Nehemi 8:1 - Maktub gə́ To gə Kəmee

¹ Koso-dəwje lai mbo̰ dɔ na̰ to gə́ dəw gə́ kára ba bèe ndaa-loo gə́ to tarəwɓee gə́ ria lə Rəw-Manje. Deḛ d’ula Esdras, njendaji-maktub lé mba karee ree gə maktub godndu Moyis gə́ Njesigənea̰ aree mbata lə Israɛlje lé.

Nehemi 8:1 ပူးပေါင်းရင်းမြစ်များ

2 Mbaije 23:2

Tɔɓəi yeḛ aw mee kəi’g lə Njesigənea̰ gə koso-dəwje lai gə́ Juda gə koso-dəwje lai gə́ Jerusalem ləm, gə njékinjanéməsje ləm, gə njéteggintaje ləm, gə koso-dəwje lai un kudee dɔ deḛ gə́ gɔ-gɔ’g saar teḛ ne dɔ dəwje gə́ boo-boo’g ləm tɔ. Yeḛ tura taje lai gə́ to mee maktub manrɔ gə́ d’iŋga mee kəi’g lə Njesigənea̰ lé no̰ dee’g.

2 Sôrta Gḭka Israɛlje 34:15

Yen ŋga Hilkija un ta ula Sapan gə́ to njendaŋ-maktub lé pana: Ma m’iŋga maktub godndu mee kəi’g lə Njesigənea̰. Ndá Hilkija ar Sapan maktub neelé tɔ.

2 Sôrta Gḭka Israɛlje 34:30

Tɔɓəi yeḛ ḭ aw kəi lə Njesigənea̰ gə dəwje lai gə́ Juda gə njé gə́ Jerusalem lai ləm, gə njékinjanéməsje, gə Ləbije ləma, gə koso-dəwje lai un kudee dɔ njé gə́ tɔg’d saar teḛ ne dɔ ŋganje’g tɔ. Yeḛ tura taje lai gə́ to mee maktub manrɔ gə́ d’iŋga mee kəi’g lə Njesigənea̰ lé no̰ dee’g tɔ.

Esdras 7:1

Gée gə́ gogo mee ləb ko̰ɓee’g lə Artajerjɛs, mbai gə́ Persə lé ndá Esdras ree Jerusalem, yeḛ lé to ŋgolə Seraja gə́ to ŋgolə Ajaria, gə́ to ŋgolə Hilkija,

Esdras 7:10

Mbata Esdras lé wɔji mée’g njaŋg mba saŋg gin godndu Njesigənea̰ mba ra née ləm, mba ndoo Israɛlje godnduje gə ndukunje gə́ to keneŋ ləm tɔ.

Esdras 7:11

Aa ooje, ta gə́ ndaji mee maktub gə́ mbai Artajerjɛs ar Esdras gə́ to njekinjanéməs gə njendaji-maktub, yeḛ gə́ njendoo dəwje tornduje gə ndukunje lə Njesigənea̰ gə́ wɔji dɔ Israɛlje lé ɓa nee:

Esdras 7:6

Esdras neelé ḭ Babilɔn ɓa ree Jerusalem. Yeḛ to njendaji-maktub gə bao-gər-gin-godndu Moyis gə́ Njesigənea̰ Ala lə Israɛlje un aree ləw lé. Tɔɓəi to gə́ ji Njesigənea̰ Ala ləa to dɔ Esdras’g ndá mbai ndigi səa dɔ né gə́ rara gə́ yeḛ dəjee’g lé tɔ.

Nehemi 12:26

Deḛ d’isi kəmba mee ndəa’g lə Jojakim, ŋgolə Juje gə́ to ŋgolə Josadak ləm, gə mee ndəa’g lə Nehemi gə́ to njeguburuɓee ləma, gə ka̰ Esdras, njekinjanéməs gə́ to njendaji-maktub ləm tɔ.

Nehemi 12:37

Loo gə́ deḛ teḛ tarəwkɔg’d gə́ ria lə Kəm-rəw-mán ndá deḛ d’aw d’wɔji dɔ dee njoroŋ loo-kuba-ɗao-ɗao gə́ wɔji dɔ ɓee lə Dabid par gə́ loo gə́ ndògo-bɔrɔ ŋgal keneŋ unda kəi lə Dabid saar teḛ ne tarəwkɔg gə́ ria lə Manje gə́ to par gə́ bər lé.

