Nehemi 8:17 - Maktub gə́ To gə Kəmee

¹⁷ Koso-dəwje lai gə́ d’ḭ ɓee-ɓər’g tel ree ɓee lé la kəi-surumje ndá d’isi keneŋ. Un kudee mee ndəa’g lə Juje, ŋgolə Nun lé saar teḛ ne ndəa gən lé Israɛlje ra gar né gə́ togə́bè lé el. Yee ɓa deḛ d’isi ne dan boo-rɔlel’g ya.

Nehemi 8:17 ပူးပေါင်းရင်းမြစ်များ

1 Sôrta Gḭka-Israɛlje 29:22

Deḛ d’usɔ gə d’ai no̰ Njesigənea̰’g gə boo-rɔlel ndá deḛ d’wa dɔ Salomo̰, ŋgolə Dabid gə ubu no̰ Njesigənea̰’g d’undá gə́ mbai gə́ njekɔm’g gɔl joo ləm, d’wa dɔ Sadɔk gə ubu d’undá gə́ njekinjanéməs ləm tɔ.

2 Sôrta Gḭka Israɛlje 30:26

Boo-rɔkal taa loo mee ɓee gə́ Jerusalem pəl-pəl ndá un kudee mee ndəa’g lə Salomo̰, ŋgolə Dabid, mbai gə́ Israɛl lé d’oo gar rɔlel gə́ togə́bè Jerusalem el ya saar ɓəi.

2 Sôrta Gḭka Israɛlje 35:18

Un kudee mee ndəa’g lə njetegginta Samel saar lé deḛ ra naḭ Pag gə́ boo togə́bè mee ɓee gə́ Israɛl el ya ɓəi. Mbai kára kara gə́ mbuna mbaije gə́ Israɛl ra gar naḭ Pag to gə́ Jojias gə njékinjanéməsje gə Ləbije gə Judaje gə Israɛlje gə́ d’isi lée’g neelé gə njé gə́ Jerusalem ra lé bèe el tɔ.

2 Sôrta Gḭka Israɛlje 8:13

Yeḛ inja nékinjanéməsje gə goo godndu Moyis gə́ wɔji dɔ ndɔje kára-kára ləm, gə njé gə́ wɔji dɔ ndɔ-kwa-rɔje ləm, gə naḭje gə́ teḛ sigi ləm, gə naḭje ləm, gə yee gə́ gɔl munda mee ləb kára ləm, gə naḭje gə́ wɔji dɔ muru gə́ əm-tiné godo keneŋ ləm, gə naḭje gə́ wɔji dɔ ndɔje siri-siri ləma, gə naḭje gə́ wɔji dɔ kəi-surumje ləm tɔ.

Esdras 3:4

Deḛ ra naḭ gə́ wɔji dɔ kəi-kubu gə́ la lé gə goo taree gə́ ndaŋg mee maktub’g lé. Gə ndɔje kára-kára lai lé, d’inja nékinjaməs gə́ ka̰ roo gə goo bula lə deḛ gə́ ndukun wɔji kar dee ra gə ndɔ dee ndɔ dee lé tɔ.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tel tura Godndu 16:15

Seḭ a raje naḭ lé ndɔ sí siri kwaje ne Ala lə sí gə́ Njesigənea̰ meḛ sí’g mee loo gə́ Njesigənea̰ a kɔr kunda gə kəmee’g, mbata Ala lə sí gə́ Njesigənea̰ a tɔr ndia dɔ kandə néje’g lə sí lai ləm, gə dɔ kulaje lai gə́ seḭ raje lé ləm tɔ ndá seḭ a kya̰je ne rɔ sí bura dan rɔlel’g.

Ǝbrəje 11:13

Deḛ neelé lai d’wəi dɔ meekun’g lə dee, lal kiŋga ne néje gə́ Ala un ndia gə mba kar dee. Nɛ d’oo néje neelé gə goo ŋgalee d’orè meḛ dee dɔ’g més, deḛ pana: Neḛ n’toje gə́ mbáje ləm, gə njékwagirlooje gə́ dɔ naŋg nee ləm tɔ.

Ǝbrəje 11:9

Meekun lé ɓa yeḛ aw ra ne ɓee gə́ Ala un ndia gə mba karee. Yeḛ si keneŋ asəna gə njekwagirloo. Kəi-surumje gə́ la gə kubu ɓa yeḛ si keneŋ ar Isaak, deḛ gə Jakob gə́ to njékwa-néndubaje səa na̰’d lé kara d’isi səa keneŋ gə́ njékwagirlooje tɔ.

Ǝbrəje 4:8

Tɔgərɔ ya ɓó lé Juje ar dee loo-kwa-rɔ lə dee ndá Ala a pa kwɔji ne ndɔ gə́ raŋg el ŋga.

Jujé 1:1

Loo gə́ Moyis gə́ to kura lə Njesigənea̰ lé wəi mba̰ ndá Njesigənea̰ ula Juje, ŋgolə Nun gə́ to njela gə Moyis lé pana: