Nehemi 8:12 - Maktub gə́ To gə Kəmee

¹² Bèe ɓa koso-dəwje lai d’aw mba sɔ gə kai ləm, gə mba kya̰ gesee kar dee gə́ ka̰ dee godo ləma, gə mba kya̰ rɔ dee dan boo-rɔkal’g ləm tɔ mbata deḛ gər gintaje gə́ d’ɔr ginee d’ar dee lé njai-njai ya.

Nehemi 8:12 ပူးပေါင်းရင်းမြစ်များ

1 Sôrta Gḭka-Israɛlje 29:22

Deḛ d’usɔ gə d’ai no̰ Njesigənea̰’g gə boo-rɔlel ndá deḛ d’wa dɔ Salomo̰, ŋgolə Dabid gə ubu no̰ Njesigənea̰’g d’undá gə́ mbai gə́ njekɔm’g gɔl joo ləm, d’wa dɔ Sadɔk gə ubu d’undá gə́ njekinjanéməs ləm tɔ.

Nehemi 8:10

Deḛ d’ula dee tɔɓəi pana: Aw sɔje da gə́ to ubu ləm, aw aije nékai gə́ lel ləma, ulaje gə gesee arje deḛ gə́ d’wa dɔ gɔl ka̰ dee el ləm tɔ mbata ɓogənè to ndɔ gə́ to gə kəmee mbata lə Mbaidɔmbaije lə sí. Arje kəm sí to ndòo el mbata rɔlel lə Njesigənea̰ ɓa a to siŋga sí ya.

Nehemi 8:11

Ləbije gɔl meḛ koso-dəwje lai d’ar dee d’isi lɔm, d’ula dee pana: síje mundu mbata ndɔ neelé to ndɔ gə́ to gə kəmee, arje kəm sí to ndòo el.

Nehemi 8:13

Ndɔ gə́ njekɔm’g joo lé mbai dɔ gel-bɔje lə koso-dəwje lai ləm, gə njékinjanéməsje ləma, gə Ləbije ləm tɔ mbo̰ dɔ na̰ rɔ Esdras gə́ njendaji-maktub’g gə mba koo gintaje lə godndu lé.

Este 9:22

To mee ndɔje neelé ɓa deḛ d’iŋga loo-kwa-rɔ dee loo gə́ deḛ taa ne rɔ dee ji njéba̰je’g lə dee ndá d’a ra naḭ gə́ wɔji dɔ kəmndoo gə́ d’isi keneŋ gə́ tel to rɔlel ləm, gə ndɔ némeeko̰ lə dee gə́ tel to ndɔ ra naḭ ləm tɔ. Bèe ɓa ndɔje neelé a to ndɔ muru-gad ləm, gə ndɔ rɔlel ləm, d’a kar na̰ nénojije yo gə́ nee ləma, d’a kai njéndooje né keneŋ ləm tɔ.

Maktub gə́ wɔji dɔ Jɔb 23:12

Godndiaje gə́ teḛ təa’g lé ma m’uba m’ya̰ el, Taje gə́ teḛ təa’g lé ma m’ŋgəm məəm’g m’ra née tɔ.

Pakɔsje 119:111

Tornduije lé to gə́ nénduba ləm gə́ to saar gə no̰, Mbata deḛ to né gə́ m’ndá məəm kaḭ dɔ’g.

Pakɔsje 119:127

Gelee gə́ nee ɓa ma m’unda ne godnduije dan kəm’g Unda larlɔr, gə́ àr ŋgad-ŋgad.

Pakɔsje 119:130

Ta ləi gə́ riba dəa lé ar loo ndogó ne jol-jol Ar deḛ gə́ négər na meḛ dee tas lé d’iŋga gosonégər.

Pakɔsje 119:14

M’ndá məəm kaḭ m’aa ne dɔ tornduije kər-kər Asəna gə nébaoje lai gə́ m’iŋga gə́ kama ya.

Pakɔsje 119:16

Godnduije lé m’ar dee to gə́ nérɔlel ləm, M’ar məəm wəi dɔ ta’g ləi nda̰ el ləm tɔ.

Pakɔsje 119:171

Maji kar tam teḛ ila mber ta pidii Mbata i lé ndoom godnduije lé ya.

Pakɔsje 119:174

Ǝi Njesigənea̰, ma lé mal kiŋga kaji ləi ram ŋgwɔd-ŋgwɔd, Godndui lé m’aree to gə́ nérɔlel ləm.

Pakɔsje 119:72

Godndui gə́ teḛ tai’g lé maji mbata ləm Unda néje tɔl-dɔg (1.000) gə́ ra dee gə larlɔr gə larnda.

Pakɔsje 119:97

Ǝi, ma lé m’unda godndui dan kəm’g dana bab! To né gə́ m’la̰ji toree məəm’g ndɔje kára-kára lai

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Lugu 24:32

Deḛ d’ula na̰ pana: Loo gə́ yeḛ teḛ dɔ sí’g rəbə wɔji sə sí ta ɔr ne gin maktub gə́ to gə kəmee ar sí lé see j’isi dan rɔlelee’g el wa.

Njé gə́ Rɔmə 7:18

Ma m’gər gao, né gə́ maji kára kara to məəm’g el, yee ɓa wɔji dɔ darɔm, mbata m’oo loo gə mba kwɔji né gə́ maji məəm’g gə mba ra nɛ tɔg rəa ləm godo.

Loo gə́ killa rea kəm Ja̰’g 11:10

Dəw-mee-ɓeeje gə́ dɔ naŋg nee rɔ dee a lel dee ləm, d’a kal ne rɔ dee kar ne na̰ nénoji yo gə́ nee ləm tɔ mbata njékɔrgootaje gə́ joo lé to njébəg dəw-mee-ɓeeje gə́ d’isi dɔ naŋg nee.