Nehemi 3:26

Deḛ gə́ to njéra kula kəi-Ala’d gə́ raje gə́ d’isi dɔdərloo’g lé ɓa ra kula lé saar teḛ ne loo gə́ wɔji dɔ tarəwɓee gə́ ria lə Manje njoroŋ par gə́ bər ləm, gə teḛ ne kəi-kaar-kɔgərɔ gə́ duu dɔ loo gə́ teḛ gə́ raga lé ləm tɔ.

Nehemi 8:16

Yen ŋga koso-dəwje lé d’aw saŋg kam kagje neelé ndá deḛ la ne kəi-surumje dɔ kəije’g lə dee ləm, mee gadlooje’g lə dee ləm, mee gadloo gə́ wɔji dɔ kəi-Ala ləm, gə ndaa-loo gə́ to no̰ tarəwɓee gə́ ria lə Rəw-Manje ləma, gə ndaa-loo gə́ to no̰ tarəwɓee gə́ ria lə Eprayim ləm tɔ.

Nehemi 8:3

Esdras tura maktub lé ndaa-loo’d gə́ to tarəwɓee gə́ ria lə Rəw-Manje, un kudee gə ndɔ ya saar ar kàr aar daŋdɔ no̰ diŋgamje gə denéje gə ŋganje lai gə́ d’askəm koo ta gər ginee lé. Koso-dəwje lai d’ur mbi dee gèŋ dɔ maktub godndu’d gə́ yeḛ tura lé.

Esai 8:20

Gə́ telje gə́ dɔ godndu gə dɔ kɔrgoota’g lé! Ɓó lé dəw pa togə́bè el ndá kàr gə́ a gə kuba mbata lə koso-dəwje lé a godo.

Ləbije 9:5

Deḛ ree no̰ kəi-kubu-kiŋga-na̰’g gə néje lai gə́ Moyis un ndia dɔ’g ar dee lé, tɔɓəi koso-dəwje lai rəm pər gə́ keneŋ ndá d’aar tar no̰ Njesigənea̰’g.

Matiyo 13:52

Yeḛ ula dee pana: Bèe ɓa njendaji-maktub gə́ rara kara gə́ ndoo néje gə́ wɔji dɔ ɓeeko̰ gə́ dara lé ndá yeḛ to asəna gə njekəi gə́ tɔr nébaoje ləa gə́ sigi-sigi gə njé gə́ ləw-ləw rab raga.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Matiyo 23:2

Njéndaji-maktubje gə Parisiḛje d’isi loo-si Moyis gə́ to no̰ dee’g.

Matiyo 23:34

Gelee gə́ nee ɓa ma m’ula ne njéteggintaje gə njégosokəmkàrje gə njéndaji-maktubje rɔ sí’g. Seḭ a tɔlje njé gə́ na̰je ɗar deeje kaar kag’d ləm, seḭ a kundaje njé gə́ raŋg gə ndəi-kɔb mee kəi-kwa-dɔ-na̰je’g lə sí ləma, seḭ a kulaje kəm dee ndòo gə ɓee-ɓee ləm tɔ,

Tel tura Godndu 31:11

loo gə́ Israɛlje lai d’a ree kaar no̰ Njesigənea̰ Ala’g lə sí mee loo gə́ yeḛ a kɔr kunda gə kəmee’g lé ndá seḭ a turaje godndu neelé no̰ Israɛlje’g lai gə́ d’aar keneŋ neelé.

Njéga̰g-Rəwtaje 20:1

Un kudee Dan saar teḛ Beer-Seba gə ɓee gə́ Galaad lé Israɛlje lai d’unda loo teḛ ndá koso-dəwje mbo̰ dɔ na̰ to gə́ dəw gə́ kára ba bèe no̰ Njesigənea̰’g loo gə́ Mispa.

Njéga̰g-Rəwtaje 20:8

Dəwje bura ya d’ḭ to gə́ dəw gə́ kára ba bèe pana: Dəw kára kara mbuna sí’g a tel kaw mee kəi-kubu’g ləa el ləm, a tel kaw mee kəi’g ləa el ləm tɔ.