Nehemi 6:13 - Maktub gə́ To gə Kəmee

¹³ Deḛ ndogo gelee togə́bè d’unda ne meḛ dee yel to gə́ m’a ɓəl ndá m’a tel rɔm goo ta’g lə dee mba ra ne kaiya. Yee ɓa deḛ ra mba kar rim ɓar ne majel ləm, mba kar rɔkul-boo dəb ne dɔm’g ləm tɔ.

Nehemi 6:13 ပူးပေါင်းရင်းမြစ်များ

Nehemi 6:12

Bèe ɓa ma m’gər gao to gə́ Ala ɓa ulá el. Nɛ yeḛ tegginta wɔji ne dɔm mbata Sanbalat gə Tobija d’aree lar ya.

Nehemi 6:6

Yeḛ ndaŋg ta keneŋ pana: Deḛ pa taree mbuna ginkoji dəwje gə raŋg’g ndá Gasmu gəd ta neelé pana: I seḭ gə Jibje seḭ wɔjije gə mba kḭ raje ta, yee ɓa gə́ ginee gə́ i gɔl ne ndògo-bɔrɔ lé gə mbəa. Deḛ pana: I ɓa a gə tel to mbai lə dee ləm,

Gosota-Kəmkàrje 22:1

Kar rii ɓar gə́ majee lé maji unda boo-nébaoje ləm, Meenoji kara maji unda larnda gə larlɔr ləm tɔ.

Gosota-Kəmkàrje 29:5

Dəw gə́ bɔr bèl maree lé Iya ne gum loo-tila-gɔlee’g

Njekillamber 7:1

Ri dəw gə́ ɓar gə́ majee lé Maji unda ubu gə́ ə̰də sululu ləm, Ndɔ kwəi lə dəw lé Maji unda ndɔ kojee ləm tɔ.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Esai 57:11

See na̰ ɓa seḭ ɓəleeje Ndəbje ne pəd-pəd nea̰’g Mba su ne kəm ləm, Mba kar meḛ sí olé ne dɔm’g el ləma, Mba kḛji ne dɔm’g el ləm tɔ wa. See ma m’isi mundu kurum əw lé el wa. Gelee gə́ nee ɓa Seḭ ɓəlmje ne el gə mbəa.

Jeremi 1:17

Nɛ i lé maji kari ḭta ɔm mina̰ wuri’g Ula dee ta néje lai gə́ m’a gə kulai lé. Unda bala no̰ dee’g el Nà ma nja m’a kari unda bala no̰ dee’g

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Ejekel 2:6

Nɛ ma ŋgon-dəw lé lé kun pɔrɔrɔje gə kunje to mbɔrm’g ləm, m’isi gə mbai-yḭje na̰’d ləm tɔ kara maji kam m’ɓəl dee el ləm, maji kam m’ɓəl tapa dee el ləm tɔ. Deḛ to gel-bɔje lə njékɔsta-rəwje ya nɛ lé bèe kara maji kam m’ɓəl tapa dee el ləm, m’ɓəl kəm dee el ləm tɔ.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

Matiyo 22:15

Yen ŋga Parisiḛje d’ula njuma̰ meḛ na̰’d gə mba kaw goso Jeju ɓó gə mba kiŋga ne ta gə́ gəd təa’g.

Matiyo 26:59

Mbai dɔ njékinjanéməsje-je lé gə njégaŋ-rəwtaje lə Jibje lai d’inja kwɔi Jeju mba kar rəwta gə́ gaŋg lé wa dəa ɓó gə́ mba karee udu ne.

Néra Njékaḭkulaje 6:13

Deḛ d’ɔr njégaŋgtaje d’ar dee pana: Dəw neelé pata ila ne ndɔl dɔ loo gə́ to gə kəmee doi lé ləm gə dɔ godndu’g ləm tɔ ɓó ila təa naŋg el,

2 Njé gə́ Kɔrḭtə 11:12

Nɛ né gə́ m’ra lé m’a ra kəm gə́ kédé ya ɓəi mba kɔg ne deḛ gə́ saŋg loo mba tɔi rɔ dee lé mba kar néje gə́ deḛ ti ne rɔ dee dɔ’g lé a to asəna gə ka̰ síjeḛ bèe tɔ.

1 Timote 5:14

Bèe ndá njékəisiŋgaje gə́ nai ma̰də ɓəi lé ma m’ndigi kar dee taa ŋgaw koji ne ŋganje ləm, kar dee d’oo goo loo gə́ mee kəije’g lə dee ləm tɔ, mba kar njeba̰ lé oo ne loo kila ne ta dɔ sí’g el.

2 Timote 1:7

Mbata ndil gə́ Ala ar sí lé to ka̰ siŋgamoŋ ləm, to ka̰ meenoji ləma, to ka̰ kəmkàr ləm tɔ ɓó to ka̰ ɓəl el.

Titə 2:8

to kankəmta gə́ loo-maḭyee godo ləm tɔ. Bèe ɓa njeba̰ lə sí a si ne gu mbata yeḛ a koo loo mba kila ta né gə́ yèr kára kara dɔ sí’g el.

Maktub gə́ Jak ula ne ar ngan-Allaje 4:17

Yeḛ gə́ gər ra né gə́ maji ɓa ra el ndá yeḛ ra kaiya ya.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.