Nehemi 3:21 - Maktub gə́ To gə Kəmee

²¹ Gée-yeḛ’g lé Meremot, ŋgolə Uri gə́ to ŋgolə Hakos ɓa gɔl dəb ndògo-bɔrɔ gə́ raŋg un kudee takəi’g lə Eliasib saar teḛ rudu kəi’g lə Eliasib lé tɔ.

Nehemi 3:21 ပူးပေါင်းရင်းမြစ်များ

1 Sôrta Gḭka-Israɛlje 4:8

Kɔs oji Anub gə Hasobeba gə bɔ ŋgaka Aharelje gə́ to ŋgolə Harum.

Esdras 2:61

Tɔɓəi mbuna gel-bɔje’g lə njékinjanéməsje lé: ŋgaka Habaja ləm, gə ŋgaka Hakos ləma, gə ŋgaka Barjilai ləm tɔ. Yeḛ gə́ rudu lé taa dené mbuna ŋgalə Barjilai gə́ dené’g ndá yeḛ to dəw gə́ Galaad ya nɛ d’unda ri dee dəa’g ɓaree ne.

Esdras 8:33

Ndɔ gə́ njekɔm’g sɔ lé j’wɔji kwɔi lə larnda ləm, gə larlɔr ləma, gə nékulaje ləm tɔ mee kəi’g lə Ala lə sí ndá jeḛ j’ɔm néje neelé ji Meremot’g, gə́ to ŋgolə Uri gə́ to gə́ njekinjanéməs, yeḛ lé Eləajar, ŋgolə Pines si səa na̰’d ləm, deḛ gə́ to Ləbije gə́ ri dee lə Jojabad, ŋgolə Juje, gə Noadia, ŋgolə Binui, deḛ kara d’isi sə dee na̰’d ləm tɔ.

Nehemi 3:1

Eliasib gə́ to ŋgɔ-njekinjanéməs lé ḭ gə ŋgakea̰je gə́ to njékinjanéməsje ar dee ra tarəwkɔg gə́ ria lə Rəw lə Badje lé. Deḛ d’unda gə kəmee ləm, gə tula tabidi-rəwje keneŋ ləm tɔ. Deḛ d’unda gə kəmee un kudee dɔ kəi-kaar-kɔgərɔ gə́ duu dɔ loo gə́ ria lə Méa saar teḛ ne kəi-kaar-kɔgərɔ gə́ duu dɔ loo gə́ ria lə Hananeel tɔ.

Nehemi 3:20

Gée-yeḛ’g lé Baruk, ŋgolə Jabai ɓa gɔl dəb ndògo-bɔrɔ gə́ raŋg lé gə rəa bura, un kudee dɔkum ndògo-bɔrɔ’g saar teḛ ne takəi’g lə Eliasib, ŋgɔ-njekinjanéməs lé.

Nehemi 3:22

Gée-yeḛ’g lé njékinjanéməsje gə́ d’ḭ looje gə́ gugu dɔ Jerusalem sub ɓa ra kula gɔl ndògo-bɔrɔ lé.

Nehemi 3:4

Mbɔr dee-deḛ’g ndá Meremot, ŋgolə Uri gə́ to ŋgolə Hakos ɓa ra kula gɔl ndògo-bɔrɔ ləm, mbɔr dee-deḛ’g ndá Mesulam, ŋgolə Berekia gə́ to ŋgolə Mesejabeel ɓa ra kula ləm, mbɔr dee-deḛ’g tɔɓəi Sadɔk, ŋgolə Baana ɓa ra kula keneŋ ləma,

Nehemi 7:63

Njékinjanéməsje gə́ na̰je to togə́bè tɔ, deḛ gə́ to ŋgaka Hobaja gə Hakos, gə Barjilai, yeḛ gə́ taa ŋgolə Barjilai gə́ dené kára gə́ dené ləa lé, Barjilai lé to dəw gə́ Galaad, ndá deḛ ɓaree gə ri dee-deḛ neelé ya.