Nehemi 4:17 - Maktub gə́ To gə Kəmee

¹⁷ Ma əsé ŋgakɔmje əsé kuraje ləm əsé dəwje gə́ njékaa-dɔ-looje gə́ d’aw goom’g lé, dəw kára kara gə́ mbuna sí’g lé ɔr kubu ləa rəa’g el tɔ. Nana kara nérɔ gə mán ɓa wa jia’g-jia’g tɔ.

Nehemi 4:17 ပူးပေါင်းရင်းမြစ်များ

Nehemi 4:13

Ma m’ula dəwje gə́ boo ləm, gə njéko̰ɓeeje ləma, gə ges koso-dəwje gə́ nai ləm tɔ m’pana: Kula to yaa̰, to rəg-rəg ndá jeḛ n’sanéje-na̰ dɔ ndògo-bɔrɔ’g lé j’aarje əw-əw gə mar síje.

Nehemi 4:16

Mee ndəa gən ya m’ula koso-dəwje tɔɓəi m’pana: Maji kar nana kara gə kura ləa lé loondul ndá d’a to Jerusalem ya. Ar sí ŋgəmje loo loondul’g, nɛ dankàrá ndá ar sí n’raje kula.

Pakɔsje 149:6

Maji kar ta pidi Ala to ta dee’g ləm, Maji kar kiambas gə́ adə gə́ ŋgaŋgee joo lé To ji dee’g kel-kel ləm tɔ

Pa gə́ ur dɔ paje 3:8

Deḛ lai d’aar gə kiambas ləm, Gər loo rɔ maji ləm tɔ. Nana kara tɔ kiambas ləa rḛgee’g-reŋgee’g Mbata néɓəlje gə́ d’a gə teḛ loondul’g ya.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Joɛl 2:8

Deḛ d’usu na̰ wuduru-wuduru el, Nana kara njaa gə kíla rəw ləa-ləa, Deḛ dəs kalaŋ mbuna ndo̰ nékadje’g Lal kaar naŋg.

1 Njé gə́ Kɔrḭtə 16:13

Sije kəmba arje kəm sí ɔs loo pal-pal ləm, aarje dɔ meekun’g lə sí njaŋg ləm, waje rɔ gə́ diŋgam ləma, aarje kɔgərɔ ləm tɔ.

1 Njé gə́ Kɔrḭtə 16:9

mbata rəw to tag bərəŋ mba karm m’aw m’ra kula keneŋ ya, njéba̰je kara taa loo keneŋ pəl-pəl.

1 Njé gə́ Kɔrḭtə 9:12

Ɓó lé njé gə́ raŋg d’isi gə torndu gə mba kiŋga ne ji sí’g bèe lé nɛ ɓəd ɓa see jeḛ lé j’a kunda dee gə lèlé ba el wa. Nɛ torndu gə́ togə́bè lé j’isi ne el, jeḛ j’ula rɔ sí ndubu dɔ néje’g lai ɓó gə mba kar né kára kara ɔg rəw tagə́maji lə Kristi el.

2 Njé gə́ Kɔrḭtə 6:7

j’ila mber kankəmta ləm, siŋgamoŋ lə sí ḭ rɔ Ala’g ləma, meekarabasur lé to gə́ nérɔje gə́ ka̰ rɔ ne, gə ka̰ ko̰ ne rɔ sí ləm tɔ.

Njé gə́ Pilibə 1:28

ɓó gə mba kar njéba̰je lə sí d’ɔm ɓəl dɔ sí’g el. Néra dee lé ɔr gin dee woḭ to gə́ deḛ to gə́ dəwje gə́ tuji nɛ ka̰ sí-seḭ to gə́ kaji mbata lə sí ya.

2 Timote 2:3

Ula rɔi ndubu səm na̰’d asəna gə njerɔ lə Jeju Kristi gə́ maji ya.

2 Timote 4:7

Ma m’rɔ rɔ maji ləm, ma m’ɔr suna rəw ləm njal ləma, m’aar dɔ meekun’g kɔgərɔ ləm tɔ.