Nehemi 7:1 - Maktub gə́ To gə Kəmee

¹ Loo gə́ kula gɔl ndògo-bɔrɔ lé godo ləm, m’tula tabidi-rəwkɔgje lé ləm tɔ ndá d’unda njéŋgəm takəije, gə njékɔspaje gə Ləbije loo-kula’g lə dee tɔ.

Nehemi 7:1 ပူးပေါင်းရင်းမြစ်များ

2 Mbaije 7:10

Deḛ d’ɔd daw ndá ɓar njéŋgəm tarəwkɔgje lə ɓee-boo neelé tɔɓəi d’ula dee sorta neelé pana: Jeḛ j’a̰dje mee loo-si njérɔje gə́ Siri nɛ aa ooje, dəw kára kara godo keneŋ ləm, kaa né ɓar keneŋ el ləm tɔ, kundaje gə mulayḛ̀je-je ɓa tɔ dee naŋg ləm, kəi-kubuje ɓa to keneŋ to gə́ kédé ya ləm tɔ.

2 Sôrta Gḭka Israɛlje 31:2

Ejekias unda njékinjanéməsje gə Ləbije gə kudu dee kudu dee gə goo kai gə́ kai dee lé nana kara gə goo kula rəa-rəa ndá njékinjanéməsje gə Ləbije ɓa kula lə dee wɔji dɔ kinja nékinjanéməsje gə́ ka̰ roo gə́ ka̰ kɔm na̰’d ləm, gə mba ra kula gə́ raŋg ləma, gə mba kɔs paje gə pa pidije ləm tɔ loo-si Njesigənea̰’g lé.

Esdras 3:8

Mee ləb gə́ njekɔm’g joo gə́ orè goo ree gə́ deḛ ree loo gə́ kəi-Ala to ne Jerusalem kédé lé mee naḭ gə́ njekɔm’g joo ndá Jorobabel, ŋgolə Səaltiel, gə Juje, ŋgolə Josadak, gə ges ŋgako̰ deeje gə́ to njékinjanéməsje gə Ləbije, gə deḛ lai gə́ d’ḭ ɓee-ɓər’g tel ree Jerusalem lé d’un kudu ra kula neelé. Deḛ gə́ to Ləbije gə́ ləb dee as rɔ-joo əsé unda rɔ-joo ɓa d’unda dee gə́ njékaa dɔ kula kunda kəi lə Njesigənea̰-je ya.

Nehemi 10:39

Njekinjanéməs gə́ to ŋgoka Aaro̰ lé a kaar gə Ləbije na̰’d loo gə́ d’a taa né kára gə́ kun mee yee gə́ dɔg’d ndá deḛ Ləbije d’a ree gə ta né gə́ kára gə́ kun mee yee gə́ dɔg’d gə́ to nékar gə́ d’iŋga lé mee kəi’g lə Ala lə sí, mee ŋgan kəije gə́ to kəi-nébao lə Ala lə sí lé.

Nehemi 11:3

Aa oo, mbaije gə́ wɔji dɔ dəb ɓeeko̰je gə́ ree d’isi Jerusalem lé ɓa nee: Mee ɓee-booje’g lə Juda lé, Israɛlje ləm, gə njékinjanéməsje ləm, gə Ləbije ləm, gə njéra kula kəi-Ala’d gə́ raje ləma, gə ŋgaka kuraje lə Salomo̰ ləm tɔ lé, nana kara si loo gə́ to kea̰-kea̰ mee ɓee-boo’g ləa.

Nehemi 12:24

Mbai lə Ləbije-je lé gə́ ri dee lə Hasabia gə Serebia gə Juje, ŋgolə Kadmiel gə ŋgako̰ deeje sə dee na̰’d lé deḛ d’aar d’wɔji dɔ na̰ njoroŋ-njoroŋ mba kɔs pa kula ne rɔnduba dɔ Njesigənea̰’g gə goo torndu Dabid, dəw lə Ala.

Nehemi 6:1

Loo gə́ Sanbalat gə Tobija gə Gesem gə́ to Arabə gə njéba̰je lə sí gə́ raŋg d’oo to gə́ m’gɔl ndògo-bɔrɔ lé ləm, m’ar kəmeeje gə́ ta̰ kara godo ləm tɔ nɛ tarəwkɔgje gə́ joo ɓa m’tula el ɓəi ndá

Nehemi 6:15

Deḛ ra kula gɔl ndògo-bɔrɔ as ndɔ rɔ-mi-giree-joo ɓa tɔlee bém mee ndɔ gə́ njekɔm’g rɔ-joo-giree-mi lə naḭ Elul tɔ.

Nehemi 6:19

Deḛ pa taje gə́ maji dəa’g kəm’g ləm, deḛ ndaji ta ləm d’aree ləm tɔ. Tɔɓəi Tobija ula gə maktubje mba kɔm ne ɓəl dɔm’g ya.