Nehemi 9:12 - Maktub gə́ To gə Kəmee

¹² I ɔr no̰ dee dan kàrá gə mum gə́ mbo̰ na̰ sururu ləm, Loondul’g ndá i ɔr no̰ dee gə pər gə́ mbo̰ na̰ sururu Gə́ ndogó rəw-kaw dee’g ar dee d’aw gée’g ləm tɔ.

Nehemi 9:12 ပူးပေါင်းရင်းမြစ်များ

Nehemi 9:19

Nɛ I lé, gə goo boo-meekɔrjol ləi lé I uba dee ya̰ dee dɔdilaloo’g el Ndá mum gə́ mbo̰ na̰ sururu Gə́ ɔr no̰ dee rəw-kaw dee’g dan kàrá lé sané el ləm, Pər gə́ mbo̰ na̰ sururu Gə́ ndogó no̰ dee’g loondul’g rəw-kaw dee’g Gə́ d’aw gée’g lé kara sané el ləm tɔ.

Pakɔsje 105:39

Yeḛ ila mum o̰ ne dɔ dee ləm, Yeḛ ar pər ndogó dɔ dee’g loondul’g ləm tɔ.

Pakɔsje 107:7

Yeḛ ɔr no̰ dee gə goo rəw gə́ danasur Gə mba kar dee teḛ ne ɓee gə́ d’askəm kisi keneŋ lé.

Pakɔsje 143:8

Un kudee teḛ gə ndɔ rad ya ndá Am m’oo meemaji ləi Mbata ma lé m’ɔm məəm dɔi’g ya. Ar kəm inja dɔ rəw gə́ kəm njaa keneŋ lé Mbata ma lé m’tel kəm par gə́ rɔi’g ya.

Pakɔsje 78:14

Yeḛ ɔr no̰ dee dan kàrá gə mum ləm, Loondul’g kara pər gə́ ndogó jol-jol Ɓa yeḛ ɔr ne no̰ dee ləm tɔ.

Teḛ-Raga 15:13

Mbɔl dɔ meekɔrjol ləi lé ɓa I ɔr ne no̰ dəwje neelé I ɔm dee ne tar, Mbɔl dɔ siŋgamoŋ ləi lé ɓa, I ɔr ne no̰ dee Par gə́ loo-sii gə́ to gə kəmee ɓəd’g lé.

Ejekel 20:6

Mee ndəa’g neelé neḛ manrɔ neḛ n’ula ne ji neḛ ndiŋ gə́ dɔ dee’g mba kar dee d’unda ne loo mee ɓee gə́ Ejiptə teḛ d’aw mee ɓee gə́ neḛ n’saŋg gə mbata lə dee lé, to ɓee gə́ mbà gə ubu tə̰ji to keneŋ ləm, to ɓee gə́ maji unda ɓeeje lai ləm tɔ.

Bula lə Israɛlje 9:16

To togə́bè ta-ta ya, mum lé ɔn dɔ kəi-kubu gə́ to gə kəmee dɔi, tɔɓəi loondul ndá yee to asəna gə pər bèe tɔ.

Bula lə Israɛlje 9:21

Ɓó lé mum lé aar naŋg loondul’g saar loo àr ɓa ḭ ŋgədəŋ lookàr’g ndá deḛ kara d’ḭ d’aw ya tɔ. Ɓó lé mum lé ra lookàr kára gə loondul kára ɓa ḭ ɓəi kara yen ɓa deḛ d’ḭ d’aw ɓəi tɔ.

Tel tura Godndu 1:33

yeḛ gə́ un rəw no̰ sí’g gə mba tɔji sí ne rəw gə́ seḭ a kawje keneŋ ləm, dan kàrá ndá yeḛ ɔr no̰ sí gə mum gə́ mbo̰ na̰ sururu ləm tɔ.