Nehemi 2:5 - Maktub gə́ To gə Kəmee

⁵ m’tel m’ila mbai’g lé m’pana: Ɓó lé mbai oo gə́ né gə́ maji ləm, ɓó lé kura ləa taa kəmee ləm tɔ ndá maji karee un ndia am m’aw ɓee gə́ Juda, ɓee-boo gə́ dɔɓar bɔmje-je to keneŋ mba kam m’tel m’unda ɓee neelé gogo ya.

Nehemi 2:5 ပူးပေါင်းရင်းမြစ်များ

2 Samel 14:22

Joab oso bəbərə unda barmba dəb kəmee naŋg ndá yeḛ pidi mbai lé. Tɔɓəi yeḛ pana: Ǝi mbai ləm, kura ləi gər ɓogənè to gə́ m’taa kəmi rəgm ya mbata mbai ra né gə goo ta gə́ kura ləa pa lé ya.

Esdras 5:17

Ɓasinè, ɓó lé mbai oo gə́ nékəmra ndá maji kar dee saŋg mee kəi-nébaoje’g lə mbai gə́ to Babilɔn mba kar dee d’oo see mbai Sirus lé un ndia mba kar dee d’unda kəi-Ala gə́ to Jerusalem lé tɔgərɔ ya wa. Tɔɓəi maji kar mbai ula gə torndia gə́ wɔji dɔ né neelé ar sí j’oo ɓa.

Nehemi 2:4

Bèe ɓa mbai lé dəjim pana: See ɗi ɓa ma m’ndigi wa. M’ra tamaji ta Ala gə́ to mbai dɔ dara lé ndá

Nehemi 2:6

Mbai gə́ dené ləa si mbɔree’g lé dəjim pana: See mbá kaw ləm lé m’a ra ndɔ ka̰da wa. See ndɔ gə́ ra ɓa m’a tel wa. Mbai lé ndigi səm gə k’am m’aw ndá ma kara m’wɔji ndɔ tel ləm m’aree ya tɔ.

Este 1:19

Ɓó lé mbai oo gə́ né gə́ maji kəm ra ndá maji karee ar deḛ d’ila mberee gə torndia ləm, gə ndaŋg taree mbuna godnduje’g lə Persəje gə Medəje ləm tɔ gə mba kɔg ne kalta ta ndukun gə́ wɔji dɔ mbai lé, bèe ɓa gə mba kar Basti teḛ aar no̰ mbai Asuerus’g el ŋga ləm, mba kar rɔnduba lə dené lə mbai lé dené gə́ raŋg gə́ maji undá ɓa taa ləm tɔ.

Este 5:8

Ɓó lé m’taa kəm mbai rəgm ləm, ɓó lé rɔ mbai lelee gə mba ndigi səm dɔ nédəji’g ləm gə mba kam né gə́ m’ndigi ləm tɔ ndá maji kar mbai gə Aman ree loo muru-gad gə́ m’a gə gɔl mbata lə dee lé ndá bèlè ɓa m’a tel kila mbai keneŋ gə goo ndukun ləa ɓəi.

Este 7:3

Este, dené lə mbai lé ilá keneŋ pana: Ǝi mbai, ɓó lé m’taa kəmi rəgm ləm, ɓó lé mbai oo gə́ né gə́ maji kəm ra ndá am m’isi kəmba ya, yee ɓa gə́ né gə́ m’dəji ləm, ar dəwje ləm kara d’isi kəmba ləm tɔ, yee ɓa gə́ né gə́ m’ndigi tɔ.

Este 8:5

Yeḛ pa tɔɓəi pana: Ɓó lé mbai oo gə́ né gə́ maji kəm ra ləm, ɓó lé m’taa kəm mbai rəgm ləm, ɓó lé to né gə́ a maji ləma, ɓó lé m’to maji kəm mbai’g ləm tɔ ndá maji kar dee ndaŋg maktub tuji ne ta gə́ Aman, ŋgolə Hamedata wɔji mée’g ar dee ndaŋg mba tuji ne Jibje lai gə́ d’isi dəb ɓeeko̰je’g lə mbai lé ɓa.

Gosota-Kəmkàrje 3:4

Togə́bè ɓa i a kiŋga ne meenoji Gə takə̰ji gə́ maji kəm Ala’g lé ləm, Gə kəm dəwje’g ləm tɔ.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Matiyo 23:27

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ toje asəna gə dɔɓarje gə́ ra né keneŋ d’ar dee nda kələw-kələw d’ar dee to ne né gə́ maji bèlm’g raga, nɛ meḛ dee gə́ kəi ndá siŋgaje gə néje gə́ ram ɓa rusu njḭ-njḭ.

Rudu 2:13

Ndá Rudu tel ilá keneŋ pana: Ǝi mbai ləm, maji kari ila kəm toro’g ya. Ma lé m’to Ŋgonjelookisi ləi gə́ dené el ya nɛ lé bèe kara i lé gɔl məəm ar tapai ur məəm’g njɔd ya.