Nehemi 9:22 - Maktub gə́ To gə Kəmee

²² I ya̰ ɓeeko̰je gə ginkoji dəwje gə raŋg ji dee’g ləm, I kai dee dɔ naŋg ləma, Deḛ taa ɓee lə Siho̰, mbai gə́ Esbon Gə ɓee lə Ɔg, mbai gə́ Basan ləm tɔ.

Nehemi 9:22 ပူးပေါင်းရင်းမြစ်များ

Pakɔsje 105:44

Yeḛ ar dee dɔ naŋg lə ginkoji dəwje gə raŋg lé ləm, Néje gə́ koso-dəwje d’iŋga loo kula’g lə dee lé kara Yeḛ ar dee-deḛ ɓa d’iŋga gə́ né ka̰ dee ya ləm tɔ.

Pakɔsje 78:65

Mbaidɔmbaije lé teḛ kəmee Asəna gə dəw gə́ ḭ dɔ ɓi’d bèe ləm, Asəna gə bao-rɔ gə́ mán-nduú gə́ mḭ lé tɔlee ɓa ḭ ndel dɔ ɓi’g ɓəi ləm tɔ.

Jeremi 27:5

To ma nja m’ra dɔ naŋg, gə dəwje, gə daje gə́ d’aw keneŋ gə goo siŋgamoŋ ləm gə́ ur dɔ loo ləm, gə jim gə́ m’ula ndiŋ ləm tɔ ndá dɔ naŋg lé m’ar dəw to gə́ məəm ya ndigi.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Tel tura Godndu 1:4

Goo tɔl gə́ yeḛ tɔl Siho̰, mbai lə Amɔrje gə́ si Esbon ləm, gə Og, mbai gə́ Basan gə́ si Astarot gə Edrei ləm tɔ lé ɓa yeḛ ula dee ne ta neelé.

Tel tura Godndu 32:26

M’a m’ula m’pana: M’a gə sané dee gə lel tam ləm, M’a gə kar ri dee udu Mbuna dəwje’g ləm tɔ!

Tel tura Godndu 4:46

To kel tura-baa gə́ Jurdɛ̰ gə́ nu mee wəl-loo gə́ wɔji dɔ Bet-Peor njoroŋ mee ɓee’g lə Siho̰, mbai lə Amɔrje gə́ si Esbon, yeḛ gə́ Moyis gə Israɛlje tɔlee loo gə́ deḛ d’unda ne loo mee ɓee gə́ Ejiptə teḛ lé.

Tel tura Godndu 4:47

Deḛ taa ɓee ləa ləm, gə ka̰ Og, mbai gə́ Basan ləm tɔ. Mbaije gə́ joo neelé to mbaije lə Amɔrje gə́ d’isi kel tura-baa gə́ Jurdɛ̰ gə́ nu par gə́ bər.

Jujé 10:11

Loo gə́ d’isi d’aḭ no̰ Israɛlje’g teḛ ne loo-suru-ɗum’g lə ɓee gə́ Bet-Oron ndá Njesigənea̰ tila dee gə kwɔjije gə́ boi-boi gə́ d’ḭ dara saar ndá deḛ d’wəi ne lai ya mee ɓee gə́ Ajeka, deḛ gə́ d’wəi yoo-kwɔji lé bula d’unda deḛ gə́ Israɛlje tɔl dee gə kiambas tɔ.

Jujé 11:23

Togə́bè ɓa Juje taa ɓeeje neelé lai gə goo taje lai gə́ Njesigənea̰ ula Moyis kédé lé tɔ. Tɔɓəi Juje wa ɓee neelé ar Israɛlje gə́ né ka̰ dee-deḛ ar nana kara iŋga loo gə́ wɔji dəa-dəa gə goo ginkojee-kojee. Bèe ɓa ɓee neelé to ne lɔm ar rɔ godo keneŋ tɔ.