓee dɔ dee’g. Yen ŋga deḛ tel no̰ gə́ rɔi’g Ndá i oo ndu dee mee dara gə́ tar Tɔɓəi gə goo boo-meekɔrjol ləi lé I ɔr dee ɔm dee ne tar gɔl bula tɔ.

Nehemi 9:28 ပူးပေါင်းရင်းမြစ်များ

1 Mbaije 8:39

maji kari oo ndu dee mee dara’g loo-sii’g ndá ar məəi oso lemsé dɔ dee’g ləm, ra gə nana kara gə goo néreaje ləm tɔ mbata i gə́ gər mee nana kara ləm, i nja kára ba kiao ɓa gər meḛ dəwje lai ləm tɔ.

Pakɔsje 106:42

Njéba̰je lə dee d’ḭ d’ula dee ndubu D’ar dee tel d’oso ne kul gin siŋgamoŋ’d lə dee.

Pakɔsje 136:24

Yeḛ ɔr sí ji njékula kəm sí ndooje’g Mbata meekɔrjol ləa lé to saar-saar gə no̰.

Esai 63:15

I gə́ si mee dara’g tar Mee loo-sii gə́ to gə kəmee gə́ to loo-ronduba lé Maji kari aa loo oo, See mal ra né ləi gə siŋgamoŋ ləi ɓa to ra wa. Meekaw taḭ-taḭ ləi gə koo kəmtondoo ləi Gə́ wɔji dɔm lé m’oo ɓasinè el.

Njéga̰g-Rəwtaje 2:19

Nɛ goo kwəi’g lə njegaŋ-rəwta lé deḛ tel d’ar rɔ dee mina̰ gɔl kára ya tɔɓəi d’aree ur dɔ ka̰ bɔ deeje-je gə́ d’aw ne goo magəje’g mba pole dee ləm, d’unda ne barmba no̰ dee’g ləm tɔ, tɔɓəi deḛ d’aar njaŋg dɔ panjaa dee’g ləm, gə dɔ meendər’g lə dee ləm tɔ.

Njéga̰g-Rəwtaje 3:30

Mee ndəa’g neelé Moabje d’ula dɔ dee no̰ Israɛlje’g. Bèe ɓa ɓee to ne lɔm as ləb rɔ-jinaijoo tɔ.

Njéga̰g-Rəwtaje 4:1

Loo gə́ Ehud wəi mba̰ ndá Israɛlje ra né gə́ taa kəm Njesigənea̰ el ya tɔɓəi.

Njéga̰g-Rəwtaje 5:31

Ǝi Njesigənea̰, ar njéba̰je ləi lai d’udu togə́bè ya. Deḛ gə́ d’undai dan kəm dee’g lé Ar dee to d’asəna gə kàr bèe Loo gə́ yee teḛ ɔs keḭ-keḭ. Yen ŋga ɓee lé to lɔm as ləb rɔ-sɔ ya.