Nehemi 6:16 - Maktub gə́ To gə Kəmee

¹⁶ Loo gə́ deḛ lai gə́ to njéba̰je lə sí d’oo ndá ginkoji dəwje gə raŋg lai gə́ gugu gir sí lé ɓəl unda dee badə gaŋg dee. Rɔkul-boo dəb dɔ dee’g ndá deḛ gər to gə́ kula neelé jeḛ n’tɔleeje bém gə goo torndu Ala lə sí lé ya.

Nehemi 6:16 ပူးပေါင်းရင်းမြစ်များ

Nehemi 2:10

Sanbalat, dəw gə́ Hɔro̰ ləm, gə Tobija, njeboakula ləa gə́ to dəw gə́ Amo̰ ləm tɔ lé loo gə́ d’oo ta neelé ndá meḛ dee o̰ dee yaa̰ mbata dəw gə́ ree mba saŋg maji lə Israɛlje lé.

Nehemi 4:1

Nɛ Sanbalat gə Tobija gə́ to Arabə ləm, gə deḛ gə́ to Amo̰je ləma, gə njé gə́ Asdod ləm tɔ lé loo gə́ deḛ d’oo to gə́ kula gɔl ndògo-bɔrɔ lé aw kəmee gə́ kédé-kédé ləm, j’unje kudu k’udu kəm looje gə́ ta̰ lé ləm tɔ ndá meḛ dee ḭ sə dee pu.

Nehemi 4:7

Gelee gə́ nee ɓa m’unda njérɔje gə goo gel-bɔje lə dee lə dee mee looje gə́ oso naŋg gir ndògo-bɔrɔ’g ləm, gə dɔ naŋg gə́ tudu kurum-kurum’g ləm tɔ ndá deḛ lai d’wa kiambasje əsé niŋga-ndəije əsé ɓandaŋgje lə dee ji dee’g ji dee’g.

Nehemi 6:17

Mee ndəaje gən lé kara dəwje gə́ boo gə́ Juda d’ula gə maktubje ta-ta d’ar Tobija ləm, deḛ kara d’iŋga kea̰-yeḛ ləm tɔ.

Pakɔsje 109:27

Maji kar dee gər gao to gə́ ji-i nja ləm, To gə́ i Njesigənea̰ nja ɓa ra togə́bè ləm tɔ.

Pakɔsje 126:2

Yen ŋga ndu rɔlel ɓar ta sí’g wəl-wəl ləm, Pa boo-rɔkal ɔs na̰ ta sí’g ŋgɔg-ŋgɔg ləm tɔ. Yen ŋga deḛ pata mbuna ginkoji dəwje gə raŋg’g lé pana: Njesigənea̰ ra néje gə́ boo ar dee.

Pakɔsje 129:5

Deḛ lai gə́ d’ə̰ji Sio̰ bəḭ-bəḭ lé Maji kar rɔkul dəb dɔ dee’g Ar dee rəm ne gə goo dee ya.

Pakɔsje 147:2

Njesigənea̰ lé tel gɔl Jerusalem aree to lée’g gogo ləm, Israɛlje gə́ sané kad-kad lé Yeḛ tel mbo̰ dee dɔ na̰’d keneŋ ya ləm tɔ.

Teḛ-Raga 14:25

Yeḛ tɔr gɔl pusu-rɔje lə dee ar loo kaw gə́ kédé lə dee kədərə ya. Togə́bè njé gə́ Ejiptə pana: Ar sí j’aḭje no̰ Israɛlje’g mbata Njesigənea̰ ɓa aw rɔ sə sí gə mbata lə dee.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Bula lə Israɛlje 23:23

Nésukəmloo askəm ra né kára kara gə Jakob el ləm, Ndil nékoo askəm ra né gə Israɛl el ləm tɔ, Loo gə́ ndəa gə́ d’wɔji lé as lé mba̰ ndá d’a kula Jakob gə Israɛl pana: Yee ɓa gə́ kula ra Ala.

Néra Njékaḭkulaje 5:38

Bèe ndá ɓasinè ma m’ula sí təsərə, maji kar sí jɔgje rɔ sí rɔ dəwje’g neelé el nɛ ya̰ deeje ar deeje d’ɔd d’aw. Ɓó lé néra dee gə kula ra dee neelé ḭ rɔ dəwje’g ba ndá a kudu ya.

Jujé 2:11

Jeḛ j’ooje taree ndá meḛ sí ila kas ləm, ndil síjeḛ lai ya teḛ kág igi mbata lə sí ləm tɔ, mbata Njesigənea̰, Ala lə sí lé to Ala gə́ njesi sém dara gə́ tar ləm, gə dɔ naŋg nee ləm tɔ.

Jujé 2:9

tɔɓəi yeḛ ula dee pana: Ma m’gər gao, Njesigənea̰ ar sí ɓee neelé ləm, no̰ néra sí ɔm ɓəl dɔ sí’g ləma, dəwje lai gə́ mee ɓee’g neelé d’unda bala tigi-tigi no̰ sí’g ləm tɔ.

Jujé 5:1

Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.