Nehemi 9:20 - Maktub gə́ To gə Kəmee

²⁰ I ar dee ndili gə́ maji Mba kar kəm dee àr ne ləm, I ɔg dee muru ləi gə́ ḭ dara el ləma, I ar dee mán d’ai mbata kṵdaman gə́ tɔl dee ləm tɔ.

Nehemi 9:20 ပူးပေါင်းရင်းမြစ်များ

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Pakɔsje 105:41

Yeḛ ta̰ kaar mbal ar mán teḛ keneŋ Man lé ula gɔl-gɔl taa loo yal-yal To gə́ mán baa gə́ ula looje gə́ tudu kurum-kurum’g lé bèe.

Pakɔsje 143:10

Maji kari ndoom gə mba karm m’ra né gə́ məəi wɔji ɓa, Mbata i lé to Ala ləm. Maji kar ndili onm gə́ rəw gə́ danasur’g ya.

Teḛ-Raga 16:15

Israɛlje d’aa loo d’oo ndá d’ula na̰ ta mbuna na̰’d pana: See ɗi bèe wa. Mbata deḛ gər né neelé el. Moyis ula dee pana: To muru gə́ Njesigənea̰ ar sí gə́ nésɔ sí lé ya.

Teḛ-Raga 16:35

Israɛlje d’o̰ muru gə́ ḭ dara neelé as ləb dee rɔ-sɔ saar deḛ teḛ ne ɓee gə́ dəwje d’isi keneŋ, deḛ d’o̰ muru gə́ ḭ dara lé saar teḛ ne rəw-nim-ɓee gə́ Kana̰.

Teḛ-Raga 16:4

Njesigənea̰ ula Moyis pana: Aa oo, m’a kar muru ḭ dara gə́ tar gəḭ naŋg mbata lə sí. Dəwje lé d’a teḛ raga gə ndɔ dee ndɔ dee mba kodo né gə́ d’aw ndée gə mba kam m’aḭ ne meḛ dee m’oo see d’a njaa gə goo godndum əsé d’a njaa ne el wa.

Teḛ-Raga 17:3

Koso-dəwje gə́ d’aar keneŋ lé kunda mán ra dee yaa̰ ar dee jém ta d’im ne rɔ dee dɔ Moyis’g. Deḛ pana: See ban ɓa i ɔr sí ar sí j’unda loo mee ɓee gə́ Ejiptə n’teḛje gə mba kar sí j’wəije yoo-kunda-mán, jeḛ gə ŋgan síje gə nékulje lə sí na̰’d nee wa.

Teḛ-Raga 17:6

Aa oo, m’a kaar nɔḭ’g dɔ mbal gə́ Oreb’g, i a kunda mbal lé ndá mán a teḛ keneŋ kar dəwje d’ai. Moyis ra togə́bè ya kəm ŋgatɔgje’g lə Israɛlje.

Esai 48:21

Mee dɔdilalooje gə́ yeḛ a kɔr no̰ dee keneŋ lé Kṵdaman a tɔl dee el. Yeḛ a kar mán uba tir-tir kaar biri mbal’g Gə mbata lə dee ləm, Yeḛ a ta̰ biri mbal ndá Man a kaḭ ya ləm tɔ.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Ajee 2:5

Neḛ n’aar dɔ manrɔ’g lə neḛ gə́ neḛ man ne rɔ neḛ n’ar sí loo gə́ seḭ undaje ne loo mee ɓee gə́ Ejiptə teḛje lé ya mbata Ndil neḛ nai mbuna sí’g ya. Maji kar sí gə́ ɓəlje el!

Bula lə Israɛlje 11:17

M’a ree kwɔji səi ta lée’g neelé ndá m’a kai ndil gə́ to dɔi’g lé kɔm dɔ dee-deḛ’g to mba kar dee taa ne səi nékodo gə́ wɔi gə́ to koso-dəwje lé to ɓó kari-i ɓa odo dee gə kari ba el ŋga.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 4:14

Nɛ nana ɓa a kai mán gə́ m’a karee neelé ndá kunda a tɔlee gogo el ŋga. Man gə́ m’a karee lé a tel to ŋgira mán mée’g gə́ a kaḭ teḛ kuji-kuji ndá yeḛ a si gə kəmə gə́ gə no̰ lé mée’g.

Njé gə́ Rɔmə 15:30

Ŋgakɔmje, ma m’ra ndòo rɔ sí’g gə ri Mbaidɔmbaije lə sí Jeju Kristi ləm, gə goo Ndil gə́ yel kó meenoji neelé meḛ sí’g ləm tɔ lé mba kar sí orəmje ne més loo-rɔ’g ləm, raje ne tamaji ta Ala’g mbata ləm

1 Njé gə́ Kɔrḭtə 10:3

deḛ lai d’usɔ nésɔ gə́ ka̰ Ndil lé.

Njé gə́ Epesə 5:9

Mbata meemaji gə́ gə ria-ria ləm, gə meekarabasur ləma, gə kankəmta ləm tɔ lé yee ɓa gə́ kandə lookàr ya.

Jujé 5:12

Bèlè gə́ njekorè goo ndɔ Pag lé loo gə́ deḛ d’usɔ kandə néje gə́ mee ɓee’g neelé ndá muru gə́ ḭ dara lé gelee ŋgaŋ ar Israɛlje d’iŋga muru neelé gogo el ŋga ndá mee ləb’g neelé deḛ d’usɔ kandə néje gə́ mee ɓee gə́ Kana̰ ŋga.

2 Piɛrə 1:21

mbata ta gə́ pa lé ḭ mee dəw’g tel el. Ndilmeenda ɓa uru meḛ dəwje’g ar dee pa ne tapa Ala lé ya.