Nehemi 6:11 - Maktub gə́ To gə Kəmee

¹¹ Ma m’ilá keneŋ m’pana: See dəw gə́ to gə́ ma bèe a kaḭ wa! See dəw gə́ to gə́ ma bèe a kaskəm kandə mee kəi gə́ to gə kəmee’g mba kisi kəmba wa. M’a kandə keneŋ el ya saar.

Nehemi 6:11 ပူးပေါင်းရင်းမြစ်များ

Nehemi 6:12

Bèe ɓa ma m’gər gao to gə́ Ala ɓa ulá el. Nɛ yeḛ tegginta wɔji ne dɔm mbata Sanbalat gə Tobija d’aree lar ya.

Nehemi 6:3

Ma m’ula njékaḭkulaje rɔ dee’g gə ta gə́ nee m’pana: Kula gə́ to dɔm’d gə́ m’aar m’ra lé to kula gə́ boo, ma m’askəm kaw el. Loo gə́ m’a gə kaw rɔ sí’g ndá kula lé a kaar naŋg.

Nehemi 6:9

Dəwje lai neelé ndigi kɔm ɓəl dɔ sí’g ndá deḛ d’ula na̰ pana: Meḛ sí a kila kas ləm, kula kara j’a raje el ləm tɔ. Ǝi Ala, ɓasinè am siŋgam!

Pakɔsje 112:6

Mbata yeḛ lé unda ndolè nda̰ el. Riɓar lə njemeekarabasur lé to saar gə no̰.

Pakɔsje 112:8

Yeḛ wa mée kɔgərɔ ya ɓó ɓəl né kára kara bèe el Saar yeḛ a koo koso lə njékoma̰ səaje kar mée lelee ne.

Gosota-Kəmkàrje 28:1

Njemeeyèr mbudu ŋgwɔd aḭ al kar dəw kore gée ləm, Njemeekarabasur ndá mée kaḭ to gə́ kura toboḭ bèe ləm tɔ.

Njekillamber 10:1

Yoo kəmje gə́ ndum dan ubu’g lé ar ubu lə njepodé ubu gə́ ə̰də sululu ḭ njim-njim ləm, néra mbə gə́ lam ba ya askəm tuji kəmkàr ləm, gə riɓar ləm tɔ.

Esai 10:18

Maji lə kag-kɔr ləa gə ndɔje ləa lé Yeḛ a roo dee dula-dula. Karee to asəna gə njerɔko̰ gə́ oso rəb bèe.

Bula lə Israɛlje 3:10

I a kunda Aaro̰ gə ŋganeeje gə́ diŋgam mba kar dee tɔs kəm dee bao-bao dɔ kula gə́ wɔji dɔ dee loo-nékinjaməs’g lé, dəw gə́ raŋg gə́ aw keneŋ ndá d’a tɔlee gə́ tɔl ya.

Néra Njékaḭkulaje 20:24

M’ra né kára kara gə mba taa ne rɔm el ləm, m’oo rɔm gə́ né gəd kəm dɔ’g el ləm tɔ. Né gə́ wa məəm lé kɔr suna rəw ləm gə meendakaḭ ləm, gə tɔl ta kula gə́ Mbaidɔmbaije Jeju ɔm jim’g, am m’ula dee ne tagə́maji gə́ wɔji dɔ noji lə Ala lé ləm tɔ lé yee ɓa gə́ né gə́ wa məəm ya.

Néra Njékaḭkulaje 21:13

Yen ŋga Pool tel ila dee keneŋ pana: See ban ɓa seḭ no̰je arje ɓəŋgərəm a gə ti ne dus nee wa. Lée kwa əsé kwəi Jerusalem’g kara m’isi dɔ gɔlm’g kəgəgə gə mba kaw keneŋ mbata lə ri Mbaidɔmbaije Jeju Kristi lé ya.

Néra Njékaḭkulaje 8:1

Sool ndigi sə dee rəgm gə mba kar dee tɔl Etien. Mee ndəa’g neelé nja d’ḭ d’ɔm na̰ dɔ Eglisə gə́ Jerusalem’g. Deḛ lai sanéna̰ dɔ ɓeeje gə́ Jude gə Samari ləm tɔ, nɛ njékaḭkulaje ɓa nai.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

Njé gə́ Pilibə 2:30

Mbata kula lə Kristi ɓa ta yée nai ne tebdé bèe gə mbəa, yeḛ ya̰ rəa ar yoo mba nai ne gə́ darɔ sí-seḭ rɔm’g, tɔl ne ta kula lə sí gə́ seḭ ooje loo rəa el lé tɔ.

Ǝbrəje 11:27

Meekun lé ɓa yeḛ ya̰ ne Ejiptə, dəa to̰ ne kəw dɔ oŋg’g lə mbai el, yeḛ wa mée kɔgərɔ mbata yeḛ oo yeḛ gə́ dumkoo.

1 Samel 19:5

Yeḛ ila rəa da tɔl ne dəw gə́ Pilisti ar Njesigənea̰ ra ne né gə́ boo taa ne dɔ Israɛlje. I oo gao, i ra rɔlel dɔ’g ya tɔ. See gelee ban ɓa i a ra kaiya kila ne məs yeḛ gə́ ta wa dəa el ləm, a kar dee tɔl Dabid lal né gə́ bèe ləm tɔ ɓəi wa.