Nehemi 3:15 - Maktub gə́ To gə Kəmee

¹⁵ Salṵ, ŋgolə Kol-Hojé, mbai dɔ dəb ɓee gə́ ria lə Mispa gɔl tarəwɓee gə́ ria lə Kəm-rəw-mán. Yeḛ unda tarəwɓee lé ləm, tula tabidi-kəije gə pəgərəje gə kageeje keneŋ ləm tɔ. Tɔɓəi yeḛ unda ndògo-bɔrɔ kəm duu-mán gə́ Siloe gə́ to mbɔr loo-kamnaḭ’g lə mbai saar teḛ ne loo tuga ɗao-ɗao gə́ suru ɗum par gə́ ɓee-boo’g lə Dabid.

Nehemi 3:15 ပူးပေါင်းရင်းမြစ်များ

2 Samel 5:9

Dabid si kəi-kaar-kɔgərɔ’d gə́ ɓaree ɓee-boo lə Dabid lé. Yeḛ unda kəi-ŋgəm-looje gugu ne dɔ Milo dəb loo gə́ kəi’g ləm, gə debee gə́ raga’g ləm tɔ.

2 Mbaije 25:4

Bèe ɓa deḛ mbudu kəm ndògo-bɔrɔ gə́ gugu dɔ ɓee-boo lé ndá mbai gə njérɔje d’ḭ til’g teḛ gə rəw gə́ aw teḛ tarəw ɓee gə́ to mbuna ndògo-bɔrɔje gə́ joo gə́ to mbɔr loo-kamnaḭ’g lə mbai lé, loo gə́ Kaldeje d’aḭ dɔ ɓee-boo sub lé. Njékaḭje neelé d’aḭ gə rəw gə́ ndag-mbo’g.

2 Sôrta Gḭka Israɛlje 32:30

Ejekias nee ya to yeḛ gə́ udu kəm-rəw-mán gə́ tar gə́ ria lə Giho̰ ndá ar mán lé tel ula par gə́ dɔ-gó lə ɓee-boo lə Dabid. Ejekias teḛkɔr dɔ néje lai gə́ yeḛ ra’g.

Nehemi 12:37

Loo gə́ deḛ teḛ tarəwkɔg’d gə́ ria lə Kəm-rəw-mán ndá deḛ d’aw d’wɔji dɔ dee njoroŋ loo-kuba-ɗao-ɗao gə́ wɔji dɔ ɓee lə Dabid par gə́ loo gə́ ndògo-bɔrɔ ŋgal keneŋ unda kəi lə Dabid saar teḛ ne tarəwkɔg gə́ ria lə Manje gə́ to par gə́ bər lé.

Nehemi 2:14

Ma m’dəs mbɔr tarəwɓee gə́ ria lə Kəm-rəw-mán ləm, gə duu-mán lə mbai ləm tɔ ndá lé neelé loo gə́ kəm kam m’dəs keneŋ gə mulayḛ̀je gə́ m’ubá lé godo.

Nehemi 2:17

Yen ŋga m’ula dee m’pana: Seḭ ooje kəmtondoo gə́ j’isi danee’g gaw ya. Jerusalem tuji ləm, pər o̰ tarəwkɔgje ləa ləm tɔ. Gə́ reeje ar sí j’undaje ndògo-bɔrɔ gə́ Jerusalem lé gogo, bèe ɓa rɔ sí a kul ne el tɔ.

Nehemi 3:12

Mbɔr dee-deḛ’g lé Salum, ŋgolə Halohes, mbai dɔ ges dəb ɓee gə́ Jerusalem lé ra kula gɔl ndògo-bɔrɔ gə ŋganeeje gə́ dené na̰’d.

Nehemi 3:14

Malkija, ŋgolə Rekab, mbai dɔ dəb ɓee gə́ ria lə Bet-Hakerem gɔl tarəwɓee gə́ ria lə Ɓiri-ɓisi. Yeḛ unda tarəwɓee lé ləm, tula tabidi-rəbeeje gə pəgərəje gə kageeje keneŋ ləm tɔ.

Nehemi 3:19

ndá mbɔree-yeḛ’g lé Ejer, ŋgolə Juje, mbai gə́ Mispa ɓa gɔl dəb ndògo-bɔrɔ gə́ raŋg gə́ to loo gə́ ḭ dən kəi gə́ wɔji dɔ ŋgəm nérɔje keneŋ njoroŋ par gə́ dɔkum ndògo-bɔrɔ’g.

Nehemi 3:7

Mbɔr dee-deḛ’g lé Melatia, dəw gə́ Gabao̰ ləm, gə Jado̰, dəw gə́ Meronot ləma, gə dəwje gə́ Gabao̰ gə Mispa gə́ d’ḭ gin njeguburuɓee gə́ si kel tura-baa’g nu ləm tɔ ɓa ra kula keneŋ,

Nehemi 3:9

Mbɔr dee-deḛ’g lé Repaja, ŋgolə Hur, yeḛ gə́ to mbai dɔ ges dəb ɓee gə́ Jerusalem ɓa ra kula gɔl ndògo-bɔrɔ lé keneŋ.

Njekillamber 2:6

Ma m’ra kəm-rəw-manje mba kar mán ula keneŋ ɔm gel kagje’g kar dee tɔg ne.

Esai 8:6

Mbata kḛji gə́ dəwje neelé d’ə̰ji manje gə́ Siloe Gə́ d’aḭ yer-yer lé bəḭ-bəḭ ləm, Gə rɔlel gə́ deḛ ra wɔji dɔ Resin gə dɔ ŋgolə Remalia ləm tɔ lé

Jeremi 40:6

Jeremi aw rɔ Gedalia’g, ŋgolə Ahikam mee ɓee gə́ Mispa aw si səa mbuna koso-dəwje gə́ nai mee ɓee’g lé.

Lugu 13:4

Esé deḛ gə́ dɔg-gir-dee-jinaijoo gə́ kəi gə́ Siloe gə́ ŋgal gə́ duu dɔ loo lé təd unda dee tɔl dee lé see deḛ ɓa gə́ dəwje gə́ ta wa dɔ dee ur dɔ njéɓeeje gə́ Jerusalem gə́ raŋg wa.

Tagə́maji gə́ Ja̰ ndang 9:7

ɓa ulá pana: Ɔd aw togo kəmi duu-mán gə́ Siloe, (ri neelé tel ta koji sí pana: ulá). Yeḛ ɔd aw togo kəmee keneŋ njen tel ndá oo loo njai-njai.

Njéga̰g-Rəwtaje 20:1

Un kudee Dan saar teḛ Beer-Seba gə ɓee gə́ Galaad lé Israɛlje lai d’unda loo teḛ ndá koso-dəwje mbo̰ dɔ na̰ to gə́ dəw gə́ kára ba bèe no̰ Njesigənea̰’g loo gə́ Mispa.

Njéga̰g-Rəwtaje 20:3

Bḛjamije d’oo to gə́ Israɛlje d’ḭ d’aw Mispa ya. Israɛlje lé dəji dee pana: Maji kar sí ula síje, see néra gə́ majel gə́ togə́bè lé teḛ to gə́ ban ɓa bèe wa.