Nehemi 9:13 - Maktub gə́ To gə Kəmee

¹³ I risi ur dɔ mbal’d gə́ Sinai Ndá i ula dee ta gə ndui gə́ ḭ mee dara gə́ tar, Tɔɓəi i ar dee ndukunje gə́ danasur ləm, Gə godnduje gə́ to kankəmta ləm, Gə tornduje ləma, gə godnduje gə́ maji dum ləm tɔ.

Nehemi 9:13 ပူးပေါင်းရင်းမြစ်များ

2 Mbaije 17:37

Godnduje, gə ndukunje, gə tornduje gə́ yeḛ nja ndaŋg mbata lə dee lé d’a kaa dɔ dee kər-kər gə mba ra née ɓó d’a ɓəl magəje el ŋga.

Esdras 7:6

Esdras neelé ḭ Babilɔn ɓa ree Jerusalem. Yeḛ to njendaji-maktub gə bao-gər-gin-godndu Moyis gə́ Njesigənea̰ Ala lə Israɛlje un aree ləw lé. Tɔɓəi to gə́ ji Njesigənea̰ Ala ləa to dɔ Esdras’g ndá mbai ndigi səa dɔ né gə́ rara gə́ yeḛ dəjee’g lé tɔ.

Pakɔsje 119:137

Ǝi Njesigənea̰, i lé to gə́ njemeekarabasur ya ləm, Rəwta-gaŋgje ləi lé kara to gə goo rəbee ya ləm tɔ.

Pakɔsje 119:160

Kankəmta ɓa i tum ne ginta ləi, Rəwta-gaŋgje ləi lai gə́ to gə dɔ najee lé to gə no̰ ya tɔ.

Pakɔsje 119:4

I nja un ndukunje ləi lé Mba kar dee tɔs kəm dee dɔ’g bao-bao.

Teḛ-Raga 16:23

Moyis ula dee pana: Yee ɓa to né gə́ Njesigənea̰ un ne ndia dɔ’g ya. Bèlè to ndɔ-kwa-rɔ, to ndɔ-kwa-rɔ gə́ to gə kəmee mbata lə Njesigənea̰, gesee gə́ kəm ndao lé maji kar sí ndaoje ya, gesə né gə́ kəm ndiri-kolé kara ndirije-oléje ya tɔ ndá gesee gə́ nai lé undaje kul saar teḛ bèlè gə ndɔ.

Teḛ-Raga 19:11

Ndɔ gə́ njekɔm’g munda lé maji kar dee d’aar pèrèrè, mbata ndɔ gə́ njekɔm’g munda neelé Njesigənea̰ a kḭ tar kuru naŋg dɔ mbal gə́ Sinai kəm koso-dəwje’g lai.

Teḛ-Raga 20:1

Togə́bè ɓa Ala pa taje neelé lai pana:

Teḛ-Raga 20:22

Njesigənea̰ ula Moyis pana: I a pata togə́bè kar Israɛlje pana: Seḭ ooje gao to gə́ ma m’isi mee dara’g tar ɓa m’ula sí ta lé ya.

Esai 64:1

To gə́ pər gə́ mbudu o̰ kag gə́ tudu bèe ləm, To gə́ kṵji mán gə́ olé teḛ bèe ləm tɔ lé, Njéba̰je ləi d’a koo rii ləm, Ginkoji dəwje gə raŋg d’a kunda bala nɔḭ’g ləm tɔ.

Esai 64:3

Un kudee ləw ba ya Dəw kára kara oo el ləm, Taree oso mbi dəw’g kára kara el ləma, Kəm dəw kára kara oo el ləm tɔ To gə́ Ala gə́ njekas səi bèe Gə́ ra né gə́ togə́bè ar dee gə́ d’ɔm meḛ dee dəa’g lé godo.

Habakuk 3:3

Ala ḭ ɓee gə́ Teman aw ree, Njerɔkunda ḭ dɔ mbal gə́ Paran. Boo-ronduba ləa tur dɔ dara pubug ləm, Rɔnduba ləa taa loo dɔ naŋg nee pəl-pəl ləm tɔ.

Njé gə́ Rɔmə 7:16

Ɓó lé né gə́ m’wɔji-kwɔji ra el lé ɓa m’ra ndá yee ɓa am m’gər gao to gə́ godndu lé to maji ɔr njoroŋ ya.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

Tel tura Godndu 4:33

See ndɔ kára dəw oo ndu Ala gə́ wɔji səa ta dan pər’g to gə́ i oo ne bèe ya nɛ njea tel si kəmba ya wa.

Tel tura Godndu 4:36

Yeḛ ar sí ooje ndia gə́ ɓar mee dara’g gə mba ndoo sí ne né, yeḛ ar sí ooje pər ləa gə́ boo dɔ naŋg nee ləm, seḭ ooje taje ləa gə́ pa dan pər’g ləm tɔ.

Tel tura Godndu 4:8

Esé see ginkoji dəwje gə́ boo gə́ ra ɓa d’aw gə godnduje gə ndukunje gə́ gəd-gəd to gə́ godnduje nee lai gə́ ma m’unda no̰ sí’g ɓogənè lé wa.

Tel tura Godndu 5:4

Njesigənea̰ ula sí ta kəm sí’g təsərə dɔ mbal’g, dan pər’g.