Nehemi 8:4 - Maktub gə́ To gə Kəmee

⁴ Esdras gə́ njendaji-maktub lé aar dɔ loo-kaar gə́ ra gə kag mba karee aar keneŋ ɓa tura ta neelé. Loo gə́ mbɔree’g dɔ jikɔlee’g lé Matitia, gə Sema, gə Anaja, gə Uri, gə Hilkija, gə Maaséja d’aar keneŋ, tɔɓəi dɔ jigelee’g lé Pedaja, gə Mikaɛl, gə Malkija, gə Hasum, gə Hasbadana, gə Jakari, gə Mesulam d’aar keneŋ tɔ.

Nehemi 8:4 ပူးပေါင်းရင်းမြစ်များ

2 Sôrta Gḭka Israɛlje 6:13

Mbata Salomo̰ ra loo-kaar gə larkas unda dan mee gadloo’g dana bab, loo-kaar neelé ŋgalee as kəmkil dəw mi ləm, tadee as kəmkil dəw mi ləma, dəree as kəmkil dəw munda ləm tɔ, tɔɓəi yeḛ aar dɔ’g ndá ɔs kəjee naŋg kəm koso-dəwje gə́ Israɛl lai odo jia par gə́ dara.

Esdras 10:29

deḛ gə́ to gel-bɔje lə Bani ndá Mesulam, gə Maluk, gə Adaja, gə Jasub, gə Səal, gə Ramot,

Esdras 10:33

deḛ gə́ to gel-bɔje lə Hasum ndá Matnai, gə Matata, gə Jabad, gə Elipelet, gə Jeremai, gə Manasə, gə Simei

Nehemi 10:3

gə Seraja gə Ajaria gə Jeremi

Nehemi 10:7

gə Daniel gə Gineto̰ gə Baruk

Nehemi 11:5

gə Maaséja, ŋgolə Baruk gə́ to ŋgolə Kol-Hojé gə́ to ŋgolə Hajaja gə́ to ŋgolə Adaja gə́ to ŋgolə Jojarib gə́ to ŋgolə Jakari gə́ to ŋgolə Siloni ləm tɔ.

Nehemi 11:7

Deḛ gə́ to ginkoji Bḛjamije ɓa nee: Salu, ŋgolə Mesulam gə́ to ŋgolə Joɛd gə́ to ŋgolə Pedaja gə́ to ŋgolə Kolaja gə́ to ŋgolə Maaséja gə́ to ŋgolə Itiel gə́ to ŋgolə Esai ləm,

Nehemi 12:13

Mesulam to mbai mbata njémeekəije lə Esdras ləm, Jokana to mbai mbata njémeekəije lə Amaria ləm,

Nehemi 8:3

Esdras tura maktub lé ndaa-loo’d gə́ to tarəwɓee gə́ ria lə Rəw-Manje, un kudee gə ndɔ ya saar ar kàr aar daŋdɔ no̰ diŋgamje gə denéje gə ŋganje lai gə́ d’askəm koo ta gər ginee lé. Koso-dəwje lai d’ur mbi dee gèŋ dɔ maktub godndu’d gə́ yeḛ tura lé.

Nehemi 8:5

Esdras teḛ ta maktub neelé kəm koso-dəwje’g lai mbata yeḛ aar dɔ dəwje’g lai gə́ tar. Bèe ɓa loo gə́ yeḛ teḛ ta maktub ndá dəwje lai d’aar tar loo-kaar dee’g tɔ.

Nehemi 9:3

Loo gə́ deḛ d’aar loo-kaar dee’g mba̰ ndá deḛ tura maktub godndu Njesigənea̰, Ala lə dee as kàr munda mee ndəa’g lé ləm, deḛ teggin kaiyaje lə dee as kàr munda gə́ raŋg ləm tɔ ndá deḛ d’unda ne barmba no̰ Njesigənea̰, Ala’g lə dee ya.

Nehemi 9:4

Juje gə Bani gə Kadmiel gə Sebania gə Buni gə Serebia gə Bani gə Kenani d’uba dɔ loo-kaar pata lə Ləbije ndá d’ɔr ndu dee gə́ tar wəl gə́ rɔ Njesigənea̰, Ala’g lé lə dee.

Matiyo 23:2

Njéndaji-maktubje gə Parisiḛje d’isi loo-si Moyis gə́ to no̰ dee’g.