Nehemi 5:7 - Maktub gə́ To gə Kəmee

⁷ Ma m’wɔji məəm’g mba ndaŋg dəwje gə́ boo ləm, gə njéko̰ɓeeje ləm tɔ ndá m’dəji dee m’pana: Ta ɗi ɓa togə́bè wa! Seḭ arje ŋgako̰ síje tona sí né ndá seḭ tel taaje manee dɔ’g wa. Bèe ɓa ma mbo̰ koso-dəwje dɔ na̰’d mbata ta neelé.

Nehemi 5:7 ပူးပေါင်းရင်းမြစ်များ

Pakɔsje 109:11

Maji kar njeɓaŋ ləa lé saa néje ləa lɔd ləm, Maji kar dəw-dɔ-ɓeeje ree d’odo nékiŋgaje ləa rəw ya ləm tɔ.

Pakɔsje 15:1

Pa lə Dabid Ǝi Njesigənea̰! See na̰ ɓa askəm si mee kəi-kubu’g ləi gə kuree waga wa. See na̰ ɓa askəm ra ɓee dɔ mbal’g ləi gə́ to gə kəmee lé wa.

Pakɔsje 15:5

Lé yeḛ ar dee toná lar ndá kara Yeḛ taa manee dɔ’g el ləm, Ɓó lé deḛ ndo̰ təa gə lar mba kila ne ta dɔ yeḛ gə́ ta wa dəa el kara Yeḛ taa el ləm tɔ. Dəw gə́ ra togə́bè ndá a kunda ndolé nda̰ el.

Pakɔsje 27:8

M’ə̰ji goo ta gə́ i pa pana: Maji kar sí n’saŋgje loo koo kəmi lé ndá Ǝi Njesigənea̰, m’saŋg loo koo kəmi ya to!

Pakɔsje 4:4

Maji kar sí ooje to gə́ Njesigənea̰ Mbər dəw gə́ njemeemaji lé, Njesigənea̰ lé loo gə́ m’ra né wəl gə́ rəa’g ndá Yeḛ oo ndum ya tɔ.

Pakɔsje 94:16

See na̰ ɓa a kuba naŋg kḭ mbata ləm Mba koma̰ gə njémeeyèrje lé wa, Esé see na̰ ɓa a korè dɔm Koma̰ ne gə njéra némajelje lé ɓəi wa.

Teḛ-Raga 22:24

Ɓó lé seḭ arje dəwje ləm gə́ to njéndooje gə́ d’isi sə sí tona sí lar ndá seḭ a raje sə dee to gə́ njeɓaŋ lə sí el ləm, seḭ a dəji deeje maree dɔ’g el ləm tɔ.

Teḛ-Raga 22:25

Ɓó lé seḭ taaje kubu lə mar sí gə́ yeḛ tona ne lar ndá seḭ a telje ne kaareeje gogo ɓad ɓa kar kàr andə ɓəi,

Gosota-Kəmkàrje 27:5

Ta gə́ pa səi kəmi’g təsərə lé Maji unda ndigi na̰ gə́ gə dɔ mundu.

Gosota-Kəmkàrje 28:4

Deḛ gə́ d’uba godndu d’ya̰ lé Pidi njemeeyèr gə́ pidi, Nɛ deḛ gə́ d’aa dɔ godndu kər-kər lé D’ar meḛ dee o̰ dee dəa’g.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 45:9

Mbaidɔmbaije gə́ Njesigənea̰ pa togə́bè pana: As ŋga, seḭ mbaije gə́ njéɓeeje gə́ Israɛl! Ǝwje rɔ sí néra gə́ kərm-kərm ləm, gə taa né gə ɓogo ləm tɔ, raje né gə́ danasur gə né gə́ gə dɔ najee ləm, əwje rɔ sí taa néje lə koso-dəwje lə neḛ dɔ buguru’g ləm tɔ, Mbaidɔmbaije gə́ Njesigənea̰ ɓa pa bèe.

Ləbije 19:15

Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya.

Ləbije 25:36

Seḭ a kwɔjije səa lar dɔ maree’g el ləm, seḭ a taaje manee jia’g el ləm tɔ, seḭ a ɓəlje Ala lə sí ndá ŋgoko̰ sí a si ne sə sí ya.

Matiyo 18:17

Ɓó lé yeḛ mbad koo ta lə dee ndá maji kari aw ula églisə taree. Ɓó lé yeḛ mbad koo ta lə églisə tɔɓəi ndá maji kar dee d’ée gə́ njetar-Ala ləm, gə njetaa lar-gədɓee ba ləm tɔ.

2 Njé gə́ Kɔrḭtə 5:16

Togə́bè ɓa un ginee ɓasinè lé jeḛ n’gər dəw kára kara gə goo darəa el. Kristi kara ɓó lé jeḛ n’gəree gə goo darəa kédé lé ndá ɓasinè j’a gəree togə́bè el tɔ.

Njé gə́ Galati 2:11

Loo gə́ Képas ree Antiɔs ndá ma m’aw səa gə ta m’pa ne səa kəmee’g ya mbata né gə́ yeḛ ra lé kəm ra el ya.

1 Timote 5:20

Deḛ gə́ d’wa gam rɔ dee dɔ kaiya’g lə dee ndá al gin dee gə́ raga gə mba kar mar deeje ɓəl ne.

Titə 2:15

I ɓa yḛ̀, maji kari ndoo dee taje neelé ləm, tɔg dee ne ləm, ndəji dee to gə́ njeŋgɔ-ɓee bèe ləm tɔ. Maji kar dəw kára kara ndɔli ne el.