Nehemi 8:9 - Maktub gə́ To gə Kəmee

⁹ Nehemi gə́ njeguburuɓee ləm, gə Esdras gə́ njekinjanéməs gə njendaji-maktub ləma, gə Ləbije gə́ to njendoo koso-dəwje né ləm tɔ lé d’ula dəwje lai pana: Ɓogənè to ndɔ gə́ to gə kəmee mbata lə Njesigənea̰, Ala lə sí lé. Maji kar sí síje dan kəmndoo’g gə mán-no̰ kəm sí’g el. Mbata koso-dəwje lai no̰ loo gə́ deḛ d’oo taje gə́ godndu pa lé tɔ.

Nehemi 8:9 ပူးပေါင်းရင်းမြစ်များ

2 Mbaije 22:11

Loo gə́ mbai oo taje gə́ maktub godndu pa lé ndá yeḛ wa kubu ləa rəa’g hao̰-hao̰ til.

2 Mbaije 22:19

Mbata ɓəŋgəri ti dus ləm, mbata i oso kul no̰ Njesigənea̰’g dɔ ta gə́ neḛ m’pa dɔ loo gə́ neelé gə dɔ koso-dəwje gə́ d’isi keneŋ gə́ d’a tel to njé gə́ ndɔl wa dɔ dee gə néje gə́ tuji ləm, mbata i til kubu rɔi’g hao̰-hao̰ ləma, i no̰ no̰ neḛ’g ləm tɔ ndá neḛ kara n’oo tɔ, Njesigənea̰ ɓa pa togə́bè ya.

2 Sôrta Gḭka Israɛlje 15:3

As ləbje bula Israɛlje d’isi lal kwa Ala gə́ gəd meḛ dee’g ləm, njekinjanéməs gə́ njendoo dee ta godo ləma, godndu kara godo ləm tɔ.

2 Sôrta Gḭka Israɛlje 30:22

Ejekias ula ta meḛ Ləbije’g lai gə́ gər goso ra kula lə Njesigənea̰ ndá deḛ d’usɔ nékulje gə́ d’inja dee gə́ nékinjanéməsje lé as ndɔ dee siri ndá d’inja nékinjanéməsje gə́ ka̰ kɔm na̰’d ləm, deḛ pidi ne Njesigənea̰, Ala lə bɔ deeje-je ləm tɔ.

2 Sôrta Gḭka Israɛlje 34:19

Loo gə́ mbai lé oo taje gə́ maktub godndu pa lé ndá yeḛ wa kubuje ləa hao̰-hao̰ til.

2 Sôrta Gḭka Israɛlje 34:21

Awje aw dəjije Njesigənea̰ mbata ləm ləm, gə mbata lə ges Israɛlje gə Judaje ləm tɔ, gə goo taje gə́ d’iŋga mee maktub’g neelé, mbata oŋg lə Njesigənea̰ gə́ ḭ səa pu dɔ sí’g lé to oŋg gə́ boo ya mbata bɔ síjeḛ-je d’aa dɔ ta lə Njesigənea̰, ra néeje lai gə́ ndaŋg mee maktub’g neelé el.

2 Sôrta Gḭka Israɛlje 35:3

Yeḛ ula Ləbije gə́ to njéndoo Israɛlje ta ləm, gə to dəwje gə́ to gə kəmee mbata lə Njesigənea̰ ləm tɔ pana: Undaje sa̰duk-manrɔ gə́ to gə kəmee mee kəi gə́ Salomo̰, ŋgolə Dabid, mbai gə́ Israɛl ra lé. Seḭ a kodéje dɔ tam sí’g el ŋga. Ɓasinè lé seḭ a raje né karje Njesigənea̰, Ala lə sí ləm, gə Israɛlje gə́ to dəwje ləa ləm tɔ.

Esdras 2:63

Tɔɓəi njeguburuɓee ula dee mba kar dee d’usɔ néje gə́ to gə kəmee doi el saar kar njekinjanéməs saŋg gə goo urim gə tumim ɓa.

Esdras 7:11

Aa ooje, ta gə́ ndaji mee maktub gə́ mbai Artajerjɛs ar Esdras gə́ to njekinjanéməs gə njendaji-maktub, yeḛ gə́ njendoo dəwje tornduje gə ndukunje lə Njesigənea̰ gə́ wɔji dɔ Israɛlje lé ɓa nee:

Nehemi 10:1

Gə goo néje lai neelé jeḛ j’unje ndu sí gə manrɔ j’ar Ala ndá jeḛ ndaŋgje taree mee maktub’g, ndá mbaije lə sí ləm, gə Ləbije lə sí ləma, gə njékinjanéməsje lə sí ləm tɔ d’unda nétorji dee dɔ’g.

