Nehemi 5:12 - Maktub gə́ To gə Kəmee

¹² Deḛ tel d’ilam keneŋ pana: J’a telje gə néje lé kar dee ləm, j’a dəji deeje né el ləm tɔ to gə́ i pa lé ya. Bèe ɓa ma m’ɓar njékinjanéməsje m’ar dee manrɔ dee no̰ dee’g gə mba kar ta lə dee lé d’a ra née ya.

Nehemi 5:12 ပူးပေါင်းရင်းမြစ်များ

Esdras 10:12

Dəwje lai gə́ d’wa dɔ na̰ lé d’ɔr ndu dee gə́ tar wəl pana: J’a ra to gə́ i pa lé ya.

Esdras 10:5

Esdras ḭta ndá yeḛ ar mbai dɔ njékinjanéməsje ləm, gə Ləbije ləma, gə Israɛlje lai ləm tɔ manrɔ dee gə mba ra to gə́ pa taree lé ya. Ndá deḛ manrɔ dee togə́bè ya tɔ.

Nehemi 10:29

Ges koso-dəwje ləm, gə njékinjanéməsje ləm, gə Ləbije ləm, gə njéŋgəm tarəwkəije ləm, gə njékɔspaje ləm, gə njéra kula kəi-Ala’d gə́ raje ləm, gə deḛ lai gə́ d’ɔr rɔ dee rɔ dəw-mee-ɓeeje’g mba kun goo godndu Ala ləm, gə denéje lə dee ləm, gə ŋgan deeje gə́ diŋgam gə njé gə́ dené ləma, gə deḛ lai gə́ d’askəm gər né gə gosonégər ləm tɔ lé d’ɔm sə dee na̰’d tɔ.

Nehemi 10:30

Deḛ d’ɔm na̰’d gə ŋgako̰ deeje gə́ to dəwje gə́ boo gə́ d’ur dɔ mar deeje mbuna dee’g ndá deḛ d’un ndu dee gə manrɔ gə rɔkubu mba njaa gə goo godndu Ala gə́ Moyis, kura lə Ala ar dee gə mba kaa dəa kər-kər ləm, gə mba ra néje lai gə́ godndu Njesigənea̰, Mbaidɔmbaije lé pa ləma, gə ndukunje gə godndiaje ləm tɔ.

Nehemi 10:31

Jeḛ j’unje ndu sí mba kar dəwje gə́ ɓee gə́ nee ɓa taa ŋgan síje gə́ dené el ləm, mba taa ŋgan dee-deḛje gə́ dené kara kar ŋgan síjeḛje gə́ ŋgaw el ləm tɔ.

Nehemi 13:25

Ma m’ndaŋg dee ləm, m’ila ndɔl dɔ dee’g ləm, m’kunda njé gə́ na̰je bula mbuna dee’g ləma, m’tɔr yiŋga dɔ dee ləm tɔ ndá m’ar dee manrɔ dee gə ri Ala m’pana: Seḭ a karje ŋgan síje gə́ dené taa ŋgan deeje gə́ diŋgam el ləm, seḭ a taaje ŋgan deeje gə́ dené karje ŋgan síje gə́ diŋgam el ləma, seḭ kara a taa deeje el ləm tɔ.

Nehemi 5:11

Ɓogənè ya, maji kar sí ar deeje ndɔje lə dee gogo ləm, gə ndɔ-nduúje lə dee ləm, gə kag-koiyoje lə dee ləm, gə kəije lə dee ləma, gə né gə́ taa manee dɔ’g gə́ wɔji dɔ lar gə kó gə mán-nduú gə́ sigi gə ubu gə́ seḭ taaje ji dee’g gə siŋga sí lé ləm tɔ.

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Lugu 19:8

Jasee aar no̰ Mbaidɔmbaije’g ulá pana: Mbaidɔmbaije, aa oo, nékiŋgamje lé m’unda mée dana loo joo m’un loo kára m’ar njéndooje, ɓó lé m’tuji né lə dəw ndá m’a karee maree toree’g sɔ ya tɔ.