Nehemi 5:2 - Maktub gə́ To gə Kəmee

² Njé gə́ na̰je pana: Jeḛ gə ŋgan síje gə́ diŋgam gə njé gə́ dené jeḛ bula yaa̰, maji kar dee d’ar sí kó gə mba kar sí j’usɔ j’isije ne kəmba sə dee.

Nehemi 5:2 ပူးပေါင်းရင်းမြစ်များ

Gḭ-Néje 41:57

Tɔɓəi d’ḭ mee ɓeeko̰je gə́ raŋg lai ree Ejiptə mba ndogo kó rɔ Jisəb’g to mbata ɓoo-boo neelé to ɓəl kədm-kədm gə dɔ naŋgje lai ya.

Gḭ-Néje 42:2

Yeḛ pana: Aa ooje, ma m’oo sor kó gə́ to Ejiptə. Ḭje awje nu mba ndogoje kó keneŋ kar sí mba kar sí j’isije ne kəmba ɓó gə mba kar sí j’wəije el.

Gḭ-Néje 43:8

Juda tel ula bɔ deeje Israɛl pana: Maji kari ar ŋgon lé aw səm ndá j’a kḭ kaw ya. Yee ɓa j’a síje ne kəmba ɓó j’a kwəije ne el, jeḛ ləm, i ləma, gə ŋgan síje ləm tɔ.

Gḭ-Néje 47:19

Mbata ɗi ɓa j’a kwəije ne nɔḭ’g, jeḛ ləm, gə dɔ naŋg lə sí ləm tɔ bèe wa. Maji kari ndogo síje gə dɔ naŋg lə sí na̰’d tor nésɔ’g ndá j’a to ka̰ Parao̰ ya, jeḛ ləm, gə ndɔje lə sí ləm tɔ. Ar sí kandə né gə́ ka̰ dubu mba kar sí j’isije ne kəmba ɓó j’wəije ne el ləm, ar dɔ naŋg lə sí tuji ne el ləm tɔ.

2 Mbaije 4:1

Dené kára mbuna denéje’g lə njéteggintaje ra ndòo rɔ Elije’g pana: Ŋgabmje gə́ to kura ləi lé wəi, nɛ i gər gao to gə́ yeḛ lé to njekwa Njesigənea̰ mée’g. Nɛ njeɓaŋ ree mba taa ŋganəmje gə́ joo gə mba kwa dee gə́ ɓərje ləa.

Nehemi 5:3

Njé gə́ raŋg pana: Jeḛ j’waje ndɔje lə sí, gə ndɔ-nduúje lə sí, gə kəije lə sí n’tonaje ne kó loo gə́ ɓoo-boo o̰ lé.

Ajee 1:6

Seḭ dubuje kó gə tadee rəg-rəg ya nɛ seḭ injaje lam ba bèe. Seḭ sɔje né yaa̰ ya nɛ ndanje ndanee el. Seḭ aije né yaa̰ ya nɛ tɔlje ne kunda lə sí el. Seḭ ulaje kubu ya nɛ rɔ sí nuŋga ne so el tɔ. Nédɔji lə yeḛ gə́ ra kula ar maree godo kalaŋ asəna gə né gə́ ɔm mee ɓɔl gə́ kəmee mbudu’g bèe.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.

Tel tura Godndu 23:19

Seḭ a kawje mee kəi’g lə Ala lə sí gə́ Njesigənea̰ gə lar kaiya lə dəwje gə́ togə́bè əsé lar ndogo bisi gə mba tɔl ne ta ndukun lə sí gə́ rara kara el, mbata dee joo bɔr to néje gə́ mina̰ kəm Njesigənea̰ Ala’g lə sí.