Nehemi 12:26

Deḛ d’isi kəmba mee ndəa’g lə Jojakim, ŋgolə Juje gə́ to ŋgolə Josadak ləm, gə mee ndəa’g lə Nehemi gə́ to njeguburuɓee ləma, gə ka̰ Esdras, njekinjanéməs gə́ to njendaji-maktub ləm tɔ.

Nehemi 7:65

ndá njeguburuɓee ula dee gə mba kar dee d’usɔ néje gə́ to gə kəmee el saar gə mba kar njekinjanéməs dəji Ala gée gə né gə́ ɓaree urim gə tumim ɓa.

Nehemi 7:70

Mbai dɔ njémeekəije d’ar ŋgan larlɔr tɔl-dɔg-loo rɔ joo (20.000) ləm, gə larnda as nékwɔji kwɔi-lə-né tɔl-dɔg gə dəa tɔl (1.100) ləma, gə kubuje gə́ boi yul-yul gə́ wɔji dɔ kula kḭjanémes as rɔ misa̰ giree-siri ləm tɔ.

Nehemi 8:2

Bèe ɓa Esdras, njekinjanéməs ree gə maktub godndu lé no̰ koso-dəwje gə́ to diŋgamje gə denéje gə ŋganje gə́ d’askəm koo ta gər ginee. To ndɔ gə́ dɔtar mee naḭ gə́ njekɔm’g siri.

Njekillamber 3:4

Ndɔ no̰ to keneŋ ləm, ndɔ kogo to keneŋ ləm tɔ, ndɔ ndiŋga-rɔ to keneŋ ləm, ndɔ ndam to keneŋ ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ləbije 23:24

pana: Ula Israɛlje pana: Ndɔ gə́ dɔtar lə naḭ gə́ njekɔm’g siri lé a to ndɔ-kwa-rɔ sí gə́ seḭ a ɓarje ne Njesigənea̰ wəl-wəl ləm, seḭ a mbo̰je ne dɔ na̰ kwamje ne meḛ sí’g ləm tɔ.

Malasi 2:13

Aa ooje, né gə́ raŋg gə́ seḭ raje ɓəi ɓa to nee: Seḭ arje mán kəm sí tula dɔ loo-nékinjaməs lə Njesigənea̰ yal-yal ləm, seḭ no̰je tuma̰je ne ŋgururu-ŋgururu ləm tɔ saar areeje un ne kəmee rəw dɔ nékarje’g lə sí gə́ yeḛ askəm taa ji sí’g el lé.

Njé gə́ Rɔmə 3:20

Mbata godndu lé dəw kára kara a kɔr ne ta dəa’g no̰ Ala’g el, mbata mbɔl dɔ godndu lé ɓa kəm dəwje inja ne dɔ kaiya’g.

Njé gə́ Rɔmə 7:9

Ma nja ləw lé m’isi m’lal godndu lé kara m’isi kəmba ya tɔ. Nɛ loo gə́ godndu lé teḛ mba̰ ndá kaiya lé tel si kəmba ŋga, ma lé ɓa m’tel m’wəi ne tɔ.

Tel tura Godndu 12:12

Lée gə́ neelé ɓa seḭ a kalje rɔ sí keneŋ no̰ Njesigənea̰ Ala’g lə sí, seḭ ləm gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləma, gə Ləbije gə́ d’isi mbuna sí’g ləm tɔ, mbata deḛ lé d’a kiŋga néka̰ dee əsé nédɔji dee mbuna sí’g el.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Tel tura Godndu 16:11

Seḭ a kalje rɔ sí no̰ Njesigənea̰ Ala’g lə sí, loo gə́ Ala lə sí gə́ Njesigənea̰ a kɔr kunda gə kəmee gə mba kar ria ɓar dɔ’g, seḭ ləm gə ŋgan síje gə́ diŋgam gə njé gə́ dené ləm, gə Ləbije gə́ d’isi mbuna sí’g ləma, gə dəw-dɔ-ɓeeje gə ŋganalje gə njékəisiŋgaje gə́ d’isi mbuna sí’g lé ləm tɔ.

Tel tura Godndu 26:14

Ma m’usɔ né kára kara mbuna néje’g neelé loo gə́ m’isi m’wa ndòo yoo el ləm, ma m’tuji né kára keneŋ mbata kula gə́ mina̰ el ləma, m’un né kára keneŋ m’no̰ ne yoo el ləm tɔ, ma m’ila ŋgonkoji dɔ torndu Njesigənea̰ Ala’g ləm ndá m’ra né gə goo ndukunje ləi gə́ i un am lé ya tɔ.

Maktub gə́ Jak ula ne ar ngan-Allaje 4:9

Waje ndòo rɔ sí, síje gə kəmndooyoo ləm, gə mán-no̰ kəm sí’g ləm tɔ. Ŋgaŋ kogo lə sí lé mbélje ne kəmndooyoo ləm, rɔlel lə sí lé kara mbélje ne nékəmndoo ləm tɔ.