Nehemi 7:63 - Maktub gə́ To gə Kəmee

⁶³ Njékinjanéməsje gə́ na̰je to togə́bè tɔ, deḛ gə́ to ŋgaka Hobaja gə Hakos, gə Barjilai, yeḛ gə́ taa ŋgolə Barjilai gə́ dené kára gə́ dené ləa lé, Barjilai lé to dəw gə́ Galaad, ndá deḛ ɓaree gə ri dee-deḛ neelé ya.

Nehemi 7:63 ပူးပေါင်းရင်းမြစ်များ

2 Samel 17:27

Loo gə́ Dabid teḛ Mahanayim ndá Sobi, ŋgolə Nahas, dəw gə́ Raba gə́ to ɓee lə Amo̰je ləm, gə Makir, ŋgolə Amiel, dəw gə́ Lodebar ləma, gə Barjilai, dəw gə́ Galaad gə́ ɓee gə́ Rogelim ləm tɔ

1 Mbaije 2:7

I a ra meemaji gə ŋgalə Barjilai, dəw gə́ Galaad lé, d’a si mbuna deḛ gə́ d’usɔ səi né na̰’d ta-ta ya. Mbata loo gə́ deḛ ree la səm mee ndəa gə́ m’aḭ ne no̰ ŋgokɔḭ Absalɔm’g lé deḛ ra səm meemaji togə́bè tɔ.

1 Sôrta Gḭka-Israɛlje 4:8

Kɔs oji Anub gə Hasobeba gə bɔ ŋgaka Aharelje gə́ to ŋgolə Harum.

Nehemi 3:4

Mbɔr dee-deḛ’g ndá Meremot, ŋgolə Uri gə́ to ŋgolə Hakos ɓa ra kula gɔl ndògo-bɔrɔ ləm, mbɔr dee-deḛ’g ndá Mesulam, ŋgolə Berekia gə́ to ŋgolə Mesejabeel ɓa ra kula ləm, mbɔr dee-deḛ’g tɔɓəi Sadɔk, ŋgolə Baana ɓa ra kula keneŋ ləma,

Nehemi 7:62

deḛ gə́ to ŋgaka Delaja, gə ka̰ Tobija, gə ka̰ Nekoda lé d’as tɔl misa̰ gə dɔ dee rɔ-sɔ giree-joo (642).

Nehemi 7:64

Deḛ saŋg ri dee gə́ wɔji dɔ ginkoji dee nɛ deḛ d’iŋga el. Bèe ɓa deḛ tuba dee ne loo kula kḭjanémes’g