Nehemi 9:24 - Maktub gə́ To gə Kəmee

²⁴ Bèe ɓa ŋgan deeje d’aw taa ne ɓee lé gə́ ka̰ dee ya. I ar njéɓeeje neelé gə́ to Kana̰je lé D’aw ŋguna-ŋguna no̰ dee’g Ndá i ya̰ dee ji dee’g gə mbaije lə dee ləm, Gə koso-dəwje gə́ mee ɓee’g ləm tɔ Mba kar dee ra sə dee né to gə́ meḛ dee ndigi.

Nehemi 9:24 ပူးပေါင်းရင်းမြစ်များ

1 Sôrta Gḭka-Israɛlje 22:18

Njesigənea̰ gə́ to Ala lə sí lé see yeḛ nai sə sí ar sí waje rɔ sí gə looje lai el wa. Mbata yeḛ ya̰ koso-dəwje gə́ mee ɓee’g neelé jim’g ndá njé gə́ dɔ naŋg nee lé d’ula dɔ dee no̰ Njesigənea̰’g ləm, gə no̰ koso-dəwje’g ləa ləm tɔ.

Este 9:5

Jibje tɔl njéba̰je lə deḛ lai gə kiambas d’ar dee d’udu guduru. Deḛ gə́ d’ə̰ji dee bəḭ-bəḭ kara ra sə dee né to gə́ meḛ dee ndigi tɔ.

Bula lə Israɛlje 14:31

Tɔɓəi ŋgan mee ŋgan síje gə́ seḭ pajena: D’a tel to gə́ nékwaje lə dəwje lé, deḛ nja d’a kandə mee ɓee gə́ seḭ mbadeeje lé tɔ.

2 Timote 2:26

Yen ɓa gum lə njekurai gə́ yeḛ uba dee naŋg bus kiri dee dɔ na̰’d mba kar dee ra né gə́ mée wɔji lé d’a teḛ sɔd ne rɔ dee danee’g.

Jujé 10:40

Togə́bè Juje dum dɔ ɓeeje neelé lai, ɓeeje gə́ to kaar mbal’g ləm, gə njé gə́ par gə́ dɔkɔl ləm, gə njé gə́ to ndag-loo’g ləma, gə njé gə́ to dɔdərloo’g ləm tɔ ndá yeḛ tuji mbaije lai, yeḛ ya̰ loo ar dəw kára kara aḭ aw el ləm, yeḛ tuji néje lai gə́ d’əmə ləm tɔ, to gə́ Njesigənea̰, Ala lə Israɛlje un ne ndia aree lé.

Jujé 11:23

Togə́bè ɓa Juje taa ɓeeje neelé lai gə goo taje lai gə́ Njesigənea̰ ula Moyis kédé lé tɔ. Tɔɓəi Juje wa ɓee neelé ar Israɛlje gə́ né ka̰ dee-deḛ ar nana kara iŋga loo gə́ wɔji dəa-dəa gə goo ginkojee-kojee. Bèe ɓa ɓee neelé to ne lɔm ar rɔ godo keneŋ tɔ.

Jujé 12:12

gə ɓee-boo gə́ Eglon ləm, gə ɓee-boo gə́ Gejer ləm,

Jujé 12:24

gə ɓee-boo gə́ Tirsa ləm tɔ. Bula lə deḛ lai lé d’as mbaije rɔ-munda-gir-dee-kára.

Jujé 18:1

Koso-dəwje gə́ Israɛl lai mbo̰ dɔ na̰ Silo ndá la kəi-kubu-kiŋga-na̰ keneŋ. Deḛ dum dɔ dəwje gə́ mee ɓee’g neelé.

Jujé 21:43

Togə́bè ɓa Njesigənea̰ ar Israɛlje ɓee lé gə lé bura moŋgoŋgo̰ to gə́ yeḛ man ne rəa gə mba kar ka deeje lé, deḛ taa ɓee neelé gə́ né ka̰ dee-deḛ ləm, d’isi keneŋ ləm tɔ.

Jujé 21:45

Mbuna taje gə́ maji lai gə́ Njesigənea̰ pa ar gel-bɔje lə Israɛl lé ta kára kara gə́ lal ra née lé godo: taje lai d’aw lée’g béréré ya.

Njéga̰g-Rəwtaje 4:23

Mee ndəa’g neelé Ala ar Jabḭ, mbai gə́ Kana̰ ula dəa no̰ Israɛlje’g.