Nehemi 5:1 - Maktub gə́ To gə Kəmee

¹ Mee ndəa’g neelé diŋgamje gə denéje lə dee lé d’ḭ no̰ no̰ yoo dɔ ŋgako̰ deeje’d gə́ to Jibje lé.

Nehemi 5:1 ပူးပေါင်းရင်းမြစ်များ

Maktub gə́ wɔji dɔ Jɔb 34:28

Deḛ d’ar ndu no̰ lə njendoo aw saar oso mbi Ala’g lé ləm, Deḛ d’aree oo ndu no̰ lə njénékəmndooje ya ləm tɔ.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Jeremi 34:8

Njesigənea̰ ula Jeremi ta loo gə́ mbai Sedesias man rəa ar koso-dəwje gə́ Jerusalem lai gə mba kila mber kɔm ɓərje tar

Ejekel 45:9

Mbaidɔmbaije gə́ Njesigənea̰ pa togə́bè pana: As ŋga, seḭ mbaije gə́ njéɓeeje gə́ Israɛl! Ǝwje rɔ sí néra gə́ kərm-kərm ləm, gə taa né gə ɓogo ləm tɔ, raje né gə́ danasur gə né gə́ gə dɔ najee ləm, əwje rɔ sí taa néje lə koso-dəwje lə neḛ dɔ buguru’g ləm tɔ, Mbaidɔmbaije gə́ Njesigənea̰ ɓa pa bèe.

Malasi 2:13

Aa ooje, né gə́ raŋg gə́ seḭ raje ɓəi ɓa to nee: Seḭ arje mán kəm sí tula dɔ loo-nékinjaməs lə Njesigənea̰ yal-yal ləm, seḭ no̰je tuma̰je ne ŋgururu-ŋgururu ləm tɔ saar areeje un ne kəmee rəw dɔ nékarje’g lə sí gə́ yeḛ askəm taa ji sí’g el lé.

Lugu 18:7

See Ala lé a ra rəwta lə dəwje ləa gə́ yeḛ ɔr dee unda dee gə kəmee gə́ to təa’g pəgə-pəgə dan kàrá gə loondul’g lé bel wa. See yeḛ a tila gə́ tila dɔ dee’g wa.

Néra Njékaḭkulaje 7:26

Bèlè lookàree yeḛ teḛ dɔ dəwje joo gə́ d’aar kunda na̰. Yeḛ naa dee gə ta gə́ kul, ula dee pana: Dəwje, seḭ toje ŋgako̰ na̰je, see ban ɓa seḭ aar raje na̰ majel togə́bè wa.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.