Nehemi 5:9 - Maktub gə́ To gə Kəmee

⁹ Tɔɓəi m’pana: Né gə́ seḭ raje lé to lée’g el. See kəm kar sí ɓəlje Ala lə sí loo-kaw sí’g el wa. Bèe ɓa ginkoji dəwje gə́ to njéba̰je lə sí d’a koo loo kula ne sul dɔ sí’g el.

Nehemi 5:9 ပူးပေါင်းရင်းမြစ်များ

Gḭ-Néje 20:11

Abrakam tel ilá keneŋ pana: Ma m’ə̰ji məəm’g m’pana: Mee ɓee’g neelé deḛ ɓəl Ala pai godo ndá d’a tɔlm gə mbata lə dené ləm.

Gḭ-Néje 42:18

Ndɔ gə́ njekɔm’g munda lé ndá Jisəb ula dee pana: Gə́ raje né neelé ndá seḭ a síje ne kəmba. Mbata ma lé m’ɓəl Ala.

2 Samel 12:14

Nɛ to gə́ né gə́ i ra lé ar njéba̰je lə Njesigənea̰ d’ila ne ndɔl dəa’g ndá ŋgon gə́ yeḛ ojee lé a kwəi tɔ.

Nehemi 4:4

Nɛ lé bèe kara njé gə́ Juda pana: Deḛ gə́ d’odo néje lé siŋga dee as el Ar kɔri mbalje gə ŋgwɔi néje to dɔ na̰’d rib-rib, Ndá jeḛ j’a kaskəm kunda ndògo-bɔrɔ lé el ŋga.

Nehemi 5:10

Ma kara jeḛ gə ŋgakɔmje gə kuraje ləm j’ar dee tona sí lar gə kó tɔ. Ar sí j’ya̰je goo ɓaŋg lə sí gə́ to dɔ dee’g lé.

Nehemi 5:15

Njéguburuɓeje gə́ nɔm’g kédé lé d’unda nékodo gə́ wɔi dɔ koso-dəwje’g taa ne muru lə dee ləm, gə taa ne mán-nduú lə dee ləma, gə ŋgan larnda rɔ-sɔ-sɔ ləm tɔ. Kuraje lə dee ya kara d’ula kəm koso-dəwje ndòo tɔ. Nɛ ma m’ɓəl Ala ɓó m’ra togə́bè el.

Pakɔsje 90:11

See na̰ ɓa a gər siŋgamoŋ oŋg ləi wa. See na̰ ɓa ɓəli mbata meeko̰ ləi gə́ i a kḭ ne səa wa.

Gosota-Kəmkàrje 16:29

Dəw gə́ njera né kərm-kərm lé Er njeboatakəi ləa aree un rəw gə́ majel.

Gosota-Kəmkàrje 17:26

Kwɔji né dɔ njemeekarabasur’g karee uga lé To gə goo rəbee el ləm, Kunda dəwje gə́ boo mbata néra dee gə́ danasur lé To gə goo rəbee el ləm tɔ.

Gosota-Kəmkàrje 18:5

Loo-gaŋg-rəwta lé maji koo njemeeyèr gə́ né Mba kila ne ta dɔ njemeekarabasur’g lé bèe el.

Gosota-Kəmkàrje 19:2

Si lal gər goso né el lé To maji mbata lə dəw kára kara el, Yeḛ gə́ gɔlee unee pélé-pélé lé Aree oso dan kaiya’g tɔ.

Gosota-Kəmkàrje 24:23

Aa ooje, né gə́ raŋg gə́ ḭ rɔ njékəmkàrje’g ya tɔɓəi. Kɔr kəm dəwje loo-gaŋg-rəwta’g lé to sur el.

Ejekel 36:20

Deḛ teḛ ɓee’g lə ginkoji dəwje gə raŋg gə́ deḛ d’aw gə́ keneŋ lé ndá deḛ d’ila ndɔl dɔ ri neḛ gə́ to gə kəmee’g ar dəwje pata d’wɔji ne dɔ dee pana: To koso-dəwje lə Njesigənea̰, to ɓee ləa-yeḛ ɓa deḛ d’unda loo keneŋ teḛ.

Ləbije 25:36

Seḭ a kwɔjije səa lar dɔ maree’g el ləm, seḭ a taaje manee jia’g el ləm tɔ, seḭ a ɓəlje Ala lə sí ndá ŋgoko̰ sí a si ne sə sí ya.

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Njé gə́ Rɔmə 2:24

Mbata deḛ ndaŋg taree mee maktub gə́ to gə kəmee pana: Ndɔl ɓar ri Ala mbuna njépole-magəje’g mbata lə sí-seḭ ya.

1 Timote 5:14

Bèe ndá njékəisiŋgaje gə́ nai ma̰də ɓəi lé ma m’ndigi kar dee taa ŋgaw koji ne ŋganje ləm, kar dee d’oo goo loo gə́ mee kəije’g lə dee ləm tɔ, mba kar njeba̰ lé oo ne loo kila ne ta dɔ sí’g el.

Titə 2:5

mba kar dee məəm rɔ dee ləm, mba kar dee lɔm rɔ dee ləm, mba kar dee ra kəi lə dee bur-bur ləm, mba kar dee to gə́ njémeemajije ləma, gə mba kar dee d’oso kul rɔ ŋgaw deeje’g ləm tɔ. Togə́bè ɓa dəw kára kara a koo loo ɓar ne ta lə Ala el.

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.

1 Samel 2:24

Wah! ŋganəmje, ta néje gə́ m’oo lé to majel. Seḭ arje dəwje lə Njesigənea̰ ra kaiya ya.