Nehemi 5:10 - Maktub gə́ To gə Kəmee

¹⁰ Ma kara jeḛ gə ŋgakɔmje gə kuraje ləm j’ar dee tona sí lar gə kó tɔ. Ar sí j’ya̰je goo ɓaŋg lə sí gə́ to dɔ dee’g lé.

Nehemi 5:10 ပူးပေါင်းရင်းမြစ်များ

Nehemi 10:32

Ɓó lé dəwje gə́ mee ɓee’g nee ree gə néndogo əsé nésɔje gə́ ban-ban kara j’a ndogo sə dee gə ndɔ-kwa-rɔ el ləm, gə ndɔ naḭ gə́ to gə kəmee el ləm tɔ. Ləb gə́ njekɔm’g siri-siri lé j’a kya̰je dɔ naŋg karee wa rəa ləm, j’a kya̰je goo ɓaŋgje gə́ rara kara ləm tɔ.

Nehemi 5:11

Ɓogənè ya, maji kar sí ar deeje ndɔje lə dee gogo ləm, gə ndɔ-nduúje lə dee ləm, gə kag-koiyoje lə dee ləm, gə kəije lə dee ləma, gə né gə́ taa manee dɔ’g gə́ wɔji dɔ lar gə kó gə mán-nduú gə́ sigi gə ubu gə́ seḭ taaje ji dee’g gə siŋga sí lé ləm tɔ.

Nehemi 5:7

Ma m’wɔji məəm’g mba ndaŋg dəwje gə́ boo ləm, gə njéko̰ɓeeje ləm tɔ ndá m’dəji dee m’pana: Ta ɗi ɓa togə́bè wa! Seḭ arje ŋgako̰ síje tona sí né ndá seḭ tel taaje manee dɔ’g wa. Bèe ɓa ma mbo̰ koso-dəwje dɔ na̰’d mbata ta neelé.

Nehemi 5:9

Tɔɓəi m’pana: Né gə́ seḭ raje lé to lée’g el. See kəm kar sí ɓəlje Ala lə sí loo-kaw sí’g el wa. Bèe ɓa ginkoji dəwje gə́ to njéba̰je lə sí d’a koo loo kula ne sul dɔ sí’g el.

Pakɔsje 15:5

Lé yeḛ ar dee toná lar ndá kara Yeḛ taa manee dɔ’g el ləm, Ɓó lé deḛ ndo̰ təa gə lar mba kila ne ta dɔ yeḛ gə́ ta wa dəa el kara Yeḛ taa el ləm tɔ. Dəw gə́ ra togə́bè ndá a kunda ndolé nda̰ el.

Esai 58:6

Aa ooje, kɔg-mee-ɓoo gə́ taa kəm lé ɓa nee: Tudu kúla lar gə́ ka̰ meeyèr ləm, Tudu kúla lar gə́ ka̰ kula ɓərje ləm, Kya̰ goo deḛ gə́ d’ula kəm dee ndòo kar dee d’aw ləma, Néje lai gə́ to néməməna̰ lé Təd gwɔb dee’g ləm tɔ,

Ejekel 18:13

ɓó lé yee wɔji né dɔ maree’g ɓa ar dee tona mba kiŋga ne manee dɔ’g ləm tɔ ndá see ŋgon neelé a si kəmba ya wa. Yeḛ a si kəmba el, yeḛ ra néje nee lai gə́ mina̰ ndá maji karee wəi! Maji kar ta məsee wa dəa-yeḛ ya.

Ejekel 18:7

yeḛ buguru dəw kára kara el ləm, yeḛ tel gə nékɔsnaŋ ar njea ləm, yeḛ taa né gə ɓogo el ləm, yeḛ un muru ləa ar dəw gə́ ɓó tɔlee ləm, yeḛ ula kubu rɔ dəw gə́ aw kudee dum’g ləm,

Ejekel 18:8

yeḛ wɔji né dɔ maree’g ɓa ar dee tona gə mba kiŋga manee dɔ’g el ləm, yeḛ ɔg jia dɔ néra gə́ kori-kori’g ləm, yeḛ gaŋgta gə goo rəbee mbuna dəwje gə́ joo’g ləm,

Misee 2:1

Meeko̰ a koso dɔ deḛ gə́ la̰ji tor néra gə́ kori-kori meḛ dee’g D’wa dɔ gɔlee jəb dɔ tira-to dee’g! Loo gə́ loo àr yərərə ndá d’aw ra née Loo gə́ d’ɔm siŋgamoŋ rəa lé ji dee’g tɔ.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.

2 Njé gə́ Kɔrḭtə 5:20

Bèe ndá jeḛ lé n’to njenai gə dəwje mba Kristi, jeḛ n’taa ndu Ala m’pa ne ta j’ar dee pana: Jeḛ n’ra ndòo rɔ sí’g gə ri Kristi, maji kar sí ɔmje na̰’d yəg gə Ala ya.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Tel tura Godndu 15:2

Aa ooje, loo kaa dɔ rəw kɔr ɓaŋg dɔ’g lé ɓa nee: Loo gə́ d’a kila mber kɔr ɓaŋg gə́ ka̰ kula ne rɔnduba dɔ Njesigənea̰’g ndá dəw gə́ rara gə́ maree toná né lé a kɔr ɓaŋg neelé dɔ ŋgokea̰’g lé ɓó yeḛ a kɔsee ɓɔḭ-ɓɔḭ karee uga ɓaŋg gə́ to dəa’g lé el.