Nehemi 9:11 - Maktub gə́ To gə Kəmee

¹¹ I kai baa-boo-kad dana no̰ dee’g Ar dee dəs danee’g loo gə́ tudu kurum-kurum’g, Nɛ deḛ gə́ tuba goo dee lé I ɔs dee ɓugu dee ɓul mán’g To gə́ kɔr mbal gə́ oso ŋguru baa’g bèe.

Nehemi 9:11 ပူးပေါင်းရင်းမြစ်များ

Pakɔsje 66:6

Yeḛ tel baa-boo-kad lé aree to naŋg gə́ tudu kurum-kurum ləm, Baa lé kara ar dee dəs keneŋ gə gɔl dee ya ləm tɔ. Ndəa neelé jeḛ lé j’al ne rɔ sí rəa’g ya.

Pakɔsje 78:13

Yeḛ kai baa-boo-kad lé dana ya̰ ne rəw ar dee ləm, Yeḛ ur manje tar to gə́ ndògo-bɔrɔ bèe ləm tɔ.

Teḛ-Raga 14:14

Njesigənea̰ a rɔ mbata lə sí, nɛ seḭje lé aarje dɔ mundu.

Teḛ-Raga 14:25

Yeḛ tɔr gɔl pusu-rɔje lə dee ar loo kaw gə́ kédé lə dee kədərə ya. Togə́bè njé gə́ Ejiptə pana: Ar sí j’aḭje no̰ Israɛlje’g mbata Njesigənea̰ ɓa aw rɔ sə sí gə mbata lə dee.

Teḛ-Raga 14:29

Nɛ Israɛlje njaa loo gə́ tudu kurum-kurum’g ya dan baa-boo’g tɔɓəi mán lé gaŋg ndəŋ aar asəna gə ndògo-bɔrɔ bèe dɔjikɔl dee’g ləm, gə dɔjigel dee’g ləm tɔ.

Jeremi 32:20

I ra némɔrije gə nédumkooje mee ɓee gə́ Ejiptə saar mee ndəa’g neelé ləm, gə mee ɓee gə́ Israɛl ləma, gə mbuna dəwje’g ləm tɔ. Yee ɓa i ra ar rii ɓar ne saar teḛ ɓogənè.

1 Njé gə́ Kɔrḭtə 10:1

Ŋgakɔmje, tɔgərɔ ya, ta neelé ma m’ndigi kar sí síje keneŋ dɔ mbə’g el: ka síje lai lé d’isi gin mum gə́ wa kəm kàr’g ləm, deḛ lai d’unda baa-boo-kad dana gaŋg ləm,

Ǝbrəje 11:29

Meekun lé ɓa deḛ d’unda ne dan baa-boo gə́ kas dana gaŋg asəna gə loo gə́ tudu kurum-kurum bèe. Njé gə́ Ejiptə gə́ naa mán mba kuru teḛ goo dee’g ya nɛ deḛ nai keneŋ wo̰d.

Loo gə́ killa rea kəm Ja̰’g 18:21

Yen ŋga kura gə́ dara gə́ to njesiŋgamoŋ lé un kɔr mbal gə́ to asəna gə mbal gə́ d’usu ne kó bèe ndá yeḛ unda piriŋ ila dan baa-boo-kad’g pana: Togə́bè ya ɓa, d’a kun ne Babilɔn, ɓee-boo gə́ garee godo neelé kila ne mán poŋgm bèe ya tɔ. D’a kiŋgá gogo el ŋga.