Nehemi 9:1 - Maktub gə́ To gə Kəmee

¹ Ndɔ gə́ njekɔm’g rɔ-joo-giree-sɔ gə́ mee naḭ’g neelé Israɛlje mbo̰ dɔ na̰, deḛ d’ula kubu-kwa-ndòo rɔ dee’g ləm, tuga kor naŋg d’ɔm dɔ dee’g ləm tɔ ɓa d’ɔg ne meḛ dee ɓoo tɔ.

Nehemi 9:1 ပူးပေါင်းရင်းမြစ်များ

2 Samel 1:2

Ndɔ gə́ njekɔm’g munda ndá dəw kára ḭ loo-si njérɔje’g lə Sawul. Kubuje gə́ rəa’g ŋgisi ləm, kor wa dəa lub-lub ləm tɔ. Loo gə́ yeḛ ree aar no̰ Dabid’g ndá yeḛ oso naŋg bəbərə dəb kəmee naŋg.

2 Sôrta Gḭka Israɛlje 20:3

Ɓəl unda Josapat badə gaŋgee aree wɔji mée’g gə mba dəji Njesigənea̰ ta ndá yeḛ ila mber ta kɔg-mee-ɓoo mee ɓee gə́ Juda’g lai.

2 Sôrta Gḭka Israɛlje 7:10

Ndɔ gə́ njekɔm’g rɔ-joo-giree-munda mee naḭ gə́ njekɔm’g siri lé Salomo̰ ar koso-dəwje tel d’aw mee kəi-kubuje’g lə dee gə rɔlel gə meendakaḭ mbata némeemaji gə́ Njesigənea̰ ra gə Dabid, gə Salomo̰, gə Israɛl gə́ to koso-dəwje ləa lé tɔ.

Esdras 8:21

Lée gə́ nee, gə́ to mbɔr baa gə́ Ahaba lé ɓa ma m’ila mber kɔg-mee-ɓoo keneŋ, gə mba kar sí j’oso ne kul no̰ Ala’g lə sí mba ra ndòo rəa’g karee ar rəw-kaw sí to gə́ majee mbata lə síjeḛ ləm, gə mbata lə ŋgan síje ləma, gə mbata némajije lə sí lai ləm tɔ.

Esdras 8:23

Gelee gə́ nee ɓa jeḛ j’ɔgje ne meḛ sí ɓó ləm, jeḛ no̰ m’ɓarje ne Ala lə sí gə mbəa ləm tɔ ndá yeḛ ila sí keneŋ ya.

Nehemi 8:2

Bèe ɓa Esdras, njekinjanéməs ree gə maktub godndu lé no̰ koso-dəwje gə́ to diŋgamje gə denéje gə ŋganje gə́ d’askəm koo ta gər ginee. To ndɔ gə́ dɔtar mee naḭ gə́ njekɔm’g siri.

Este 4:16

Maji kari mbo̰ Jibje lai gə́ d’isi Susə dɔ na̰’d gə mba kar dee d’ɔg meḛ dee ɓoo mbata ləm, lal ko̰ muru ləm, gə lal kai mán ləm tɔ as ndɔ munda dan kàrá gə loondul’g. Ma kara m’a kɔg məəm ɓó gə ŋganjélookisije ləm gə́ dené to ɓa m’a kḭ kaw rɔ mbai’g lé gə goo godndu el ŋga. Ɓó lé to kəm karm m’wəi ne kara m’a kwəi ne ya.

Este 4:3

Mee dəb ɓeeko̰je kára-kára lai gə́ d’aw gə ndukun lə mbai gə godndu ləa keneŋ lé boo-nékəmndoo to mbuna Jibje’g ya. Deḛ d’ɔg meḛ dee ɓoo ləm, deḛ no̰ sii mbigi-mbigi ləm, dəwje bula to naŋg gə kubu-kwa-ndòo rɔ dee’g ləma, deḛ rogo bu’g ləm tɔ.

Maktub gə́ wɔji dɔ Jɔb 2:12

Loo gə́ deḛ nai əw ya ɓəi ndá d’un kəm dee d’ée ndá deḛ gəree el. Deḛ d’ɔr ndu dee gə́ tar wəl no̰ ne ləm, deḛ til kubuje lə dee gə́ boi yul-yul rɔ dee’g ləma, deḛ tuga kor d’ɔm dɔ dee’g ləm tɔ.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Joɛl 2:12

Njesigənea̰ pa tɔɓəi pana: Ɓasinè lé, gə́ telje reeje rɔm’g gə ŋgaw meḛ sí bura ləm, Gə kɔg-mee-ɓoo ləm, gə no̰ ləma, Gə no̰ sii mbigi-mbigi ləm tɔ.

Ləbije 23:34

Ula Israɛlje togə́bè pana: Ndɔ dɔg-giree-mi lə naḭ gə́ njekɔm’g siri neelé a to ndɔ ra naḭ ka̰ kəi-kubuje gə́ wɔji dɔ Njesigənea̰ as ndɔ siri.

Ləbije 23:39

Ndɔ dɔg-giree-mi lə naḭ gə́ njekɔm’g siri lé loo gə́ seḭ a kinjaje kandə néje gə́ mee ɓee’g lə sí lé ndá seḭ a raje naḭ kwaje ne Njesigənea̰ meḛ sí’g as ndɔ sí siri: ndɔ gə́ dɔtar a to ndɔ-kwa-rɔ ləm, yee gə́ njekɔm’g jinaijoo kara a to ndɔ-kwa-rɔ ya ləm tɔ.

Jujé 7:6

Juje wa kubu rəa’g hao̰ til ndá yeḛ rəm bəbərə oso dəb kəmee naŋg no̰ sa̰duk-manrɔ’g lə Njesigənea̰’g saar ar kàr andə, yeḛ ləm, gə ŋgatɔgje lə Israɛl ləm tɔ, tɔɓəi deḛ saa naŋg d’ɔm dɔ dee’g tɔ.

Loo gə́ killa rea kəm Ja̰’g 11:3

M’a kun ndum kar njékɔrgootaje ləm gə́ joo lé siŋga dee mba kɔr ne goo ta kar ndɔ dee tɔl-dɔg-giree-joo gə dəa rɔ-misa̰, d’a kaar gə kubu-kwa-ndòo rɔ dee’g.

Njéga̰g-Rəwtaje 20:26

Israɛlje lai gə koso-dəwje bura d’ḭ d’aw Betel, deḛ no̰ ləm, d’isi lée’g neelé no̰ Njesigənea̰’g d’ɔg ne meḛ dee ɓoo saar kàrkemetag ləma, d’inja nékinjaməs gə́ ka̰ roo gə nékinjaməs gə́ wɔji dɔ kɔm na̰’d no̰ Njesigənea̰’g ləm tɔ.

1 Samel 4:12

Mee ndəa gə́ neelé ya dəw gə́ Bḛjami kára ḭ loo-rɔ’g aḭ pəd-pəd teḛ Silo, ndá kubuje ləa til hao̰-hao̰ ləm, kor wa dəa lururu ləm tɔ.

1 Samel 7:6

Togə́bè ɓa deḛ mbo̰ dɔ na̰ loo gə́ Mispa ya tɔ. Deḛ to mán d’aw tər naŋg no̰ Njesigənea̰’g ləm, d’ɔg meḛ dee ɓoo mee ndəa’g neelé ləm tɔ pa ne pana: Jeḛ n’raje kaiya j’ɔsje ne Njesigənea̰ rəw ya! Ndá Samel gaŋg rəwta lə Israɛlje loo’d gə́ Mispa ya.